Спорт
Ова нема да им се допадне на голманите – ФИФА најави промена на едно правило
ФИФА се откажа од синиот картон, но ИФАБ (надлежен за правилата на играта) најави измена на постојното правило, односно казната, која судиите никогаш не ја применуваат. Имено, кога голманот ја држи топката подолго од шест секунди, поради задржување на времето, судијата мора да досуди индиректен удар за противничката екипа во шеснаесетникот.
Тестирањето на ова старо-ново правило ќе започне следната сезона и голманите ќе можат да ја држат топката подолго од претходно, односно осум секунди. Но, кога ќе завршат трите секунди, судијата ќе ја крене раката и ќе почне да одбројува до пет.
Голманот, доколку не се ослободи од топката на крајот од одбројувањето, ќе биде казнет во вид на корне. Правилото прво ќе важи во пониските лиги.
Ијан Максвел, извршен директор на Шкотската фудбалска асоцијација и член на одборот на директори на ИФАБ, ги објасни причините за воведувањето на ова правило:
„Забележавме зголемен тренд на губење време за време на натпреварите, а тоа најчесто се случува кога топката е во рацете на голманот. Тешка ситуација што судиите ја решаваат според сегашните правила, затоа и го зголемуваме времето на осум секунди. Судијата ќе крене рака за да ги сигнализира последните пет секунди, за да бидат свесни играчите и гледачите. Ќе го оцениме ефектот и се надеваме дека ќе го зголемиме бројот на одиграни минути.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Перу го победи Уругвај
Фудбалерите на Перу го победија Уругвај на домашен терен со 1:0, во последниот натпревар од деветтото коло во јужноамериканските квалификации за Светското првенство.
Голот за огромни три бода. го постигна стоперот Мигел Араухо во 88. минута, играч на американски Портланд.
Со оваа победа Перу ги задржа шансите за пласман во Мундијалот во 2026 година.
Перу е претпоследен со шест бода, Уругвај трет со 15. Аргентина е лидер со 19 бодови, Колумбија има 16, Бразил е четврти со 13, Еквадор е петти со 12, исто толку колку и шестопласираната Боливија, а Венецуела е седма со 11.
Над Перу е Парагвај со 10 бодови, а зад „фенерџијата“ Чиле со пет бодови.
Најдобрите шест селекции од Јужна Америка директно ќе се пласираат на СП по 18 одиграни кола, додека седмопласираната ќе оди во интерконтиненталниот плеј-оф.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.