Спорт
Германците се подготвени да го чекаат Клоп до март 2025 година
![](https://makfax.com.mk/wp-content/uploads/2024/03/240126054543-01-jurgen-klopp-file.jpg)
Јирген Клоп ќе го води Ливерпул до крајот на сезоната, а потоа ќе го напушти клубот во кој пристигна во 2015 година и му ја донесе титулата англиски и европски шампион.
Германските медиуми пишуваат за планот на Германскиот фудбалски сојуз кој ќе се обиде да го убеди славниот тренер да ја преземе репрезентацијата.
Клоп во кариерата работеше на три места, запон во Мајнц, потоа се пресели во Борусија Дортмунд, а од Германија замина во Ливерпул.
Германските медиуми пишуваат дека е голема веројатноста по Европското првенство, без оглед на резултатот, Германија да остане без селектор. Јулијан Нагелсман има договор до крајот на ЕУРО 2024, а самиот не крие дека повторно би сакал да работи во клупскиот фудбал.
Дел од медиумите тврдат дека Клоп има голема поддршка од навивачите.
„Дие Велт“ потсетува на зборовите на Клоп дека му е потребен одмор, но изразува надеж дека би можел да го води првиот натпревар на Германија во март 2025 година, а потоа да ја подготви репрезентацијата за Светското првенство следната година.
Во периодот помеѓу заминувањето на Нагелсман и доаѓањето на Клоп, репрезентацијата би ја предводел помошникот на актуелниот селектор, Сандро Вагнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) 85.000 луѓе го пречекаа Мбапе на „Сантијаго Бернабеу“
![](https://makfax.com.mk/wp-content/uploads/2024/07/mbappe.jpg)
Францускиот фудбалер Килијан Мбапе и официјално беше промовиран во нов играч на Реал Мадрид. На промоцијата присуствуваа 85.000 луѓе на „Сантијаго Бернабеу“.
Мбапе, утринава најпрвин беше на лекарски прегледи, а потоа заедно со претседателот на Реал Флорентино Перез го парафираше повеќегодишниот договор.
Мбапе ќе остане во шпанската престолнина најмалку до летото 2029 година. Само за потписот доби 130 милиони, а месечно ќе заработува 26 милиони евра нето.
На дресот ќе го носи бројот девет, откако не инсистираше на бројот десет што го носи Лука Модриќ.
По потписот следеше спектакуларна промоција пред 85.000 навивачи на стадионот „Сантијаго Бернабеу“, први на теренот излегоа претседателот Флорентино Перез и клупските легенди Хосе Мартинез Пири и Зинедин Зидан.
По тој повод беше прикажан специјален филм подготвен исклучиво за оваа пригода, на кој се прикажани ексклузивни снимки од Зизу и младиот Мбапе.
Легендарниот француски играч за врска беше тој што работеше со својот 13-годишен сонародник во тренинг комплексот на Реал.
Exclusive footage of Zidane and Kylian Mbappe training with Real Madrid as a kid 🤍 pic.twitter.com/MYc4niUUq7
— Amit Shah (Parody) (@Motabhai012) July 16, 2024
„Почитуван Зизу, ова е многу важно. Пред 12 години го поканивте детето што го промовираме денес овде. Денеска ќе го пречекаме Килијан Мбапе“, рече Перес и потоа му посака добре дојде на Мбапе.
„Дојде овде по најефикасната сезона во кариерата и тројната круна во Франција. Ти благодариме за безусловната љубов што ја покажа кон Реал. Стотици деца од Франција се денес тука благодарение на твојаѕа хуманитарна работа. Сето тоа не прави горди. Килијан, добре дојде во Реал Мадрид“.
Набрзо, за прв пат како играч на Реал Мадрид, Килијан Мбапе се појави на тревата на „Бернабеу“ и предизвика ерупција од воодушевување.
L’arrivée de Kylian Mbappé sur la pelouse du Bernabeu. 🤍🇫🇷 pic.twitter.com/xEFR6QAUbC
— Actu Foot (@ActuFoot_) July 16, 2024
Спорт
Мбапе го стави потписот на договорот со Реал
![](https://makfax.com.mk/wp-content/uploads/2024/07/GSIMYXRXgAARauM.jpg)
Францускиот фудбалер Килијан Мбапе официјално е нов член на Реал. Откако успешно ги помина лекарските прегледи, Мбапе се упати на „Сантијаго Бернабеу“, каде што потпиша договор со европскиот и шпанскиот шампион.
Во друштво на претседателот на клубот Флорентино Перез, напаѓачот се обврза на соработка до летото 2029 година.
Со тоа ставија крај на долгогодишните шпекулации за тоа кога и дали Мбапе ќе го облече белиот дрес.
Францускиот репрезентативец само за са потписот ќе добие бонус од 130.000.000 евра, додека во Мадрид ќе заработува 26.000.000 нето годишно.
🔴✍️ ¡¡Momentazo que se ha aplaudido con furor en el Bernabéu!! Las pantallas muestran el momento de la firma de Mbappé junto a Florentino Pérez
👉 Sigue en directo la última hora de la presentación https://t.co/5WxynL4hk4 pic.twitter.com/pLLOkWiWno
— MARCA (@marca) July 16, 2024
Мбапе, како и сите други асови на Реал, доби дополнително време за одмор, па ќе ја прескокне турнејата низ САД, каде што кралскиот клуб ќе игра против Милан на 3. август, а три дена подоцна против Челзи, реално е дека на располагање на Карло Анчелоти ќе му биде во битката со Аталанта за трофејот во Суперкупот на Европа, на 14 август во Варшава.
Тој ќе го носи бројот девет на грбот, кој немаше сопственик откако Карим Бензема замина во Саудиска Арабија.
Спорт
Поразот во финалето e неуспех – Саутгејт поднесе оставка
![](https://makfax.com.mk/wp-content/uploads/2024/07/skysports-gareth-southgate_6626431.jpg)
Герет Саутгејт официјално поднесе оставка како селектор на Англија.
Сите англиски медиуми објавија дека дошло до официјална разделба меѓу Герет Саутгејт и фудбалската репрезентација на Англија.
Саутгејт по осум години ја напушти функцијата селектор на „Гордиот Албион“.
Во наведениот периос, Саутгејт ја однесе Англија во две финалиња на европските првенства во 2020 и 2024 година, полуфиналето на Светското првенство во 2018 година и четвртфиналето на Светското првенство во 2022 година, тоа се далеку подобри резултати отколку што ги имаше националниот тим пред Саутгејт.
Очигледно дека второто последователно финале на европските првенства не беше доволно добар резултат за стандардите на селекторот. Тој меѓу редови најави дека ќе се пензионира доколку Англија не ја освои титулата во Германија, а потоа недвосмислено потврди дека ќе си го одржи ветувањето и покрај тоа што Фудбалската асоцијација објави дека ќе му биде понуден нов договор откако во четвртфиналето ја елиминира Швајцарија.
Медиумите на Островот се силно загрижени за името на наследникот на сега веќе поранешниот тренер, како фаворит се споменува уште еден Англичанец, Еди Хау од Њукасл јунајтед, иако се споменуваат и други имиња како Маурисио Покетино, Грем Потер и Томас Тухел.
Навивачите (но и некои новинари и уредници) имаат поинаква визија и велат: Доведете го Јирген Клоп!