Спорт
(Видео) Мијатовиќ и Итуралде Гонзалес: Винисиус покажа немоќ, требаше да добие црвен картон
Реал Мадрид синоќа со многу среќа и мала судиска помош успеа да го елиминира Лајпциг од Лигата на шампионите. Германскиот тим доминира среде Мадрид, но неговите играчи не знаеја да постигнат повеќе од еден гол.
Свирежите на „Сантијаго Бернабеу“ се најдобра илустрација како играше Реал против Лајпциг.
По мечот, се издвојува еден детаљ, кој на крајот се покажа како клучен за пласманот на Реал во четврт-финалето. Тоа е моментот во 54. минута кога судијата Давиде Маса не смееше или не сакаше да му покаже црвен картон на Винисиус Жуниор. Десет минути подоцна Бразилецот постигна гол.
„Морам да кажам една работа, замислете ако на првиот натпревар поништениот гол за Лајпциг беше поништен гол за Реал, сите ќе зборувавме дека УЕФА не нè сака и дека сите се против нас“, рече легендата на Реал, Предраг Мијатовиќ, и дополни.
„Нема никакво оправдување за тоа што го направи Винисиус. Во ова натпреварување кога го носиш овој дрес, таквото однесување е недозволиво. Особено затоа што така реагира бидејќи дотогаш беше немоќен, па фрустрацијата од својата лоша игра ја претвори во агресија поради што тимот можеше да остане со фудбалер помалку на теренот“.
Итуралде Гонзалес, поранешен меѓународен судија, а сега судиски стручњак за „Ас“, исто така е на ставот дека Бразиелцот требало да биде исклучен.
„Винисиус требаше да биде исклучен. Или да добие два жолти картона – едниот за прекршокот, а другиот за фаќање на противникот за врат, или требаше да добие црвен картон затоа што со двете раце го фати противникот за врат. Судиите му помогнаа на Реал, требаше да останат со играч помалку по ваквото однесување на Винисиус. И потоа тој што требаше да биде исклучен даде гол“.
Со ова се согласува и Томаш Ронсеро, заменик-уредник на „Ас“ и жесток навивач на Реал: „Судиите згрешија во оваа ситуација“.
me comentan q los jugadores del leipzig estaban asustados tras ver como vinicius agredia a un compañero
orbán no se lo podía creer y no paraba de llorar
nadie quería acercarse a vinicius por miedo
por eso marcó gol
esto es una vergüenza eh
una puta vergüenza pic.twitter.com/nTKWZCniHC— alex (no hate) (@alexnohate) March 6, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сенегал е шампион на Африка – Брахим Дијаз трагичар, Папе Геј херој
Сенегал ја освои титулата на Африканскиот куп на нации. Во финалето, кое долго ќе се прераскажува, Сенегал го победи домаќинот Мароко со 1:0, со голот на Папе Геј во 94.минута. Натпреварот во регуларниот дел заврши без голови, а го обележа пеналот што го промаши Брахим Дијаз во 90+23 минута од судиското надополнување.
Сенегал, по 2021 година повторно е шампион на Африка. Мароко ќе почека на втората титула, првата ја освои пред 50 години.
Натпреварот со многу интензитет, две добри шанси за Сенегал, во првото и исто толку за Марако, во второто полувреме, на крајот мина во сенка на она што се случуваше во судиското надополнување на времето.
Најпрвин главниот судија му поништи гол на Сенегал во 93.минута, а потоа во 97-та, по интервенција од ВАР собата, Мароко доби пенал.
Сенеглаците лути од одлуката, на повик на селекторот го напуштија теренот, но не сите. Најискусниот и најдобриот Садио Мане не го послуша селекторот. Ги повика соиграчите да се вратат…А откако се вратија, топката ја зеде Брахим Дијаз, се обиде со „паненка“, но ударот беше толку лош, што буквално му ја додаде топата на голманот Менди.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
Казната за промашениот пенал стигна во четвртата минута од првото продолжение, кога играчот на Виљареал, Папе Геј, од 15 метри ја закова топката зад грбот на Бону.
Шампионскиот гол можете да го погледнете Овде.
Foto/ EPA
Спорт
Лазаров: Не знам дали можам да кажам што ми е на ум, морам да внимавам да не навредам некого
Ракометната репрезентација на Македонија одигра нерешено 29:29 против Португалија во натпреварот од 2. коло од Групата Б на Европското првенство, освојувајќи бод во драматична завршница.
Македонија го освои првиот бод на ЕП и ги задржа шансите за пласман во втората фаза. Во вторник, во последното коло во групата, Македонија ќе ира против Романија, а Португалија за пртивник ќе ја има Данска.
„Не знам дали можам да кажам што ми е на ум бидејќи морам да внимавам да не навредам некого. Ние сме мала земја и сме многу деградирани! Не барам алиби, но самите видовте што се случува. Ќе ни биде многу тешко да се справуваме со вакви работи во иднина. Јавноста не нè сака, не нè поддржува, но тоа е она што ме движи во оваа работа“, рече селекторот Кирил Лазаров.
Потоа им честиташе на своите играчи за она што го покажаа против полуфиналистите на претходното Светско првенство.
„Од срце им честитам на моите играчи за она што го покажаа против полуфиналистите од претходното првенство. Во првото полувреме загубивме многу играчи, сите наши концепти се распаднаа и се создаде хаос. Се обидовме да го средиме тоа за време на паузата и некако најдовме доботна формула“, заклучи Лазаров.
Foto/ EPA
Спорт
Херојска борба во Хернинг – Македонија ремизираше со Португалија
Македонија одигра нерешено со Португалија 29:29 (13:15), во второто коло на Европското првенство во ракомет.
Македонија, предводена од капитенот Филип Кузмановски, ги задржа шансите за пласман во втората фаза. Покрај капитенот, херој е и голманот Томовски кој одбрани два зицери во 20 секунди, кога Португалците напаѓаа за победа.
Жестока борба водеа Македонија и Португалија во текот на целиот натпревар, во арената во Хернинг.
Водеше Македонија на стартот со 4:2, Португалија се врати во мечот и се до финишот на полувремето се играше реиси гол за гол.
Финишот на првиот и почетните четири минути од второот полувреме беа лоши за Македонија. Во тој период Португалците постигнаа пет гола.
До крајот на мечот Македонија ја бркаше предноста на ривалот, а на четири минути до крајот резултатот беше 26:26. Во реостанатото време двата тима постигнаа по три гола, штета што избраниците на Кире Лазаров не добија шанса да имаат напад за победа.
Кузмановски го предводеше македонскиот тим со 15 голови, на споритвнат страна се истакна Кико Кошта со 11.
Во последното коло, во вторник, Македонија ќе игра против Романија, а Португалија против Данска.
Foto/ EPA

