Спорт
(Видео) Турците ги уапсија хулиганите од Трабзон
Дванаесет лица се уапсени по насилството што изби по натпреварот од турското фудбалско првенство меѓу Трабзон и Фенербахче, соопшти денеска министерот за внатрешни работи.
„Уапсени се 12 лица кои се идентификувани како инволвирани во инцидентите што се случија по натпреварот меѓу Трабзон и Фенербахче“, напиша министерот Али Јерликаја на социјалната мрежа „Икс“.
„Покрај навивачите кои упаднаа на теренот, уапсени се и пет лица кои преку социјалните мрежи повикуваа на насилство“, додаде министерот.
Инцидентот се случи по поразот од Трабзон на домашен терен (2:3), додека играчите на Фенербахче ја славеа победа. Навивачите на домашната екипа ги нападнаа играчите и тренерот на клубот од Истанбул, додека голманот Доминик Ливаковиќ беше удрен во глава.
„Апсолутно неприфатливо насилство за кое нема место во нашиот спорт, на терен или надвор од него. Сите играчи мора да бидат безбедни да го играат овој спорт каде било во светот“, напиша претседателот на ФИФА, Џани Инфантино на Инстаграм.
Осудувајќи ги „неприфатливите“ настани, Турскиот фудбалски сојуз соопшти дека ќе бидат воведени санкции за одговорните за инцидентите.
Инцидентот во Трабзон е последен од долгата листа на инциденти во турскиот фудбал. Турскиот шампионат беше прекинат една недела во декември, откако претседателот на Анкарагучу физички нападна судија по натпревар.
Batshuayi'nin tekmesi adamı vurmadı, eğer vurmuş olsaydı yere yığılırdı; ancak adam koşmaya devam ederken Livakovic'e yumruk atıyor.pic.twitter.com/eRj7Qoa4Bn
— Mahmuslu (@mahmuslu) March 18, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.