Свет
„Политико“: Бајден ќе размисли за условување на воената помош за Израел во случај на инвазија на Рафа
Американскиот претседател Џозеф Бајден ќе размисли за условување на воената помош за Израел доколку таа земја изврши голема инвазија на Рафа, во Појасот Газа, пишува „Политико“ повикувајќи се на четворица упатени американски претставници.
Според порталот, фактот што Бајден би го разгледал овој чекор ги одразува екстремните тензии во неговите односи со израелскиот премиер Бенјамин Нетанјаху.
Иако Бајден не донел никаква одлука за ограничување на идните трансфери на оружје, официјални лица рекоа дека тој може да го стори тоа доколку Израел почне нова операција, што дополнително ги загрозува палестинските цивили, пренесува медиумот.
Едно од официјалните лица, според написите, истакнало дека Бајден „дефинитивно размислувал“ за задржување на помошта.
Бајден дал разни индикации за тоа што мисли за идната продажба на оружје на Израел, наведува „Политико“ и потсетува дека минатата година американскиот претседател ја нарече идејата за условување на воената помош „вредна за размислување“, пренесува „Танјуг3.
Во интервјуто што го даде викендов за американскиот Ем-си-ен-би-си, Бајден, сепак, рече дека ќе продолжи да испраќа оружје во Израел, особено ракетниот одбранбен систем „Железна купола“, но нагласи дека масовните цивилни жртви во Газа за него се црвена линија и дека не е можно да се дозволи да бидат убиени 30.000 Палестинци.
Портпаролката на Советот за национална безбедност на САД, Адриен Вотсон, во изјава за „Политико“ рече дека „нема да коментира шпекулации од анонимни извори или да додаде нешто на она што го кажа претседателот викендов.
Иако Бајден стана поотворено критички настроен кон операциите на Израел, позицијата на Нетанјаху многу малку се промени, а тој во неделата му кажа на Аксел Спрингер дека неговите сили ќе се преселат во Рафа и покрај предупредувањата на американскиот претседател, наведува „Политико“.
Порталот додава дека повеќето аналитичари веруваат оти израелската инвазија на Рафа ќе се случи по Рамазан, но дека за Бајден останува најголемото прашање дали условеноста на воената помош би го принудила Израел да ја подобри хуманитарната ситуација во Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.