Соопштенија
Официјална премиера: пристигнаа новите Škoda Scala и Kamiq
![](https://makfax.com.mk/wp-content/uploads/2024/03/2-2.jpg)
„Концептот Vision RS беше голем успех на Саемот за автомобили во Париз во 2018 година, така што кога работевме на фејслифтот се обидовме да останеме што е можно поблиску до овој концепт“, објаснува дизајнерот Далибор Пантичек, кој го предводеше тимот за надворешен дизајн. Scala сега изгледа поспортски и подинамичен, а Пантичек вели дека клиентите и љубителите на брендот ќе го забележат тоа на прв поглед. „Тоа е секогаш задача на вакво освежување на моделот, да му се даде нов карактер на автомобилот“, вели Пантишек. Тимот на Škoda Design го постигна тоа првенствено со модернизирање на надворешноста со голем број софистицирани детали.
Целокупната форма на автомобилот останува иста, но Scala доби редизајнирана решетка на ладилникот, предни и задни светла и браници. Степенот на овие измени навистина остава впечаток на сосема нов автомобил. Scala сега има потполно нов дизајн на дневните светла и графика на задните светла кои го прават автомобилот лесно препознатлив од далечина.
Спортски израз
Новата решетка на ладилникот сега има нова октагонална форма и е повертикална, нагласувајќи ја агилноста на моделот. Дизајнерите овде ја истакнале играта на светлина и сенка, па предните елементи на новата решетка се сјајни, додека останатите површини се мат. „Предницата е инспирирана од историските возила на Škoda, како што е популарното Monte Carlo, и јасно го сигнализира идентитетот и долгата историја на нашиот бренд“, вели Далибор Пантишек.
Динамичниот карактер е нагласен со целосно новите светла. Овие имаат помали пропорции и на тој начин изгледаат поспортски и модерно отколку во претходната верзија. Кај новата Scala, за прв пат во овој сегмент се користи нова LED Matrix технологија, со Full LED светла кои доаѓаат стандардно. LED елементите вклучуваат и светла за магла. Со цел да се задржи поставеноста на светлата пониско, променет е внатрешниот распоред на елементите на минимум, давајќи уникатен потпис на поделени дневни светла што исто така делуваат и како трепкачи. На овој начин, новата Scala лесно се разликува од кој било друг автомобил.
Промените на браникот повторно се поврзани со поспортски изглед, а светски познатиот чешки кристал е главен извор на инспирација за дизајнерите на Škoda. Браникот има прецизни, остри рабови и карактеристично обликување на отворите за воздух. Структурните елементи во решетката на ладилникот добија поизразено обликување во форма на дијамант кои фаќаат и рефлектираат светлина. Во дизајнот е инкорпорирана врвна функционалност на аеродинамика која резултира со намален воздушен отпор.
Врвни детали
Тркалата на автомобилот се исто така аеродинамични. Нивниот дизајн е преземен од концептот Vision RS. Достапни кај сите верзии, овие тркала повторно ја подобруваат аеродинамиката и ја намалуваат потрошувачката на гориво. Ова покажува дека дури и функционалниот дизајн може да биде привлечен.
Назад, веднаш се забележува новото лого на Škoda, а видливи се и промените на задните светла и браникот. Идејата е иста како и напред: светлата се потесни и подинамични, а браникот има поостри линии и нов, преработен дифузор. Паметниот дизајн на браникот значи дека автомобилите со и без влечна кука изгледаат исто – браникот не се разликува. Тоа е една од добро познатите Simply Clever дизајнерски карактеристики.
Внатрешноста на Scala е исто така обновена: автомобилот сега ќе биде достапен во три нивоа на опременост и вкупно шест опции за внатрешни детали. Дигитална инструмент табла (8 или 10,25 инчи) е стандардна, инфозабавниот систем на автомобилот може да има дисплеј од 8,25 или 9,2 инчи. Лесна за употреба контрола на климатизацијата со копчиња и ротациони контроли.
Клиентите, исто така, може да очекуваат широк спектар на опрема, вклучувајќи мноштво системи за помош и голем број опционални функции кои не се вообичаени во оваа класа. На пример, Scala може да има приспособлив Lane Assist, адаптивен темпомат или електрично отворање на вратата на багажниот простор со „виртуелна педала“. Под хаубата има модерни и економични TSI evo2 мотори.
Škoda Kamiq, омилениот теренец на чешкиот производител, доби значително освежување. Покрај новата технологија, претставен е и новиот, моќен дизајн кој го нагласува робусниот карактер на овој урбан теренец.
Модернизацијата поблиску го усогласува Kamiq со неговите поголеми браќа во семејството на SUV на Škoda. Со новата везија, вертикалната архитектура на Kamiq, заедно со неговите робусни браници, го нагласуваат самоуверениот SUV карактер на автомобилот. Двата браници се редизајнирани, а Kamiq добива впечатлива нова предна маска и нови светла. Предната решетка е повисока и поширока, што дава подоминантен целокупен изглед. Новите двојни вертикални перки се исто така важни за чистиот дизајн кој го доведува Kamiq поблиску до дизајнот на поголемите SUV модели од брендот.
Нови светла
Новите светла имаат нови пропорции. Kamiq сè уште го задржува двојниот вертикален распоред на светлата типичен за теренците на Škoda. Горниот дел со дневни светла сега е потесен, давајќи му врвно технолошки изглед. Овде е применета инспирацијата од популарниот чешки кристал, каде што елементите на дневните светла имаат форма на тродимензионални кристални камења и изгледаат како накит на автомобилот.
Предните светла на модернизираниот Kamiq добија нови пропорции, што го менува нивниот карактер. Опционално се достапни и Full LED Matrix светлата на кои се забележуваат интересни графички елементи во пирамидална структура, што повторно го нагласува впечатокот на кристал. Во исто време, вертикалната поставеност на светлата, заедно со повисоката положба на решетката, го истакнуваат изгледот на теренецот. Цврстите браници помагаат да се осигура дека фаровите, а со нив и сите функционални елементи, се подобро заштитени.
Во предниот дел, браникот има нова решетка што го следи изгледот на поголемите SUV модели од семејството Škoda, така што дизајнот е конзистентен. Големиот спојлер во долниот дел има три отвори, уште една типична карактеристика на теренците на Škoda. Главниот отвор за воздух е поделен хоризонтално со робусни потпори, кои визуелно додаваат чувство на стабилност на целината. Многу од овие детали, вклучувајќи ја секако и решетката на ладилникот, се со типична црна сјајна завршница кај моделите на Monte Carlo, додека кај стандардните верзии се користи комбинација од хромирани и мат сребрени елементи.
Ефективен заден дел
Задниот браник добива нов дифузор со пософистициран изглед. Просторот за кука за влечење е успешно интегриран во браникот на начин што го прави речиси невидлив на прв поглед. Непотребно е да се каже дека надградениот Kamiq има и нова палета на тркала.
Во својата внатрешност, новиот Škoda Kamiq става акцентот на еколошки материјали кои полесно се рециклираат и почесто доаѓаат од рециклирани суровини. Ергономијата е исто така фундаментално преработена. Клиентите ќе ја ценат контролата на климатизацијата со копчиња и ротациони контроли. Но, тоа не значи дека Kamiq пропушта модерни решенија. Напротив, тие сега се стандардни, дури и основниот модел има дигитална инструмент табла (8 инчи како стандард, 10,25 инчи како опција) или инфозабавен систем со екран на допир (8,25 инчи и 9,2 инчи како опција). Клиентите можат да избираат од три нивоа на опременост и вкупно шест дизајни на внатрешност.
Kamiq има економични 1.0 и 1.5 TSI мотори од генерацијата evo2 под хаубата и автомобилот може да биде опремен со навистина модерна технологија. Сега стандардно доаѓа со низа системи за помош при возење: Front Assist со детекција на пешаци, Lane Assist, препознавање сообраќајни знаци и Maneuver Assist. Дополнително, Kamiq може да биде опремен со Side Assist, адаптивен темпомат или адаптивен Lane Assist. Натстандардното решение може да се најде и зад работ на дарежливиот багажен простор: со петтата врата може опционално да се ракува електрично, во тој случај има и функција за виртуелна педала за лесно отворање со движење на ногата под браникот.
Продажбата на новите Scala и Kamiq веќе започна. За повеќе информации повелете во салонот на Škoda или посетете ја нашата web страница www.skoda.mk.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
IQOS-карванот на нова локација, во Струмица
![](https://makfax.com.mk/wp-content/uploads/2024/09/караван-Струмица.jpeg)
Новата генерација IQOS ILUMA уреди со револуционерната технологија на индукциско загревање, без сечило и без потреба од чистење може да се набават на новата локација на IQOS караванот, поставен во близина на плоштадот во Струмица, а овој петок (06.09.2024) ќе биде поставен на влезот на претстојниот фестивал Get EXITed, во градот. Работното време е среда и четврток, од 10 до 22 часот и петок од 17:30 до 00 часот.
На оваа привремена локација, сите полнолетни пушачи ќе можат да се запознаат со IQOS уредите и да дознаат повеќе за нив и за напредната технологија на индукциско загревање, купување додатоци, замена на стар уред за нов, корисничка поддршка и друго.
IQOS ILUMA семејството вклучува три модели на уреди, кои се засновани на иста технологија на индукциско загревање. Сите три модели на уреди го загреваат, а не го согоруваат тутунот, со што се намалува нивото и количината на штетни материи во просек и до 95 проценти во споредба со чадот од цигарите. IQOS не е без ризик, создава никотин кој предизвикува зависност, но претствува подобар избор за возрасните пушачи, кои инаку би продолжиле да пушат.
Освен во Струмица, овој уред е достапен и кај продажните партнери во повеќе градови во земјата. Во главниот град Скопје има два IQOS бутика во трговските центри Ист Гејт Мол и Дајмонд Мол и IQOS зони моментно сместени во трговските центри Скопје Сити Мол и Капитол Мол, Веро Тафталиџе и Палма Мол во Тетово. Покрај тоа, овој производ може да се купи и онлајн преку IQOS веб-страницата.
ПР текст
Соопштенија
5 причини зошто спортот треба да е дел од животот на младите
![](https://makfax.com.mk/wp-content/uploads/2024/08/IMG_1113.jpeg)
Олимпијадата е причина да зборуваме повеќе за спортот додека трае. Така и со менување на нашите навики, зборуваме за нив, сакаме да ги смениме, но најчесто остануваме само на зборови.
Но и во нашиот случај да не остане недокажано еве 5 причини зошто да спортуваме и зошто да бидеме физички активни посебно во младоста.
1. Здравје
Сé повеќе забележуваме дека нашата младина е недоволно активна, има прекумерна телесна тежина и поминува премногу време пред екраните. Во минатото, децата поминуваа многу повеќе време на спортски терени каде што се занимаваа со различни спортови. Здравјето е дефинитивно најважната причина зошто новите генерации треба да се одлучат за спорт и активен начин на живот.
2. Социјализација
Преку организирано или неорганизирано вежбање или занимавање со некој спорт, децата повеќе ќе се дружат и ќе напредуваат како личности. Со тоа, тие полесно ќе се снаоѓаат во меѓучовечките односи и во иднина.
3. Самодоверба
Младите ќе се чувствуваат подобро и ќе имаат поголема самодоверба ако се занимаваат со физичка активност. Особено, ако по одредено време совладаат одредени пречки или предизвици, кои претходно не можеле, или ако станат посилни, побрзи и поиздржливи.
4. Забава и рекреација
Една од најважните придобивки од спортувањето е што младите се забавуваат и се рекреираат. Преку спортот, тие можат да уживаат во играта, да се смеат и да се ослободат од стресот што им го предизвикува динамичниот начин на живот. Спортувањето создава позитивни емоции и помага во градење здрави навики.
5. Носење паметни одлуки
Преку спортот, младите учат како да носат паметни одлуки, како да се справуваат со предизвици и да решаваат проблеми. Тие развиваат стратегиско размислување, способност да проценат ризици и да направат брзи и вистински одлуки под притисок. Овие вештини се многу важни и ќе им помогнат како во секојдневниот живот, така и во нивната професионална кариера.
Освен спортот и активниот начин за живот, една од најмудрите одлуки на младите претставува и вистинскиот избор на банка што ќе биде вистински пријател и поддржувач на нивниот развој и клучен чекор за нивната финансиска стабилност и успех во иднина. Следејќи ги потребите на младите и нивниот динамичен стил на живот, Халкбанк АД Скопје креираше нов, иновативен банкарски пакет Halk EZ (Halk Easy), кој што е прилагоден на стилот и животните навики на секој современ млад човек. Покрај низата финансиски услуги и поволности, пакетот претставува и платформа за едукација, забава, дружење и вмрежување, а идејата е Halk EZ да прерасне во платформа што ќе овозможи сосема поинакво, брзо и лесно банкарско искуство. Нуди голем број поволности и динамични содржини за сите корисници на возраст од 16 до 24 години: бесплатно мобилно и електронско банкарство, Visa PayWave дебитна платежна картичка без надоместок за годишна членарина, со која може да се повлекува готовина без надомест на сите банкомати во земјата и во странство, платежна сметка без трошоци за водење на истата, и низа иновативни услуги како GarminPay, SmartSend и SmartCash.
И додека спортот ги учи младите да носат паметни и одлуки, така ХалкЕз им помага да направат мудри финансиски избори.
ПР
Соопштенија
„Кожувчанка“ донираше 15.000 литри за Општина Пехчево
![](https://makfax.com.mk/wp-content/uploads/2024/07/1-21.jpg)
Ситуацијата со пожарите низ цела држава во која веќе подолг временски период се наоѓаме не ги остави рамнодушни од Кожувчанка. Последниот пожар кој го зафати Пехчево и околината, го остави овој крај и без вода за пиење. Кожувчанка ДОО денес итно испрати 15.000 литри вода донација на Општина Пехчево.