Свет
Бунт во затворите во Еквадор: затвореници држат како заложници 57 чувари и полицајци
Затворениците од шест казнено-поправни установи во Еквадор држат како заложници 57 чувари и полицајци како одмазда за операцијата на државните вооружени сили во затворите, објави вчера еквадорската затворска агенција (СНАИ) за последното поглавје од насилството во затворите во оваа јужноамериканска земја.
Среде еднодневното насилство предизвикано од две бомби со автомобили во Кито, СНАИ соопшти дека седум полицајци и 50 затворски чувари биле „приведени во шест притворски центри“, без да даде дополнителни детали. Министерот за внатрешни работи Хуан Запата претходно изјави дека сите чувари биле земени како заложници во затворот Куенка (на југозапад), каде што затворениците протестираат од средата против полицискиот притисок во затворот.
Земањето заложници „би било одговор на криминалните групи на полициските интервенции во казнените центри во земјата, чија цел е откривање на забранети предмети што се користат за време на насилство“, прецизира СНАИ.
Во средата, стотици војници и полицајци извршија операција за пребарување на оружје, муниција и експлозиви во затворот во Латакунга (југ), еден од најголемите во земјата и место на чести смртоносни судири меѓу затворениците. Според СНАИ, „се преземаат голем број акции за воспоставување ред во затворскиот систем“ со помош на армијата и полицијата.
Еквадор е зафатен од затворски немири од 2021 година, кои резултираа со смрт на 430 затвореници. Владата ги припишува на конфликтите меѓу нарко-бандите кои водат војна за власт во казнено-поправните установи во земјата и ги користат како бази за нивните операции. Претседателот Гиљермо Ласо се бори со зголеменото насилство во земјата што се користи како транзитна точка за кокаинот кој се упати кон Европа и САД.
Соочен со бранови на тековно затворско насилство во кое се вклучени банди поврзани со мексикански или колумбиски картели, претседателот Ласо прогласи вонредна состојба во целиот систем на 24 јули за 60 дена. Станува збор за мерка која овозможува специјално испраќање на војската во затворите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин со предупредување: Земјите од НАТО, кои зборуваат за напади на руска територија треба да бидат свесни со што си играат
Претставниците на земјите од НАТО мора да бидат свесни со што си играат кога зборуваат за предлозите на Западот да му се дозволи на Киев да нападне руска територија, изјави рускиот претседател Владимир Путин.
„Претставниците на земјите од НАТО, особено во Европа, особено малите земји, треба да бидат свесни со што си играат. Треба да запомнат дека, по правило, тоа се земји со мала територија и многу густо население. И ова е фактор што треба да го имаат на ум пред да кажат што било за извршување напад длабоко на руска територија“, рече Путин за време на своето обраќање пред новинарите по посетата на Узбекистан.
Тој предупреди и дека полската армија, во случај да влезе во Украина, нема да излезе од таму.
„Полските власти изјавуваат дека се подготвени да испратат свои војници. Следиме што велат, има многу платеници од Полска. Ако некои европски контингенти влезат во Украина заедно со Полјаците, други ќе заминат, а Полјаците никогаш. Тоа е очигледна работа за мене. Можеби грешам, но тешко е“, рече Путин.
Тој додаде дека Русија знае дека во Украина има западни платеници.
„Што се однесува до тоа дека во Украина може или нема платеници, тоа добро го знаеме, нема ништо ново во тоа“, рече Путин, коментирајќи го документот потпишан од врховниот командант на вооружените сили на Украина Александар Сирски, со што се легализира посетата на француски инструктори на центрите за обука на вооружените сили на Украина.
Според него, западните платеници трпат загуби во Украина, а на Западот му станува се потешко да го сокрие тоа.
„Поставивте прашање за прецизно оружје со долг дострел. И кој ги контролира овие оружја? На кого му служи? Се разбира, истите инструктори маскирани во платеници. Тоа е се. Тие постојат и трпат загуби. Можеби ваквата изјава е последица на тоа што им станува сè потешко да ги сокријат овие загуби“, оцени рускиот лидер, коментирајќи ја изјавата на генералниот секретар на НАТО, Јенс Столтенберг.
Тој додаде дека Москва внимателно ја следи ситуацијата и некои изјави по најавата на генералниот секретар на НАТО, Јенс Столтенберг за напади длабоко на нејзина територија и посочи дека руската армија во близина на Харков тргнала да создаде безбедносна зона, на што предупреди Киев.
Според неговите зборови, Столтенберг не може а да не разбере како се подготвуваат напади со оружје од долг дострел.
„Доколку тој (Столтенберг) зборува за можноста за напад на руска територија со прецизно оружје со долг дострел, тој како човек кој води воено-политичка организација, иако е цивил, како мене, сепак треба да знае високо- прецизно оружје со долг дострел, тоа не може да се користи без вселенски средства за извидување“, објасни Путин.
Тој додаде дека настаните во правецот со Харков се испровоцирани од акциите на Западот и посочи дека главните настани на тоа подрачје моментално се во рамките на специјална воена операција.
Според него, во случај украинската армија да употреби оружје со долг дострел за напади на руска територија, Русија повторно ќе мора да донесе одлука за санитарната зона.
„И ние преминавме на тоа“, рече Путин.
Претседателот на Русија потсети и дека никој на Запад не зборува за гранатирањето на Белгород.
„Погледнете ги сите извештаи на вашите западни колеги, никој не зборува за гранатирањето на Белгород и другите соседни територии, сите зборуваат само за тоа дека Русија отвори нов фронт и го напаѓа Харков. Ниту еден збор. Од што е предизвикано? Тоа го направија со свои раце, а потоа ги „жнеат плодовите“ на својата креативност“, рече Путин.
Зборувајќи за стратешкото оружје, Путин изјави и дека Соединетите Американски Држави сакале да преговараат со Русија на полето на стратешкото оружје, но засега нема големи желби.
„Ми се чини дека сакаа да преговараат во областа на стратешкото оружје, но не гледаме голема желба за тоа. Се зборува за тоа, но не гледаме некоја голема желба. Ќе видиме што ќе се случи понатаму“, објасни Путин.
Регион
(Видео) Протести во Тирана: експлозии пред влезот на собранието; молотови коктели врз полицајци
Граѓаните повторно се собраа пред собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.
Тензиите се зголемија по говорите на претставници и активисти на опозицијата.
The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB
— Isa Myzyraj (@IsamyzyrajAlb) May 28, 2024
Овој протест, според написите, започна со факели и молотови коктели.
Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.
Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.
Свет
(Видео) Чад и пламен од моторот на авионот кој требало да лета на релација Чикаго – Сиетл : патниците снимиле се, летот откажан
Екипажот на „Airbus A320 на United Airlines“ (UA) мораше да се откаже од полетувањето откако регистрираше пожар во еден од моторите на авионот.
„Airbus A320 N459UA на United Airlines“ требаше да го изврши летот на релација Чикаго (ORD) – Сиетл (SEA) во понеделникот на 27 мај. При приближувањето до пистата на аеродромот О’Хара, патниците и екипажот забележале црн чад околу левиот мотор.
🚨BREAKING: United Airlines flight aborts takeoff after an engine catches fire at Chicago O'Hare International Airport.
pic.twitter.com/h1s2o8JDMu— The Worldview Monitor (@WorldviewFeed) May 28, 2024
Пилотите го откажаа полетувањето и го свртеа авионот назад кон терминалот.
На видеата и фотографиите објавени на социјалните мрежи се гледаат голем број возила на итната помош околу самиот авион.
Сите 148 патници и петте членови на екипажот се неповредени, пренесе „Аеро тајм“.
Авиокомпанијата објави дека сите патници се префрлени на алтернативни летови до Сиетл и дека нема поголеми нарушувања во воздушниот сообраќај.
Пламенот и чадот од моторот наводно биле пријавени околу 14 часот. Федералната управа за авијација (FAA) накратко ги забрани сите слетувања на аеродромот во Чикаго, а сообраќајот е повторно воспоставен во 14:45 часот по локално време.