Европа
Украина: Русите имаат нова цел, борбите се многу интензивни и тешки
Украинската војска тврди дека Русија ги засилува нападите врз селото Новомихаиливка во Донецк. „Руските сили беа нешто поактивни во понеделникот околу населбата Новомихаиливка, јужно од селото Маринка, контролирано од Русија“, изјави капетанот Дмитро Лиховиј, портпарол на украинската група сили Таврија распоредена во источна Украина.
Русија исто така ја засили својата активност околу селото југозападно од Новомихаиливка, рече Лиховиј. „Борбите се многу интензивни и тешки“, изјави за „Њузвик“, Јарослав Чепурни, портпарол на 79. одделна бригада за воздушно-десантно напад на Украина.
„Русија ги напаѓа украинските позиции и со пешадија и со оклопни возила“, рече тој.
Украинската војска во понеделникот рано наутро соопшти дека нејзините сили се спротивставиле на руските напади во Новомихаиливка, како и во блиските населби Краснохоривка и Хеорхиивка, северно и западно од Маринка. Киев во изминатиот ден забележа 25 руски напади на овој дел од линијата на фронтот, соопшти Украина.
„Непријателските сили сакаат да напредуваат и да продолжат да ги притискаат селата Новомихаиливка и Хеорхиивка и во близина на градот Краснохоривка“, рече Лиховиј. Геолокацираните слики од почетокот на март сугерираат дека руските сили напреднале во правец на Новомихаиливка, објави Институтот за проучување на војната.
Москва исто така почна, како што Институтот ја нарече, „кохезивна офанзивна операција со повеќе оски“ во близина на североисточните градови Сватов, Кремин и Купјанск – клучен железнички центар. Руските сили напредуваа југозападно од десеткуваната населба Вуледар, југозападно од Новомихаиливка, проценува Институтот за проучување на војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Европа
(Видео) Зеленски во Шведска: Само заедно можеме да го запреме лудилото од Москва
Украинскиот претседател Володимир Зеленски денеска потпиша билатерален безбедносен договор со Шведска, еден од трите планирани со нордиските земји, бидејќи бара дополнителна воена поддршка од Западот во војната против Русија.
Соопштението доаѓа додека западните земји дебатираат дали да и дозволат на Украина да користи западно оружје за да нападне воени цели во Русија, поддржувајќи офанзива врз североисточниот украински град Харков.
„Можете да видите дека Русија се обидува да ја прошири војната… Само заедно можеме да го запреме лудилото од Москва“, рече Зеленски на потпишувањето на договорот, 13-ти таков договор што Киев го потпиша со западна земја.
Зеленски рече дека ќе потпише билатерални договори и со Норвешка и Исланд.
Воздушната одбрана, производството на муниција и заедничкото производство на оружје се на врвот на агендата на петочниот самит меѓу Зеленски и премиерите на Шведска, Норвешка, Данска и Исланд и претседателот на Финска.
Сите нордиски земји, кои цврсто ја поддржуваат Украина, се членки на НАТО.
„Постојано се повторува, вие буквално не се борите само за сопствената слобода, туку и за нашата слобода и нашата безбедност“, рече шведскиот премиер Улф Кристерсон.
„Ова е причината зошто поддршката на Украина е толку фундаментална, егзистенцијална задача за Шведска и за сите други нордиски земји“, додаде тој.
Претходно овој месец, Шведска соопшти дека се согласила за дополнителна воена помош за Украина во вкупна вредност од 7 милијарди долари во текот на три години, додека во последните недели Норвешка преговараше за билатерален безбедносен договор со Киев.
Данска и Финска веќе потпишаа 10-годишни безбедносни договори со Украина во февруари и април, соодветно.
Европа
Едногодишно бебе паднало низ прозорец во Австрија: „Се обиде да се држи за саксија“
Едногодишно Ддтенце паднало од прозорец на станбена зграда во Отакринг, Австрија и се здобило со сериозни повреди на главата.
18-месечното бебе паднало од прозорец во четвртокот околу 20 часот додека родителите биле во другата соба, зафатени со другото бебе, јавуваат австриските медиуми.
„Се качи преку трпезариската маса на прозорецот од кујната и се лизна надолу“, раскажува сведок.
Како што објаснил, детето се обидело да се потпре на саксија што стоела на прозорецот.
Меѓутоа, бидејќи саксијата не била соодветно потпрена, се превртела и паднала, а момчето паднало по неа.
Малото момче се здобило со сериозни повреди на главата поради што е хоспитализирано и сместено на одделението за интензивна нега.
Според првичните информации, неговиот живот не е во животна опасност.
Австриската полиција ги приведе родителите поради сомнение дека од небрежност му нанеле телесни повреди на нивниот син.