Македонија
(Видео) Николова: Силјановска се претвори во уште едно лице на ДПМНЕ
Изборот на претстојните избори е помеѓу борбата за иднината со СДСМ и заглавување со ДПМНЕ, помеѓу надеж и откажување, изјави на прес-конференција пратеничката од редовите на Социјалдемократскиот сојуз, Даниела Николова.
Таа вели дека глас за СДСМ и Стево Пендаровски е глас за Македонија како рамноправна и просперитетна членка на ЕУ, додека изборот на ДПМНЕ и Силјановска значи изолирана и затворена држава без надеж за подобро утре.
„Кандидатката на опозициската партија, Гордана Силјановска се претвори во уште едно лице на ДПМНЕ. Во македонското Собрание во изминатите четири години застана зад активната блокада, со којашто се попречувааа пакетите помош за граѓаните, антиктизните мерки, но се блокираше и европската иднина на државата. Застанувањето зад политиките на изолација и безнадежност како главна карактеристика на партијата од Белата палата е сериозен товар за Силјановска. Токму затоа, на сите им е јасно дека глас за Силјановска е глас за враќање назад, глас за оддалечување на државата од Европската Унија“, рече Николова.
Вели дека со Мицкоски и Силјановска државата ќе изгуби уште една деценија заглавена на патот кон Брисел, а за тоа ќе ја обвинуваат потоа Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на редовна координација во новиот собраниски состав: во фокусот конституирањето на комисиите и неформалните работни тела
Претседателот на Собранието, Африм Гаши денеска ја одржа првата редовна координација во новиот собраниски состав, на која, главно, се дискутираше за конституирањето на комисиите, како и на неформалните работни тела во законодавниот дом.
На координацијата, покрај претседателот Гаши и генералната секретарка Цветанка Иванова, присуствуваа претставници на сите партии, односно коалиции кои освоија пратенички мандати на неодамнешните парламентарни избори: Никола Мицевски од коалицијата на ВМРО-ДПМНЕ, Оливер Спасовски од коалицијата на СДСМ, Блерим Беџети од Европскиот фронт на ДУИ, Халил Снопче од ВЛЕН, Бобан Карапејовски од ЗНАМ и Борис Крмов од Левица.
Гаши притоа информира дека кон крајот на оваа работна недела треба да се одржи нова седница на Собранието, со цел верификација на останатите два мандати на пратеници, кои не беа верификувани на конститутивната седница на 28 мај годинава. Државната изборна комисија, како што рече Гаши, веќе има доставено извештај за овие два мандати, така што неделава треба да се закаже седница за нивно верификување, со што ќе се комплетира новиот собраниски состав.
Во однос на формирањето на комисиите, присутните ја разгледаа можноста во наредните денови првично да се изберат претседател и членови на Законодавно правната комисија и на Комисијата за политички систем, со оглед на тоа што течат роковите за избор на новата Влада. Потоа, во најбрз можен рок, политичките партии би требало да достават предлози за претседатели, членови и заменик-членови на сите други работни тела на Собранието, согласно бројот на мандатите освоени на изборите.
Македонија
Се работи на внатрешноста на храмот „Свети рамноапостолни цар Константин и царица Елена“ во Скопје, ќе биде потребна и дополнителна помош од верниците
Од Скопската епархија, при Македонската Православна Црква – Охридска Архиепископија, информираат дека во изминативе 6 месеци интензивно се работи на внатрешноста на храмот „Свети рамноапостолни цар Константин и царица Елена“, во центарот на Скопје: се фрескоживописува и се привршува проектот за изработка на иконостасот и подот, а останува да се изведе електриката и да се уреди просторот околу храмот.
„Фрескописот и другите потребни работи се извршуваат од донации, но за целосно довршување на храмот ќе биде потребна дополнителна помош, па се очекува да помогнат и верниците, стопанствениците, приватните бизнисмени како и сите луѓе – добронамерници.
Инаку, новиот храм се гради во спомен на урнатиот од земјотресот, и е во целосна сопственост на Скопската епархија, со сите подмирени долгови од порано кон изведувачот на градежните работи, кој долгот го пријави дури по неколку години“, се истакнува во напишаното.
Скопје
Ѓорѓиевски: Финализираме со проектот за реконструкција на сите улици во Усје
Градоначалникот Орце Ѓорѓиевски денес го посети Усје. Во ова населено место, целиот изминат период интензивно се работи на обнова на патната инфраструктура. Улицата “5” е целосно реконструирана. Во моментот нов асфалт добиваат улиците “22” и краците на улицата ‘1”.
Сите тие се стари по повеќе од 30 години и откако се направени, на нив не е извршена никаква реконструктивна активност и покрај тоа што беа во катастрофална состојба. Со завршувањето на овие сообраќајници, се финализира проектот за реконструкција на сите улици во Усје. Претходно, пред две години, на почетокот од својот мандат, градоначалникот Ѓорѓиевски ја заврши секундарната фекална канализациона мрежа, со што семејствата од Усје, добиваат современи и удобни услови за живот, кои се нужни во 21 век.
– Се наоѓаме во населеното место Усје, каде работиме на последните 5000 квадратни метри од големиот проект за реконструкција на сите улици. 600 семејства кои живеат тука, три децении се соочувале со немање слух од сите мои претходници кои дозволиле улиците да стигнат до катастрофална состојба. Како што им ветив, извршивме големи реконструктивни зафати со кои ја опфативме целата патна мрежа во Усје и ќе финализираме за најмногу две седмици. На ова сакам да додадам дека претходно ја завршивме и фекалната канализација, што значи интервениравме и подземно и надземно, се со цел, нашите жители да имаат достоинствени услови за живот, а истото следува и во сите преостанати населби и населени места, изјави градоначалникот Орце Ѓорѓиевски.