Спорт
(Видео) Роналдо се посрамоти – Ал Наср испадна од Лигата на шампионите
Фудбалерите на Ал Наср во четвртфиналето го завршија учеството во азиската Лига на шампиони. Тимот чија главна ѕвезда е Кристијано Роналдо доживеа елиминација од Ал Аин, на чија клупа седи поранешниот аргентински репрезентативец, Ернан Креспо.
Тимот од ОАЕ имаше залиха од првиот натпревар (1:0), а по головите на Рахими во 28. и 45. минута дојде до огромна предност во реваншот.
Сепак, Ал Наср многу брзо се врати во игра, а се започна со голот на Гариб во петтата минута од судиското надополнување во првиот дел од натпреварот.
Еиса си постигна автогол во 51. минута, а Телес донесе пресврт за Ал Наср во 72. минута од натпреварот.
Натпреварот влезе во продолженија, а Ал Шамси во 103. минута постигна нов гол за гостите.
На сцена стапи Кристијано Роналдо кој во 118. минута обезбеди пенали за својот тим.
Играчите на Ал Анин шутираа три пати од белата точка и три пати погодија, додека кај Ал Наср прецизен беше само Роналдо, а трагични беа Брозовиќ, Телес и Отавио.
Овој драматичен меч го одбележа и големото промашување на Роналдо, кој од само неколку метри го промаши целиот гол.
Ronaldo has just missed from here… 💀😵 pic.twitter.com/K2D3r11WAx
— Football Away Days (@FBAwayDays) March 11, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Бајрами го постигна најбрзиот гол во историјата на ЕП, Италија сепак води во Дортмунд
Репрезентативецот на Албанија, Недим Бајрами го постигна најбрзиот гол во историјата на Европските првенства.
На стадионот „Вестфален“ во Дортмунд, Бајрами ја искористи катастрофалната грешка на Ди Марко и го совлада Донарума по само 23 секунди игра.
Albania scores in 25 seconds against Italy 🤣 #albania #italy #EURo2024 pic.twitter.com/c48owFmYcs
— Heybets (@playheybets) June 15, 2024
Актуелните европски шампиони експресно се опоравија по почетниот шок.
Бастони го изедначи резултатот во 11.минута. Дефанзивецот на Интер, погоди со глава откако остана сам на втората статива по нафрлувањето на Пелегрини.
Четири минути подоцона, Италија направи целосен пресврт. По една флипер ситуација пред голот на Албанија, топката дојде до Барела кој од 15 метри ја смести топката во голот.
Спорт
Далиќ: Изгледавме немоќно
Репрезентацијата на Хрватска загуби од Шпанија со 3:0 во 1. коло од групата Б на Европското првенство. Головите за Шпанија ги постигнаа Алваро Мората во 29. минута, Фабијан Руиз во 33. минута и Дани Карвахал во 45. минута.
Селекторот на Хрватска, Златко Далиќ, на прес конференцијата рече дека неговиот тим го заслужил поразот.
„Секоја чест за Шпанија. Почнавме доста тешко, потоа се прегупиравме и потоа таа длабока топка за која зборувавме не отвори и Мората постигна гол. Наша грешка, работевме на тоа и примивме гол од ситуација на која предупредувавме.
Она што ме изненади од наша страна е што стоевме предалеку од играчите. Дадовме премногу простор на нивната предна линија, бевме премногу бавни, предалеку и не бевме агресивни.
Рековме дека треба да играме со многу помалку допири, рековме дека треба да ја свртиме страната во два допири и не го прававме тоа добро. Високиот пресинг не беше пресуден“, рече Далиќ.
Во второто коло, за четири дена Хрватска ќе игра против Албанија.
Спорт
(Видео) Шпанија за полувреме ја декласира Хрватска
Фудбалерите на Шпанија ја декласираа Хрватска со 3:0 (3:0), во првиот натпревар од групата Б на ЕУРО 2024. Сите дилеми околу кончениот победник на Олимпискиот стадион во Берлин Шпанците ги решија во првиот дел кога ги постигнаа головите.
Шпанците доминираа во поседот во првите 15 минути, а кога Хрватите дојдоа до здив и полека ја презедоа контролата врз играта, доживеаја нокут.
Најдобриот играч на теренот, Фабијан Руиз, во 29.минута со вертикално додавање ја распара хрватската одбрана, Мората излезе сам пред Ливаковиќ и рутински ја заврши акцијата.
Три минути подоцна, минијатура на Руиз, кој се ослободи од тројца играчи и со удар од 15 метри го совлада Ливаковиќ.
Интересно веднаш по шапнските голови Хрватите имаа добри шанси, но најпрвин Ковачиќ, а потоа и Брозовиќ не успеаја да го совладаат Симон.
Во финишот на првиот дел, во 42.минута супер шанса пропушти и Гвардиол. Катастрофата на Хрватска во првиот дел ја комплетираше Дани Карвахал во втората минута од судиското надополнување на времето. За Карвахал ова беше прв гол во дресот на националниот тим.
Резултатот на полувремето им овозможи на Шпанците да ја умртват играта во вториот дел . Во 55.минута, Хрватска имаше голема шанса, ударот на Станишиќ во последен момент го блокираше Кукуреља, а во продолжението на акцијата Симон од глава му ја симна топката на Крамариќ.
Хрватите имаа уште една голема шанса, во 80.минута Симон со аматерска реакција им подари пенал на противниците. Глманот на Шпанија сепак ја исправи својата грешка, го одбрани пеналот на Петковиќ. Напаѓачот на Хрватска од втора шанса постигна гол, кој беше поништен поради офсајд.
На овој натпревар Алваро Мората стана третиот најдобар стрелец во историјата на Европските првенства. Против Хрватска го постигна седмиот гол на континеталните шампионати. Само Кристијано Роналдо со 14 и Мишел Платини со девет имаат повеќе голови на ЕП.
Вундеркиндот на Барселона, Јамин Ламал, стана најмладиот фудбалер кој настапил на едно ЕП и најмлад асистент на натпревар на ЕП.
Во второто коло Хрватска ќе игра против Албанија, а Шпанија против Италија.