Европа
(Видео) Украина: Нападнавме важна воздушна база длабоко на руска територија
Украински беспилотни летала управувани од воената разузнавачка агенција ГУР рано утринава ја нападнале воздухопловната база „Енгелс“, лоцирана длабоко на руска територија, изјави за „Ројтерс“ извор од украинската разузнавачка служба.
Гувернерот на Саратовската област, каде што се наоѓа базата, изјави дека украинските беспилотни летала биле соборени во близина на „Енгелс“, но не пријавил никаква штета.
„Резултатите се проверуваат“, изјави украински извор за нападот.
На социјалните мрежи се прошири снимка од експлозии снимени во близина на воздухопловната база „Енгелс“.
Several explosions were registered last night in Engels, a city in Saratov Oblast of Russia, known for hosting Russian bomber planes at its aerodrome.
On the right-hand side, the banner says “V – Russian Presidential Election”. pic.twitter.com/kctAmai2rg
— WarTranslated (Dmitri) (@wartranslated) March 20, 2024
Руската воздухопловна база „Енглес“ е исклучително важна во руската војна против Украина бидејќи од неа редовно полетуваат руски бомбардери и други авиони од кои Русите лансираат крстосувачки ракети кон Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.