Спорт
Халанд: Трент не знае какво е чувството да се освои тројната круна
Напаѓачот на Манчестер Сити, Ерлинг Халанд, возврати на тврдењето на играчот на Ливерпул, Трент Александер-Арнолд дека трофеите им значат повеќе на навивачите на Ливерпул отколку на Сити. Бекот на Ливерпул тврди дека на Сити и неговите навивачи, поради неограничените финансиски ресурси, трофеите не им значат многу.
Ливерпул во недела од 16 часот и 45 минути го пречекува Манчестер Сити во дербито на Премиер лигата, а тензиите се зголемија во пресрет на натпреварот по изјавата на Александар-Арнолд.
Сепак, Халанд, кој моментално е најдобар стрелец во Премиер лигата со 18 гола, го потсети Александар-Арнолд дека Сити минатата сезона ги освои Премиер лигата, ФА Купот и Лигата на шампионите.
-„Овде сум една година и ја освоив тројната круна и тоа беше прилично добро чувство, мислам дека тој не знае точно какво е чувството. Така се чувствував минатата сезона и беше прилично убаво. Тие можат да зборуваат колку сакаат, или тој може да зборува колку сака, не знам зошто го прави тоа, но не ми пречи“, изјави Ерлинг за „Скај спортс“.
Ливерпул во дербито влегува со бод повеќе од второпласираниот актуелен шампион Сити.
Халанд рече дека едвај го чека натпреварот на Енфилд.
„Ќе биде одличен натпревар, Ливерпул е лидер, тие беа најдобриот тим досега, па мора да се обидеме да одиграме најдобро. Натпреварот помеѓу Сити и Ливерпул е посебен и овој ќе биде навистина важен“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024