Спорт
(Видео) Реал на „мускули“ до четвртфиналето, Манчестер сити рутински во Топ 8
Реал Мадрид и Манчестер сити вечерва се пласираа во четвртфиналето во Лигата на шампионите. Во вторникот, место во Топ 8 изборија Баерн Минхен и ПСЖ.
Реал Мадрид во реваншот беше надигран но не и победен од Лајпциг. Натпреварот заврши 1:1 и Реал со вкпен резултат 2:1 го елиминира германскиот тим. Манчестер сити, со втората постава, повторно го победи Копенхаген со 3:1.
Реал на мускули успеа да го мине Лајпциг. Германскиот тим доминираше во Мадрид, пропушташе шанси, но успеа да постигне само еден гол. Како играше Реал на овој меч најдобро сведочат свирежите што ги добија играчите особено во финиот на првиот дел. Играчите на Реал во првиот не упатија ниту еден удар во голот на Лајпциг.
Трагичар на мечот е напаѓачот на Лајпциг Опенда, кој имаше четири изгледни шанси, но ниту еднаш не успеа да го погоди голот.
Во финишот, во 93.минута гредата по ударот на Олмо спречи Лајпциг да избори продолженија.
Прашање е каков тек ќе имаше натпреварот доколку судијата Давиде Маса наместо жолт му покажеше црвен картон на Винисиус во 54.минута.
Инаку, Реал постигна гол по еден брз контра напад. Во 65.минута Белингем му асистираше на Винисиус. Три минути подоцна на 1:1 израмни Орбан.
Манчестер сити експресно дојде до 2:0 против Копенхаген, во 5.минута погоди Аканџи, а четири минути подцна Алварез. Потоа Елјунуси погоди за Копенхаген, а во третата минута од судиското надополнување на времето конечниот резултат го постави Халанд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024