Свет
Шефот на турската дипломатија: Ниту Киев ниту Москва не се подготвени да разговараат за крај на војната

Турските и американските официјални претставници на состаноците во Вашингтон одржаа детални разговори за војните во Украина и Газа и различни билатерални прашања, изјави вчера турскиот министер за надворешни работи.
Сојузниците на НАТО во четвртокот започнаа состаноци, наречени Стратешки механизам, за да разговараат за напорите за надминување на длабоките политички разлики и подобрување на соработката во други области.
Врските меѓу двата сојузници беа затегнати во последниве години поради растечките несогласувања за низа прашања, иако односите оттогаш добија на интензитет откако Анкара ја одобри кандидатурата на Шведска за пристап во НАТО.
Турскиот министер за надворешни работи Хакан Фидан рече дека официјални лица одржале неколку рунди разговори на теми како Сирија, Украина, Газа, соработката во одбранбената индустрија, енергијата и борбата против тероризмот.
Фидан рече дека ја повторил позицијата на Турција дека е неопходен итен и траен прекин на огнот во Газа и ја истакна потребата двете земји да направат повеќе за да ја ублажат хуманитарната катастрофа и да го отворат патот за израелско-палестинско решение со две држави.
Тој, исто така, разговараше за начините за ставање крај на руската инвазија на Украина со неговиот американски колега Антони Блинкен и советникот за национална безбедност Џејк Саливан, повторувајќи дека Анкара верува дека е време да се зборува за начините за ставање крај на војната, но дека Турција не ја гледа таа подготвеност од страна на на Киев и Москва.
Сојузниците продолжуваат да не се согласуваат за голем број прашања, како што е купувањето на руски одбранбени системи С-400 од страна на Турција и санкциите што произлегуваат од САД, кои ја спречија Турција да набави борбени авиони Ф-35. Турција е исто така длабоко загрижена поради американската поддршка за курдските милитанти во Сирија, кои Анкара ги смета за терористи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) 15 полицајци повредени во антимигрантските протести во Северна Ирска

Петнаесет полицајци беа повредени, а неколку домови беа нападнати за време на она што беше опишано како „бес на толпата“ во расно мотивираните немири во северноирскиот град Балимена, објави „Гардијан“.
Членовите на толпата синоќа фрлаа молотови коктели, петарди, тешки камења и тули кон полицијата и се обидоа да ги запалат домовите на неколку странски семејства во градот во округот Антрим.
🚨BREAKING: Massive disorder in Ballymena Northern Ireland last night, migrant houses have been set on fire and damaged following the rape of young girls at the weekend.
The fake news want you to believe it was two teenage boys that raped a young girl, no mention of Romanian… pic.twitter.com/Ek9jlXCsyY
— The Yorkshire Lass (@real_shirelass) June 10, 2025
Насилството избувна по бдеењето за тинејџерка која наводно била сексуално нападната од две 14-годишни момчиља. Претходно истиот ден, момчињата се појавија на суд обвинети за обид за силување, а обвиненијата им ги прочита романски преведувач.
„Потоа голем број маскирани лица се одвоија од бдеењето и почнаа да градат барикади, натрупувајќи проектили и напаѓајќи имот во областа Клонавон Терас“, соопшти полицијата. „Дел од толпата потоа ја нападна полицијата фрлајќи молотови коктели и камења.“
🚨 BREAKING: Tensions flare in Ballymena, Northern Ireland. Migrant houses set on fire by locals after the sexual assault of a young girl
Last night, serious unrest broke out in the town of Ballymena, with reports of property damage and at least one house set on fire. The… pic.twitter.com/Bi5evO0OIx
— NEXTA (@nexta_tv) June 10, 2025
Во нападите беа оштетени две полициски возила и повредени 15 полицајци, од кои некои мораа да побараат болничко лекување. Четири куќи беа оштетени во пожарот, а три лица беа евакуирани од своите домови во она што се истражува како расно мотивиран напад од омраза.
Лиам Кели, претседател на Полициската федерација за Северна Ирска, која ги претставува полицајците, рече дека повредите раскажуваат „ужасна приказна за толпа решена да предизвика сериозна штета“. Тој додаде дека полицајците работеле неуморно за да ја смират потенцијално експлозивната ситуација и да го одржат јавниот ред и мир.
🚨BREAKING: Last night in Ballymena, Ireland, angry citizens gathered over a young girl who was raped by two Romanians.
Today a senior police officer referred to everyone as a "racist thug," asserting that the situation was “racist thuggery”.
Ireland is about to explode. pic.twitter.com/IiHHgLsvDg
— The British Patriot (@TheBritLad) June 10, 2025
„Нема сомнение дека полицијата – која е недоволно екипирана бидејќи службата е недоволно опремена со ресурси и персонал – спречи масакр со последици што се надвор од секоја замисла. Она што го видовме беше сосема бесмислено, неприфатливо и варварско“, рече Кели.
Европа
Украина и Русија разменија втора група воени заробеници

Украина и Русија денес ја разменија втората група воени заробеници според договорот од Истанбул претходно овој месец.
Украинската група затвореници беа сериозно болни или сериозно ранети, напиша украинскиот претседател Володимир Зеленски. Тие ќе добијат итна медицинска помош, рече тој.
Според Зеленски, меѓу нив има припадници на армијата, Националната гарда, транспортните служби и граничната полиција.
Министерството за одбрана во Москва потврди дека размената се случила на белоруско-украинската граница. Руските војници ќе бидат однесени во Русија на медицински прегледи, соопшти министерството.
Ниедна страна не објави колку затвореници се разменети.
За време на разговорите во Истанбул минатата недела, Москва и Киев се согласија да разменат најмалку 1.000 затвореници од секоја страна, како и неколку илјади тела на загинати војници, но планот беше комплициран со спроведувањето.
Зеленски денес потврди дека размените ќе продолжат.
Европа
(Видео) Мајка чиј син го преживеал масакрот во Грац: Ми се јави, мислеше дека ќе умре

Мајката на еден од учениците кои го преживеаа масакрот во средното училиште во Грац, за „Скај њуз“ го раскажа тажниот момент кога нејзиниот син ѝ кажал дека е во средината на пукањето.
„Ми се јави од училиште и ми рече дека има пукање. Мислеше дека ќе умре. Два часа подоцна конечно дознав дека е жив“, рече таа.
Mother of a student who was caught up in a deadly school shooting in Austria speaks about the moment she heard of the incident.
Follow our live blog for more updates: https://t.co/OZqUGhULqR
📺 Sky 501, Virgin 602, Freeview 233 and YouTube pic.twitter.com/u6NBXCmIjo
— Sky News (@SkyNews) June 10, 2025
Според австриските медиуми, вооружениот напаѓач е 21-годишен поранешен ученик во училиштето. Тој отворил оган во две училници, а потоа се заклучил во училишниот тоалет, каде што властите велат дека бил пронајден мртов.
Најмалку 12 лица се повредени во нападот, од кои неколку се борат за живот.