Свет
Убиена најмладата еквадорска градоначалничка
Најмладата градоначалничка во Еквадор, Брижит Гарсија (27), и вработена во градот била пронајдена убиена во автомобил вчера рано наутро, соопшти еквадорската полиција. Властите на таа јужноамериканска земја ја обвинуваат трговијата со дрога за бранот насилства во земјата, пишува „Ројтерс“.
Националната полиција соопшти дека ја истражува смртта на 27-годишната градоначалничка на Сан Висенте и Жаир Лоор, нејзиниот директор за комуникации, откако нивните тела биле откриени во провинцијата Манаби. Двајцата биле застрелани, соопшти полицијата.
Подоцна вчера, полицијата соопшти дека пукањето дошло од изнајмен автомобил и дека го следеле ГПС-системот на возилото. Гарсија беше во партијата Движење на граѓанската револуција на поранешниот претседател Рафаел Кореа.
Кореа и Луиза Гонзалес, претседателски кандидат на партијата на неодамнешните избори, убиството на Гарсија го нарекоа атентат. „Само што дознав дека ја убиле нашата колешка, градоначалничката на Сан Висенте, Брижит Гарсија“, објави Гонзалес на „Икс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Украинците погодија руски тенк со проектил од далечина од над 1,5 километри
По неколку месеци застој од страна на проруските републиканци, американскиот Конгрес конечно одобри 61 милијарда долари помош за Украина на 23 април. Претседателот Џо Бајден го потпиша новиот закон следниот ден, а само неколку часа подоцна Пентагон објави пакет со многу потребна муниција и возила во вредност од над милијарда долари за Украинците.
Пакетот содржел и непознат број борбени возила на пешадија М-2 Бредли. Единствената украинска единица што ги користи е 47-та механизирана бригада, која се бореше во очајни одбранбени операции против многу поголеми руски сили западно од урнатините на Авдиивка во источна Украина, пишува Форбс. Со свежа муниција и нови возила, бригадата ја забави руската офанзива, а една драматична битка, фатена од воздух од украинско беспилотно летало, покажува како.
Bradley—the tank destroyer.
A Bradley IFV destroyed a russian T-80 tank using a TOW anti-tank missile.
📹: 47th Mechanized Brigade pic.twitter.com/Wcg2Rw4OxD
— Defense of Ukraine (@DefenceU) May 8, 2024
Во средата вечерта, стрелецот на возилото М-2 забележал руски тенк Т-80 на растојание од еден и пол километар, источно од селото Новопокровске. Војниците од М-2 истрелаа само еден противтенковски проектил TOW. „Бредли, уништувачот на тенкови“, се пофали украинското Министерство за одбрана.
Тоа беше еден од најдалечните директни случаи на уништување тенкови во целата војна, но ова веројатно не е изненадување за љубителите на легендарниот Бредли, главното возило на американската армија од 80-тите години на минатиот век.
„Бредли не е тенк, но може да биде убиец на тенкови“, објасни Марк Хертлинг, пензиониран генерал на американската армија.
Бредли тежок 33 тони може да собере 10 војници и можеби е најдоброто борбено возило во целата војна во Украина. Неговата примарна мисија е да ги транспортира војниците во борба, а потоа тие самите се приклучуваат, таргетирајќи ги руските војници и возила со прецизна артилерија од топовите 25 мм.
Свет
(Видео) Патниците панично врескаат додека бегаат од авион кој се запали при полетување во Сенегал
Боинг 737-800 со 78 патници и членови на екипажот се лизна од пистата и се запали на аеродромот во Сенегал. На социјалните мрежи се појави застрашувачко видео на кое се гледа како патниците панично бегаат од авионот и врескаат од страв додека авионот гори.
Несреќата се случила при полетување, кога авионот се излизгал од пистата и завршил во шума.
Авионот се запалил по инцидентот и претрпел сериозна штета.
Европа
Голем протест во Шведска, не го сакаат Израел на Евровизија, меѓу демонстрантите и Грета Тунберг
Вечерва претставникот на Израел настапува на Изборот за песна на Евровизија што се одржа во арената Малмe во Шведска, што предизвика повеќе протести кои се одржаа денеска во Малме.
„Ќе имаме многу видлива полиција на терен“, изјави портпаролот на полицијата Филип Анас. „Им беше дадена дозвола бидејќи оценуваме дека може безбедно да се спроведат. Доколку има некакво нарушување, ќе се справиме со тоа“, додаде тој.
Во 16 часот започна протестот против учеството на Израел на Евровизија, а организаторите очекуваа до 25.000 луѓе. Од полицијата велат дека се собрале меѓу 6.000 и 8.000 луѓе.
Локалните медиуми јавуваат дека на улиците излегле граѓани од сите генерации, вклучувајќи родители и деца. Демонстрантите удираа во тапани и извикуваа палестински пароли. Некој закачи палестинско знаме на покривот на улична кујна.
„Не го слушате ли детскиот плач? Не ја гледате крвта на децата? Сите деца се еднакви“, извикуваа демонстрантите.
На протестот е и шведската активистка Грета Тунберг.
Во 18:00 часот на друга локација во градот ќе се одржи музичка демонстрација за поддршка на учеството на Израел на Евровизија.
Третиот настан ќе се одржи вечерва во Хили, каде се наоѓа арената Малме. Тоа е уште еден протест против учеството на Израел во музичкиот натпревар.