Свет
Нетанјаху до републиканските сенатори: „Војната во Газа ќе продолжи“
![](https://makfax.com.mk/wp-content/uploads/2019/09/netanjahu-1.jpg)
Израелскиот премиер Бенјамин Нетанјаху им рече на американските републикански сенатори дека Израел ќе продолжи со напорите да ја победи палестинската милитантна група Хамас во Појасот Газа, изјавија сенаторите по обраќањето на Нетанјаху.
„Тој ќе го направи она што рече дека ќе го направи“, рече сенаторот Џим Риш, според „Ројтерс“.
Тој додаде дека Нетанјаху се осврнал на цивилните жртви и потребата да се испрати поголема помош во Газа.
Риш рече дека Нетанјаху многу ги поддржува плановите за изградба на привремено пристаниште и испорака на помош во Газа по море.
Израелскиот лидер разговара со републиканците преку видеоврска една недела откога лидерот на мнозинството во Сенатот, Чак Шумер, одржа говор, во кој остро го критикува Нетанјаху како пречка за мирот и повика на нови избори во Израел, наведува агенцијата.
„Побаравме од него информации и добивме информации за војната, ослободувањето на заложниците и напорите да се победи Хамас. Му рековме дека Израел има целосно право да се брани, а тој рече дека токму тоа ќе продолжи да го прави тоа“, рече сенаторот Џон Барасо.
Демократските лидери се борат со поделбите во нивната партија во врска со хуманитарната катастрофа во Газа пет месеци по војната што почна со нападите на милитантите на Хамас врз Израел на 7 октомври, пишува медиумот.
Портпаролот на Шумер рече дека му понудил на Нетанјаху да разговара и со демократите, но Шумер одбил велејќи дека разговорите не треба да бидат партиски.
„Длабоко се грижам за Израел и неговата долгорочна иднина. Кога тоа прашање го правите партиско, ја повредувате каузата за помагање на Израел“, им рече Шумер на новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.