Спорт
Влезот на Дубаи во АБА лигата одложен за наредната недела
Во Загреб се одржа Собранието на АБА лигата која беше окарактеризирана како историска, а љубителите на кошарката со нетрпение го очекуваа епилогот, каде 11 клубови со право на глас (Црвена звезда, Партизан, Цедевита Олимпија, Будуќност, Задар, Цибона, Мега , ФМП, Крка, Игокеа, Морнар), мораа да донесат голем број важни одлуки, а една од клучните беше Дубаи.
По речиси шест часа разговор, анализа на сопственичката структура, односно вклучувањето на СЦ Дерби, Сплит и Борча од Чачак во истата, односно натпреварувачкиот систем за следната сезона, одлучено е да се закаже ново Собрание за седум дена со цел уште еднаш да се разгледа понудата на тимот од Обединетите Арапски Емирати.
Имено, како што дознаваме, сите клубови со право на глас, вкупно 11, изразиле подготвеност Дубаи да биде учесник во АБА лигата следната сезона, како и во наредниот период, но било побарано Дубаи дополнително да ги прецизираат условите и да ја зголеми финансиската понуда за првата сезона која во моментов изнесува 1,5 милиони евра.
Затоа, сите други одлуки засега се ставени во мирување, додека не се решат преговорите со тимот од Дубаи. Како што сега стојат работите, за седум дена Дубаи повторно ќе претстави нова понуда, врз основа на која ќе се донесе одлука за учество на Дубаи во АБА лигата, а потоа и за системот на натпреварување, односно проширување на лигата на 15 или 16 клубови.
„Спортклуб“, повикувајќи се на свои извори, објави дека, одложувањето на одлуката околу учеството на Дубаи во АБА лигата не треба да биде пречка на патот кон проширување на лигата, односно прифаќање на учеството на клуб од Обединетите Арапски Емирати.
Взаемна желба постои, а сега остануваат уште седум дена да се усогласат споменатите желби во финансиска смисла.
Како што соопштија од АБА лигата, се работи за детали, а откако тие ќе бидат решени ќе биде објавен и системот на натпреварување за следната сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.