Спорт
(Видео) Прва снимка од Сабаленка откако се самоуби нејзиното момче: многумина ја осудуваат, другите ја бранат
Арина Сабаленка доживеа страшен удар, бидејќи нејзиното момче Константин Колцов се самоуби, скокајќи од балконот на хотелот во кој престојувал во Мајами.
Белоруската тенисерка по оваа трагедија не се огласи на социјалните мрежи, многумина се прашуваа што ќе прави после се и дали ќе се повлече од турнирот, но таа реши да игра и шокираше многумина.
Уште еднаш тенисерката од Белорусија покажа колку е психички силна и дека и во оваа ситуација решила да остане на турнирот.
Aryna Sabalenka training in Miami.
If anyone feels the need to judge her for playing, please stop.
The grieving process is so much more complex than whatever your opinion is.
She deserves kindness in her healing journey 🙏❤️
(via @BartekIgnacik) pic.twitter.com/nLm8RdCNvU
— The Tennis Letter (@TheTennisLetter) March 19, 2024
Сега се појави и првото видео на Белорусинката која тренира и се подготвува за стартот на турнирот на кој е втора носителка.
Многумина ја осудуваат што сепак одлучила да игра и се однесува како ништо да не се случило, а изгубила важна личност во животот, додека други сметаат дека тенисот и е поважен сега од кога било и дека веројатно е излез од оваа тешка ситуација.
Сабаленка и Колцов беа во врска од 2021 година, откако тој во 2020 година се разведе од поранешната сопруга Јулија, со која имаше три деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мбапе испрати моќна порака до претседателот на ПСЖ по жестоката расправија со него
Килијан Мабпе имал жестока расправија со претседателот на ПСЖ, Насер Ал-Келаифи во неделата вечерта, пред натпреварот со Тулуз, последниот домашен натпревар на ПСЖ во првенството и последниот на Мбапе на „Паркот на принцовите“ како играч на „светците“.
Наводно, катарскиот милијардер му замерил на Мбапе бидејќи Французинот не го спомнал во неговото проштално видео, кое пред натпреварот беше прикажано на големиот екран на стадионот во Париз.
Според „Ле Парисиен“, дошло до жестока расправија меѓу Мбапе и Ал-Келаифи, кои не зборуваат откако Мбапе објави дека ќе го напушти клубот на крајот од сезоната.
„Ѕидовите се тресеа“, пишува францускиот весник за расправијата меѓу Мбапе и Ал-Келаифи..
Мбапе (25) дојде во ПСЖ во 2018 година за 180 милиони евра од Монако. Иако играше со Меси и Нејмар и постигна 256 и забележа 108 асистенции за ПСЖ на 307 натпревари, тој не успеа да ја освои Лигата на шампионите.
Веќе некое време е незадоволен и сака да си замине. Претседателот на клубот го задржа пред две години со еден од најголемите договори во историјата на фудбалот.
Месечно заработува околу шест милиони евра бруто (2,7 милиони нето), а доби бонус од 180 милиони евра само за потпишување на договорот и дополнителни 70 милиони на крајот од секоја година од договорот, кој требаше да трае до три години. Но, во тој договор постои клаузула според која може да замине бесплатно по две сезони и тој реши да ја искористи таа опција.
Ова го налути Ал-Хелаифи, но и покрај оваа и жестоката вербална пресметка со него во неделата, Мбапе синоќа реши да се раздели со него со изрази на благодарност и почит. На церемонијата на која беше прогласен за најдобар играч во сезоната на француската лига, тој рече:
„Им благодарам на сите луѓе во клубот и на претседателот. Ќе ми недостигаат. Но, заминувам со крената глава”. Иако одамна се знаеше кога и каде заминува Мбапе, тој одбива да го спомене Реал.
Вака одговори на новинарското прашање каде ќе ја продолжи кариерата.
„Се во свое време. Засега можам само да кажам дека заминувам од ПСЖ. Што се однесува до останатото, се уште не е време за тоа. Татко ми сакаше да влезам во историјата на Лига 1 пред да заминам Тоа беше долго патување и среќен сум што успеав да го сторам тоа“.
Спорт
Ковач го суди финалето на Лига Европа, Португалец ќе ја дели правдата во Конференциската лига
Европската фудбалска унија (УЕФА) ги одреди судиите за финалните натпревари на сите четири натпреварувања кои се во нејзина организација.
Славко Винчиќ е назначен да го суди финалето од Лигата на шампионите помеѓу Реал Мадрид и Борусија Дортмунд, кое ќе се одигра на 1 јуни во Лондон на „Вембли“.
Финалето од Лигата на Европа на 22 мај на стадионот „Авива“ во Даблин каде ќе се сретнат Баер Леверкузен и Аталанта ќе го суди романскиот судија Иштван Ковач.
Португалскиот судија Артур Соареш Диас е назначен за главен судија на финалето на Конференциската лига, Во финалето ќе се сретнат Фиорентина и Олимпијакос на 29 мај на стадионот „Аја Софија“ во Атина.
Финалето на женската Лига на шампиони меѓу Лион и Барселона, кое ќе се одигра на 25 мај на „Сан Мамес“ во Билбао, ќе го суди Англичанката Ребека Велч.
Спорт
(Видео) Оклахома победи во Далас, Бостон на чекор до источното финале
Оклахома победи во Далас 100:96 и израмни на 2:2 во серијата во полуфиналето на Западната конференција во НБА лигата. Од друга страна, Бостон го доби вториот меч на гостувањето во Кливленд со 109:102 и сега победата го дели од пласман во финалето на Истокот.
Оклахома, предводена од Шеј Гилџес-Александер славеше и покрај тоа што во најголемиот дел од натпреварот ја бркаше предноста на противникот. На три минути до крајот Оклахома го презеде водството со тројката на Чет Холмгрен. Потоа во пенал завршницата дојде до победата.
Гилџес-Александер беше убедливо најефикасен на натпреварот со 34 поени, осум скока и пет асистенции. Го следеа Холмгрен со 18, Дорт со 17, додека Вилијамс постигна 14 поени.
Вашингтон постигна 21 поен за Далас со 12 скока. Дончиќ застана на скромни 18 за него со лош процент на реализација (6/20). Словенечкиот репрезентативец имаше и 12 скока и десет асистенции. Лош натпревар одигра Кајри Ирвинг кој постигна само девет поени.
Следниот натпревар се игра во Оклахома ноќта меѓу среда и четврток.
Бостон ја оправда улогата на фаворит против Кливленд, кој беше лишен од услугите на својот најдобар играч Донован Мичел. Во првата четвртина Селтикси отидоа на плус седум и практично ја задржаа таа разлика до крајот на мечот.
Тејтум стигна до 33 поени со 11 скока, Браун додаде 27. Гарланд имаше 30 поени и седум асистенции за Кавалирс.