Европа
(Видео) Најмалку 12 мртви во масовно пукање кај Москва: први снимки од местото на масакрот

Најмалку 12 лица загинаа во масовно пукање што се случи во Москва во концертна сала.
Најмалку три лица во маскирни униформи отворија оган во концертното место Crocus City Hall во близина на Москва.
Footage of the fire in Crocus City Hall Moscow pic.twitter.com/zwj1LOnXEg
— Sputnik (@SputnikInt) March 22, 2024
Најмалку 12 лица се убиени во пукање во концертна сала во московското предградие Красногорск, според каналот на Телеграм, База, пренесува Новаја Газета.
Moscow: an unknown attacker has opened fire at civilians in Crocus City Hall, where a concert of rock band Picnic was due to start soon. According to media reports, at least 12 people have been killed and 35 injured.
📹: Telegram channels 112, Baza pic.twitter.com/8m792bz2Gq
— Novaya Gazeta Europe (@novayagazeta_en) March 22, 2024
Покрај загинатите, најмалку 35 лица се повредени во нападот, кој го извршија тројца мажи облечени во маскирни униформи во Crocus City Hall, пишуваат државните новински агенции.
❗️The shooting occurred in the Crocus City Hall in Moscow, at least 3 people in camouflage opened fire. Some people are wounded, Sputnik correspondent reports.
Video from social media. pic.twitter.com/kg5V1jndMG
— Sputnik (@SputnikInt) March 22, 2024
Очевидци опишаа и експлозија што се случила во концертната сала пред пукањето.
На видеата кои кружат на социјалната мрежа „Х“ од далечина се гледа како се шири голем чад од местото каде што се пукало.
Видео начала стрельбы в «Крокусе» – двое вооруженных мужчин идут по холлу.#Москва #Крокусситихолл pic.twitter.com/2QbjW8wnNL
— elessarchik (@elessarchik) March 22, 2024
Дописникот на Спутник од местото на настанот изјавил дека по пукањето напаѓачите фрлиле граната или запалива бомба, што предизвикало пожар. „Луѓето во салата се симнаа на подот за да го избегнат пожарот, лежејќи таму околу 15-20 минути, по што почнаа да лазат надвор. Многумина успеаја да излезат“, додава дописникот.
Видеата на социјалните мрежи покажуваат и луѓе кои брзаат да излезат од концертната сала.
Footage from the lobby of the Crocus City Hall concert hall after the shooting. Killed and wounded.#Russia #Moscow #Shooting #CrocusCityHall pic.twitter.com/1wAtuvIL6D
— Ulfh3dnar (@Ulfh3dnar_) March 22, 2024
Наводно, пожарникарите кои пристигнале на местото на настанот не можеле да почнат да го гаснат пожарот кој избувнал во трговскиот центар. Надлежните се уште не коментираат што се случило, а не се знае точниот број на жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор.
„Предлагаме 18-ти пакет строги санкции, насочени во суштина кон два сектора, рускиот енергетски сектор и банкарскиот сектор. Ги прошируваме забраните за извоз и ги зајакнуваме мерките против заобиколување на санкциите“, изјави претседателката на ЕК, Урсула фон дер Лајен.
Извршното тело на ЕУ за прв пат предлага забрана за трансакции со гасоводите „Северен тек 1“ и „Северен тек 2“, како и намалување на максималната цена по која може да се продава руска нафта од 60 на 45 долари за барел.
Намалувањето на максималната цена за продажба на руска нафта е мерка усвоена од групата Г7, која ќе разговара за тоа на самитот во Канада оваа недела.
Новиот пакет санкции вклучува дополнителни 77 бродови кои се дел од таканаречената руска флота во сенка, бродови кои пловат под знамиња на трети земји и кои ги користи Русија за заобиколување на санкциите. На листата веќе има 342 брода.
Фон дер Лајен изјави дека на почетокот на војната, руските приходи од извоз на енергија во Европа изнесувале 12 милијарди евра месечно, но благодарение на досегашните санкции, тие паднале на 1,8 милијарди евра. „Тоа е сè уште премногу“, рече таа, додавајќи дека една третина од приходите на Русија доаѓаат од продажба на нафта.
Во банкарскиот сектор, ЕК ја проширува забраната за пристап до SWIFT, систем за размена на комуникации меѓу банките, до целосна забрана за трансакции.
Се предлага и забрана за извос во Русија во вредност од над 2,5 милијарди евра, што би го оневозможило пристапот на руската економија до критични технологии и индустриски стоки, вклучувајќи машини, метали, пластика и хемикалии.
Со неа се ограничува и извозот на стоки и технологии со двојна употреба што се користат за производство на беспилотни летала, ракети и други системи за оружје. Санкциите се насочени и кон 22 руски и странски компании кои обезбедуваат директна или индиректна поддршка на рускиот воено-индустриски комплекс.
Земјите-членки, кои треба едногласно да го потврдат пакетот санкции, започнуваат дискусии за предлогот оваа недела.
Европа
Зеленски за масакрот во Австрија: Длабоко сме потресени

Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои осум деца.
„Длабоко сме шокирани од трагичната пукање во училиште во Грац, во која беа изгубени многу невини животи. Училиштата никогаш не треба да станат места на насилство. Нашите срца се со жртвите, нивните семејства и народот на Австрија. Им посакуваме брзо закрепнување на сите повредени. Украина го споделува овој момент на тага со пријателска Австрија“, напиша Зеленски на Икс.
Deeply saddened by the tragic school shooting in Graz, which claimed many innocent lives. Schools should never become places of violence. Our hearts go out to the victims, their families, and the people of Austria. We wish a swift recovery to all those wounded. Ukraine shares…
— Volodymyr Zelenskyy / Володимир Зеленський (@ZelenskyyUa) June 10, 2025
Нападот се случил во средно училиште во Грац, каде што 22-годишен поранешен ученик, вооружен со пиштол и пушка, отворил оган во две училници. Според полицијата, напаѓачот дејствувал сам и е меѓу загинатите.
Локалните медиуми објавија дека околу 30 лица се повредени и се лекуваат во болница. Градоначалничката на Грац, Елке Кар, го опиша нападот како „страшна трагедија“, додека австрискиот канцелар рече дека настанот „длабоко ја потресол целата земја“.
Полицијата пристигнала на местото на настанот околу 10 часот наутро, а училиштето било евакуирано. Учениците биле однесени на безбедна локација, а подоцна ќе бидат однесени на локалниот стадион ASKÖ, каде што родителите и роднините можат да ги земат.
Ова е најсмртоносниот напад врз училиште во Австрија во повоената историја. Последниот значаен инцидент се случил во ноември 2020 година, кога напаѓач уби четири лица и рани 23 во Виена, а Исламска држава ја презеде одговорноста.
Европа
Двајца млади луѓе со босанско потекло меѓу убиените во пукањето во училиштето во Грац

Најмалку 10 лица беа убиени, а 12 се ранети во утринското пукање во средното училиште во Грац, Австрија, од кои седум се во критична состојба.
Меѓу загинатите има двајца млади луѓе по потекло од Босна и Херцеговина – 17-годишна ученичка со иницијали К.Ј. и девојка по име Х.А., која починала од повредите. Како што неофицијално објави „Кликс“, лекарите се борат за животот на уште едно лице по потекло од Босна и Херцеговина.
Иако Амбасадата на БиХ во Австрија во моментов нема официјални или неофицијални информации за убиени државјани на БиХ, потврдено е дека станува збор за лица кои се по потекло од БиХ, но не и државјани на таа земја.
Информациите за идентитетот на жртвите ги потврдил за „Кликс“ имамот во Грац, Сабахудин Хасиќ.
Нападот го извршил 21-годишен поранешен ученик кој, според австриските медиуми, влегол во училиштето вооружен со пиштол и пушка. Тој испукал десетици куршуми пред да изврши самоубиство во тоалетот на училиштето, каде што го пронашле полицајци кои ја евакуирале зградата.
Пукањето ја шокираше австриската јавност, а истрагата за мотивите за нападот сè уште е во тек.