Спорт
(Видео) Шок во Зеница – Украина за три минути ја елиминира БиХ
Украина, Грција, Грузија, Исланд, Полска и Велс ги задржаа шансите за пласман на Европското првенство во Германија.
Сите со исклучок на Украина лесно ги минаа своите противници. Украинците во Зеница ја победија Босна и Херцеговите со головите во 85. и 88.минута.
Избраниците на Саво Милошевиќ водеа против Украина од 57. минута со автоголот на Микола Матвиенко, но во самиот финиш, во рок од три минути, беа жестоко казнети.
Најпрво Роман Јаремчук го израмни резултатот во 85. минута, а потоа голема радост на гостите од Украина им донесе Артем Довбик со голот во 88. минута.
Во финалето од плеј-офот Украина ќе игра против Исланд, кој по пресврт победи со 4:1 против Израел кој беше домаќин во Унгарија.
Домашните поведоа преку Захави во 31. минута од пенал, но до одморот Исланд одговори преку Гудмундсон во 39. минута и Траустасон во 42. минута.
Гудмундсон го комплетираше хет-трикот со головите во 83. и 87. минута од натпреварот. Захави при резултат 1:2 промаши пенал.
Велс и Полска убедливо ги совладаа своите противници и се изборија за меѓусебен дуел. Велс ја победи Финска со 4:1, а Полска со 5:1 ја победи Естонија.
Грците одиграа фуриозно прво полувреме против Казахстан. Во првиот дел постигнаа четири гола, на крајот славеа со 5:0. Грција во финалето ќе игра во Тбилиси против Грузија која го победи Луксембург со 2:0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Активирана ракометна „бомба“ во Подгорица – Дидие Динар е селектор на Црна Гора!
Дидие Динар, членот на генерацијата која доминираше во светскиот ракомет и поранешен селектор на Франција, едно од најголемите ракометни имиња во светот, е нов селектор на репрезентацијата на Црна Гора!
Ова големо ракометно име во Црна Гора носи импресивна кариера и како играч и како тренер.
Динар стана десеттиот селектор на „лавовите“ откако Владо Шола поднесе оставка во мај, по елиминацијата од Италија во баражот за Светското првенство.
Неговото деби на клупата на црногорската селекција се очекува на 6 ноември против Финска, во рамките на квалификациите за ЕП 2026 година.
Спорт
(Видео) Перу го победи Уругвај
Фудбалерите на Перу го победија Уругвај на домашен терен со 1:0, во последниот натпревар од деветтото коло во јужноамериканските квалификации за Светското првенство.
Голот за огромни три бода. го постигна стоперот Мигел Араухо во 88. минута, играч на американски Портланд.
Со оваа победа Перу ги задржа шансите за пласман во Мундијалот во 2026 година.
Перу е претпоследен со шест бода, Уругвај трет со 15. Аргентина е лидер со 19 бодови, Колумбија има 16, Бразил е четврти со 13, Еквадор е петти со 12, исто толку колку и шестопласираната Боливија, а Венецуела е седма со 11.
Над Перу е Парагвај со 10 бодови, а зад „фенерџијата“ Чиле со пет бодови.
Најдобрите шест селекции од Јужна Америка директно ќе се пласираат на СП по 18 одиграни кола, додека седмопласираната ќе оди во интерконтиненталниот плеј-оф.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.