Свет
Трамп: Само идиот не би реагирал како Израел на напад на Хамас
Судејќи според она што го кажа за таблоидот Israel Hayom, поранешниот американски претседател Доналд Трамп се чини дека го поддржува одговорот на Израел на масакрот на Хамас на 7 октомври.
„Само лудак или идиот не би реагирал како Израел на 7 октомври“, ја цитира таблоидот, изјавата на Трамп, во пократка верзија на написот, додека целосното интервју со него ќе биде објавено подоцна денеска.
Досега Трамп не го искажа јасно своето мислење за одговорот на Израел на октомврискиот напад од страна на Хамас и најмногу повторуваше дека долго планираниот напад немаше да се случи доколку тој сè уште беше претседател на САД.
Веднаш по нападот, Трамп го нарече израелскиот министер за одбрана Јоав Галант „кретен“ поради предупредувањето на Хезболах. Тогаш Трамп за Хезболах, кој е прогласен за терористичка група, рече дека тие се „многу паметни“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Боинг“ со 78 патници излета од писта: нов инцидент, повредени 11 лица
Авион со 78 патници се излизгал од пистата пред полетувањето на главниот аеродром во Сенегал во вторникот. Во несреќата беа повредени 11 лица.
Аеродромот „Блез Дијањ“ издаде соопштение дека причината за несреќата, која се случила околу 3 часот по полноќ, додека „боингот 737-300“ на „Трансаир“, изнајмен од „Ер Сенегал“, требаше да полета за Мали, е под истрага. Снимките на социјалните мрежи покажуваат авион со логото на сенегалската авиокомпанија „Трансаир“ во тревата со крилото покриено со противпожарна пена.
Во соопштението на аеродромот се наведува дека се активирани протоколи за итна евакуација на патниците.
„Аеродромот засега е затворен. Се очекува повторно да биде отворен во следните неколку часа“, се додава.
Свет
Путин ја повлекува војската од разни ерменски региони
Рускиот претседател Владимир Путин се согласи да ги повлече руските воени сили и граничарите од разни делови на Ерменија на барање на Ереван, изјави портпаролот на Путин за руската новинска агенција „Интерфакс“.
Соопштението следува по заминувањето на речиси 2.000 руски мировници од регионот Нагорно-Карабах и околните области. Азербејџан насилно го врати тој регион во септември минатата година.
Нивното заминување стави крај на повеќегодишното распоредување, кое ѝ овозможи на Москва да има воено упориште во стратешки важниот регион Јужен Кавказ.
Ерменија исто така побара од руските граничари да ги напуштат своите позиции на главниот аеродром во Ереван од 1 август.
Портпаролот на Кремљ, Дмитриј Песков, изјави дека Путин и ерменскиот премиер Никол Пашинјан на состанокот во средата во Москва постигнале договор за нови заминувања од споменатите области.
„Есента 2020 година, на барање на ерменската страна, нашите граничари и членовите на нашите воени сили беа распоредени во многубројни ерменски региони“, изјави Песков.
Свет
Свечен прием за кинескиот претседател Шји Џјинпинг во Будимпешта
Претседателот на Кина, Шји Џјинпинг, и неговата сопруга Пенг Лијан беа свечено пречекани со воени почести во замокот „Буда“, Унгарија.
Претседателот на Унгарија, Тамаш Суљок, премиерот Виктор Орбан и нивните сопруги ги поздравија Шји и неговата сопруга во пресрет на воената церемонија на вториот ден од нивната официјална посета на Унгарија, јави МТИ.
Шји и Суљок потоа ги следеа свечената парада на церемонијалниот баталјон на унгарските вооружени сили, Националната церемонијална коњаничка единица и полкот на грофот Ференц Надашди Хусар.