Забава
Нов скандал го тресе кралското семејство дека принцезата Кејт ја уредила фотографијата и на починатата кралица Елизабета
Според фотоагенцијата Getty Images, има уште една фотографија за која постои сомневање дека е уредена од Кејт Мидлтон, а на која е покојната кралица Елизабета. Имено, споменатата агенција навела дека фотографијата на кралицата Елизабета со нејзините внуци и правнуци е исто така дело од рацете на принцезата, а грешки има на дури 19 места.
Очигледно продолжува сагата со монтирани слики, која почна кога беше објавена фотографија на Кејт и нејзините деца за Денот на мајката, која, како што објавија медиумите, ја направил принцот Вилијам, а која исто така била фотошопирана. Сакајќи да го смири јавниот хаос предизвикан од спорната фотографија, Кејт Мидлтон се извини и рече дека ја уредила фотографијата бидејќи сака да експериментира.
Новооткриените недоследности на втората слика ја враќаат Кејт во центарот на вниманието и се закануваат да ги нарушат односите на кралското семејство со водечките новински и фотографски агенции.
Во саботата принцот Вилијам и Кејт беа забележани и фотографирани во самопослуга во близина на нивниот дом, што на некој начин го смири хаосот во врска со прашањата за нејзиното здравје. Принцезата исто така беше фотографирана на почетокот на овој месец во автомобил во близина на замокот Виндзор. Таа не е видена во јавноста откога палатата објави дека имала операција на абдоменот во јануари.
Последната контроверзност беше предизвикана од фотографија објавена во април 2023 година, на која покојната кралица Елизабета е опкружена со своите внуци и правнуци. Палатата соопшти дека фотографијата е направена од Кејт во замокот Балморал во Шкотска неколку месеци пред смртта на кралицата, но измените доведоа до конфузија во врска со тоа дали таа, всушност, е спој на неколку фотографии.
Недоследностите на таа фотографија ја вклучуваат неусогласеноста меѓу здолништето на кралицата и ќебето и софата на кои таа седи. Работ на рамото на принцот Луис е заматен и се чини дека се преклопува со заднината. Осветлувањето исто така не се совпаѓа со целокупното осветлување на фотографијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Претставничката на Израел по Евровизија: Би било лага ако кажам дека беше лесно
Еден Голан, претставничката на Израел на овогодишниот избор за песна на Евровизија, се огласи на „Инстаграм“ по завршувањето на натпреварот.
„Од каде да почнам? Прво би сакала да кажам дека сум горда на тоа колку далеку стигнавме. Благодарна сум за привилегијата да ја претставувам мојата земја, особено во овие тешки времиња. Од моментот кога го почнавме ова патување, нашата цел отсекогаш беше да го споделиме силниот глас на Израел на една од најголемите сцени. Би било лага ако кажам дека беше лесно, но вашата поддршка и љубов ми дадоа сила да продолжам и да ја дадам најдобрата изведба што можеше“, напиша таа.
„Би сакала да им се заблагодарам на сите што ме поддржаа од целиот свет, на мојата земја, на членовите на делегацијата и на моето семејство, кои едвај чекам да ги видам и гушнам. И секако, благодарам на сите што гласаа бидејќи Благодарение на вас, моето учество на натпреварот за песна на Евровизија го посветувам на гласовите што не можеме да ги слушнеме – киднапираните. Очајнички чекаме да се вратите дома“, рече таа.
За потсетување, Израел на овогодинешниот Евросонг заврши на петтото место со 375 гласови, од кои 323 од публиката. Учесничката се соочи со свирежи за време на нејзиниот настап поради војната во Газа, а непосредно пред одржувањето на натпреварот пред арената имаше големи пропалестински протести.
Забава
Илјадници луѓе го пречекаа Бејби Лазања на плоштадот во Загреб, тој се расплака
По историскиот успех на Евровизија, односно второто место, Бејби Лазања денеска се врати дома.
Тој беше пречекан од илјадници луѓе на плоштадот во Загреб.
Пејачот двапати ја испеа Рим Тим Таги Дим за публиката, а присутните пееја и танцуваа со него. Меѓу нив беше и градоначалникот на Загреб, Томислав Томашевиќ. Во еден момент, Лазања заплака на сцената.
„Лесно ми е мене, важно е луѓето да се среќни“, скромно рече тој, пренесува хрватски „Индекс“:
Тој призна дека не очекувал толку голем одѕив на дочекот.
„Очекував можеби сто луѓе“, додаде.
Бејби Лазања по излегувањето на сцената покрај хрватската делегација изјави дека сè направил сам со тимот, а медиумот потсетува дека Лазања беше резервен избор на ХРТ за Евровизија.
Според гласовите на публиката, хрватскиот претставник победи во Малме.
Забава
(Видео) Koj е Немо – победникот на Евровизија
Благодарение на гласовите од жири комисијата Немо од Шварцарија победи на изборот за песна на Евровизија со песната „Код“.
Немо се опишува себе си како небинарна личност, што значи дека не се декларира како маж или жена, туку како „тие“.
Немо (25) е рапер, пејач и музичар кој свири виолина, пијано и тапани. Досега имаат издадено три албуми, а песната „Du“ беше четврта на швајцарските топ листи во 2017 година.
Швајцарија немаше конкурс за песната да ја испрати на Евросонг, но интерно ја избраа песната ‘Код’. За изборот се пријавиле 472 песни, а жирито го сочинувале најмалку 240 меѓународни членови од публиката и 30 членови на стручно жири од 20 земји.
Критиките по финалето и неговата победа се поделени, а немалку коментираат дека се изненадени од победата и дека повторно жири комисијата ја надгласала публиката која ја избра Хрватска – некрунисаниот морален победник, но има и коментари дека е направен вистински избор, додека хрватската песна е копија на оние на „Рамштајн“.
„Кодот е за патување започнато со сознанието дека не сум ниту маж ниту жена. Пронаоѓањето на себеси беше долг и често тежок процес за мене. Но, ништо не е подобро од слободата што дојде со сознанието дека сум небинарна личност“, вели Немо.