Спорт
Новак Ѓоковиќ осум години e број 1
Новак Ѓоковиќ, најуспешниот играч во историјата на тенисот, продолжува да го подобрува рекордот кога се во прашање неделите минати на врвот на АТП листата. Србинот и во тековната недела официјално е најдобар во светот, тој ја започна 417. недела од своето „владеење“.
И покрај тоа што нема да игра на Мастерсот во Мајами, како и лошиот настап во Калифорнија и раната елиминација во пресметката со Лука Нарди, Ѓоковиќ има уште три загарантирани недели на врвот на листата. Тоа значи дека за три дена ќе го комплетира осумгодишното владеење на АТП листата.
Ѓоковиќ (9.725) беше елиминиран во третото коло на Индијан Велс, но бидејќи лани не играше на овој Мастерс додаде на своето конто 50 поени.
Второпласираниот Карлос Алкараз (8.805) ја одбрани титулата во Калифорнија, па разликата меѓу Новак и него е 920 бода. На Шпанецот ќе му бидат одземени 400. бодови освоени минатата сезона во Мајами, додека Ѓоковиќ нема да игра на Флорида, што значи дека ќе остане на истото салдо.
Доколку победи во Мајами, каде што беше елиминиран во полуфиналето во 2023 година, Алкараз може да му пријде на Ѓоковиќ на нешто повеќе од 500 поени и со тоа да ги зголеми шансите да го нападне врвот во Монако. Доколку слави и во САД и во Монте Карло, Алкараз повторно би бил тенисер број еден во светот.
Погледнете ја листата на најдобрите десет играчи на планетата во моментов:
Новак Ѓоковиќ 9.725
Карлос Алкараз 8.805
Јаник Синер 8.310
Данил Медведев 7.765
Александар Зверев 5.060
Андреј Рубљов 4.970
Холгер Руне 3.875
Каспер Руд 3.560
Хуберт Хуркач 3.370
Алекс де Манор 3.300.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Меси и понатаму зема плата од Барселона, клубот од кој замина во 2021 година
Лионел Меси постигна 672 гола и асистираше на уште 303 на 778 натпревари во дресот на Барселона. Иако играше за Пари Сен Жермен откако ја напушти Каталонија пред да потпише за Интер Мајами во МЛС минатата година, Барселона сепак го плаќа. И не е единствениот за кого одвојува пари, а кој веќе не игра таму.
На платниот список на нивниот поранешен клуб се и Серхио Бускетс и Џорди Алба, со кои играше со години во Барселона, а потоа повторно се обедини со нив во Мајами. Сите тројца се согласија на одложување на платата за време на пандемијата на коронавирус со цел да се олесни финансиската состојба на клубот. Барса сега ги отплаќа тие долгови.
Според договорот тоа ќе го прават до крајот на оваа сезона и дури потоа ќе го тргнат тој финансиски товар. Парите што им ги исплаќа на трите ѕвезди не се класифицирани како тековни трошоци бидејќи тие бројки беа вклучени во сметките на клубот за 2020/21 година. Барса во таа сезона требаше да одвои околу 84,5 милиони евра за плата на Меси.
Спорт
Синер e прв финалист во Шангај
Јаник Синер е првиот финалист на Мастерсот во Шангај.
Италијанецот по вторпат сезонава го победи Чехот Томаш Махач, 33-ти во светот, со 6:4, 7:5 по 103 минути игра.
Со ова тој го обезбеди лидерското место на АТП листата на крајот од оваа година.
Исто како и минатата пролет во Мајами, кога првпат играше со Чехoт, светскиот рекет број еден најде решение и со тоа ја заврши одличната недела на противникот.
Светскиот рекет број еден на тој начин стигна до осминафиналето сезонава и в недела ќе се бори за седмата титула во 2024 година, вкупно 17-та во кариерата.
Не може да се каже дека Махач одигра лошо, напротив играше во свој стил. Погодуваше со сета сила, ризикуваше во ударите, но впечатокот е дека Синер ги добиваше клучните поени и правеше значително помалку грешки.
Сепак, Чехот одлично го започна мечот, веднаш нападна и го изненади Синер со ран брејк, а потоа и со водство од 2:0.
Сепак, тоа не го збуни Синер, кој го задржа темпото на игра и го сврте резултатот во своја полза, 3:2.
Италијанецот имаше и две брејк топки во следниот гем, но не ги искористи, само за да добие нова шанса во самата завршница од сетот.
Во десеттиот гем искористи брејк прилика за водство од 6:4 во мечот по 44 минута.
Италијанецот трпеливо градеше поени во остатокот од мечот и ја чекаше својата прилика.
Махач правеше многу повеќе грешки, но никако не успеваше да добие шанса за брејк.
Додуша, добро се држеше во овој сет, не му дозволи на противникот да добие брејк шанси, но не успеа ни самиот да ги создаде, се до деветтиот гем кога имаше два, но Синер извонредно извлече и стигна до 5. :4.
Махач одговори со 5:5, но Синер не ни трепна, брзо стигна до 6:5 без загубен поен, само за Италијанецот да притисне, стигнувајќи до брејк на крајот и трето мастерс финале во сезоната.
Таму ќе се сретне со победникот од мечот меѓу Новак Ѓоковиќ и Тејлор Фриц.
Спорт
Активирана ракометна „бомба“ во Подгорица – Дидие Динар е селектор на Црна Гора!
Дидие Динар, членот на генерацијата која доминираше во светскиот ракомет и поранешен селектор на Франција, едно од најголемите ракометни имиња во светот, е нов селектор на репрезентацијата на Црна Гора!
Ова големо ракометно име во Црна Гора носи импресивна кариера и како играч и како тренер.
Динар стана десеттиот селектор на „лавовите“ откако Владо Шола поднесе оставка во мај, по елиминацијата од Италија во баражот за Светското првенство.
Неговото деби на клупата на црногорската селекција се очекува на 6 ноември против Финска, во рамките на квалификациите за ЕП 2026 година.