Спорт
(Видео) Јокиќ му спушти рампа на лидерот Бостон, Дончиќ со трипл-дабл го сруши Маками
Никола Јокиќ и Лука Дончиќ ги предводеа своите тимови до победи во НБА лигата. Денвер славеше против лидерот во лигата Бостон, а Далас го победи Мајами.
Актуелниот шампион во НБА лигата го победи лидерот со 115:109. Јокиќ го забележа својот 20. трипл-дабл сезонава или 125. во кариерата во регуларниот дел од сезоната, забележувајќи 32 поени (11 од 18 од поле, 10 од 10 слободни фрлања), 12 скока и 11 асистенции за 39 минути на паркетот.
Покрај Јокиќ кај Нагетс се истакна Џамал Мареј со 19 поени, осум скока и шест асистенции, Арон Гордон додаде 16 поени и девет скока, додека Кентавиус Колдвел-Поуп и Пејтон Вотсон имаа по 11 поени.
Кај Бостон најдобар беше Џејлен Браун со 41 поен. Порзингис имаше дабл-дабл со 24 поени и 12 скока, Тејтум 15, а Холидеј 12 поени.
Далас славеше победа над Мајами 114:106.
Најефикасен, беше Лука Дончиќ, кој забележа трипл-дабл со 35 поени и 11 скока и асистенции. Со тоа тој стана единствениот играч во историјата, заедно со Расел Вестбрук, кој во пет последователни натпревари стигнал до двоцифрен број во три различни статистички категории.
Кајри Ирвинг додаде 23 поени и по четири асистенции и скока, Данте Ексум имаше 13 поени, пет асистенции и четири скока.
Кај Мајами најдобар беше Тери Розир со 27 поени, 11 асистенции и шест скока. Данкан Робинсон додаде 19, а Бем Адебајо 14 поени и девет скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024