Европа
(Видео) Бомбардиран руски Белгород, луѓето избегаа од избирачкото место, има повредени, запалени се автомобили
Во Белгород, поради ракетена закана, луѓето што дошле да гласаат биле принудени да го напуштат избирачкото место и да побегнат во прифатилиште, потврдил очевидец за руската државна новинска агенција „РИА новости“. По укинувањето на воздушната тревога, жителите на Белгород се вратија на гласачкото место и продолжија да гласаат.
👌 Election day in Belgorod
In the evening, they will tell how the heroic citizens of Belgorod came to the polling stations under rocket fire and all voted for putler 😃 pic.twitter.com/1T7uX95M78
— Eva 🇨🇿❤️🇺🇦❤️ (@Eva_CZ1) March 15, 2024
Пораката за опасност од ракетен напад во Белгород и Белгородската област е објавена во 8.10 часот по московско време. Од граѓаните беше побарано да останат дома и да не се доближуваат до прозорците. По 14 минути, алармот бил укинат. Се појавија повеќе видеа од нападот, вклучително и едно на кое се гледа како проектил удира во камион.
За нападот објави и градоначалникот на Белгород, Валентин Демидов, на својот канал на „Телеграм“. Тој објави дека бројот на жртви се искачи на три.
Voting in Belgorod was interrupted due to shelling
For those who don’t know, the presidential elections in the Russian Federation are held on March 15–17. There are few candidates, there is only one candidate.
The elections are illegal because they are also held in the occupied… pic.twitter.com/LYdfgRnHXa
— TOGA (@TOGAjano21) March 15, 2024
„Белгород утрово беше изложен на уште еден терористички напад од страна на украинските вооружени сили. Возам низ градот“, рече тој.
„Двајца мажи се повредени. Едниот е хоспитализиран со неколку скршени ребра и набиени гради. Другиот е префрлен во медицинска установа бидејќи лицето му било исечено од шрапнели. И една жена се појавила со потрес на мозокот и расеченица на прстот, но таа одби хоспитализација“, додаде тој.
⚡️🇷🇺Belgorod is under fire pic.twitter.com/Uf2z1Blkll
— 🇺🇦Ukrainian Front (@front_ukrainian) March 15, 2024
Гувернерот на Белгородската област, Вјачеслав Гладков, соопшти дека се оштетени 23 стана во седум станбени згради, два трговски центри, училиште, стадион и осум автомобили. Тој истакна дека итните служби се на терен.
🇺🇦🇷🇺 Belgorod under fire again. 5th day in a row. pic.twitter.com/vzBxUMx2Z7
— Geopolitics Pro🇱🇻 (@Geopolitics_pro) March 15, 2024
Инаку, руските гласачи утринава почнаа да излегуваат на гласање на тридневните претседателски избори, кои сигурно на Владимир Путин ќе му донесат уште еден шестгодишен мандат. Путин има три формални ривали: Леонид Слуцки, Николај Харитонов и Владислав Даванков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.