Свет
Наезда на стаорци во полициски штаб во Њу Орлеанс: „Jа јадат марихуаната“
Претставници на полицијата во Њу Орлеанс објавија дека стаорци се појавиле во просторијата за докази во седиштето на полицијата, јадејќи ги доказите, вклучително и марихуаната.
„Стаорците ја јадат марихуаната. Сите тие се дрогирани“, рече началникот на полицијата Ен Киркпатрик на состанокот на Одборот за кривична правда во градот.
Проблемот не е ограничен само на просторијата за докази, со тоа што некои вработени тврдат дека пронашле измет од стаорци на нивните канцелариски бироа, пренесува „CBS News“.
Во истата зграда нема климатизери или лифтови, истакна Киркпатрик и додаде дека вработените работат во нехигиенски услови.
Членовите на Советот на состанокот на одборот гласаа за одобрување закуп за нова зграда за полицискиот оддел во Њу Орлеанс. Новиот 10-годишен закуп ќе го чини градот 670.000 долари месечно, што е сепак поевтино од 30 милиони долари што би ги чинело за да се поправи сегашното седиште, рекоа градските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.