Спорт
(Видео) Солзите на Винисиус биле според сценариото на Нетфликс – Легендарниот Чилаверт му порача дека фудбалот е за мажи
Бразилскиот репрезентативец Винисиус Жуниор се најде во центарот на вниманието откако вчера заплака на прес-конференција. Ден подоцна медиумите открија дека солзите на прес конференцијата биле дел од сценариото за документарниот филм што се снима за Нетфликс.
Еден од новинарите му постави прашање на Бразиелцот за расизмот на фудбалските терени, по што почна тој почна да плаче. Факт е дека играчот на Реал често е мета на расистички навреди од противничките навивачи.
„Жал ми е. Само сакам да играм фудбал, да правам се за мојот клуб и моето семејство, не сакам да гледам како црнците страдаат“, изјави Винисиус.
Сепак, шпанските медиуми објавија дека Винисиус наводно направил се по сценарио бидејќи Нетфликс ја снимаше вчерашната прес-конференција за потребите на документарениот филм за расизмот во спортот.
Vinicius se emocionó al responder una pregunta sobre el racismo. "Solo quiero jugar al fútbol y nunca ver sufrir a las personas negras".pic.twitter.com/oOjEBf9h6n
— VarskySports (@VarskySports) March 25, 2024
Поради се, се огласи поранешниот парагвајски голман Хозе Луис Чилаверт.
Легендарниот голман му порача на Винисиус дека такви работи не треба да се прават и дека е очигледно дека се е испланирано и дека неговите емоции не биле искрени.
„Леб и игри… Тој е првиот што ги напаѓа и навредува ривалите. Немој да си пе..р. Фудбалот е за мажи“, рече Чилаверт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го казни судијата кој Баерн го чинеше испаѓање од ЛШ
Полскиот судија Шимон Марчинијак, кој во реваншот од полуфиналето на Лигата на шампионите го оштети Баерн во судиското продолжение против Реал Мадрид, требаше да биде еден од клучните судии на УЕФА на претстојното Европско првенство, но поради оваа грешка го загуби тој статус, пишува „Дејли Мирор“.
Марчинијак, длабоко во судиското надополнување, ја прекина акцијата од која Де Лигт погоди за израмнување, со што натпреварот ќе влезеше во продолженија, иако протоколот предвидува дека линискиот судија треба да пушти акцијата да заврши, а потоа, доколку биде постигнат гол, ВАР собата да пресуди дали имало офсајд.
Судијата овде не го направи тоа и затоа играчите на Баерн и тренерот Томас Тухел целосно ги загубија нервите, а УЕФА е незадоволна и од одлуката на Марчинијак и неговиот помошник Томаш Лискиевич и им подготвува санкции.
Марчинијак судеше неколку големи натпревари, меѓу кои и финалето на Светското првенство во Катар, а тој требаше да го суди и воведниот натпревар на ЕП меѓу домаќинот Германија и Шкотска.
Според „Дејли Мирор“, УЕФА ќе му ја одземе таа чест.
Нејасно е дали казната ќе трае во текот на целото Европско првенство или Марчинијак ќе добие шанса во подоцнежна фаза од натпреварувањето.
Спорт
Селтик го доби „Олд Фирм“, бод го дели од шампионската титула
Селтик славеше на домашен терен во последниот „Олд Фирм“ оваа сезона и на тој начин речиси ја обезбеди титулата во Премиер лигата на Шкотска. Во вечното дерби, Селтик го победи најголемиот ривал Ренџерс со 2:1.
Селтик на две кола до крајот на сезоната еден бод го дели од шампионската титула.
Ренџерс долго време беа лидери во шкотската Премиер лига, но слабите резултати на последните три натпревари пред почетокот на плеј-офот ги спуштија на втората позиција.
Домашните поведоа во 35. минута преку О`Рајли, кој погоди по додавањето на Мек Грегор, а само три минути подоцна Селтик ја удвои предноста со автоголот на Лундстрам. Ренџер намалија на 2.1 во 40. минута преку Дезирс.
Лундстрам во втората минута од судиското надополнување на времето направи уште една глупост, доби црвен картон, поради што Ренџерс второто полувреме го одигра со фудбалер помалку.
Селтик веројатно можеше да реши се во 55. минута, но О`Рајли не искористи пенал.
Спорт
Спринтот во Ле Ман за Мартин, Бањаја без пласман, Маркез втор
Возачот на Прамак Дукати, Хорхе Мартин, славеше втора година по ред на спринт трката за Големата награда на Франција, петта трка сезонава во Мото ГП шампионатот.
Шпанецот беше доминантен во Ле Ман, а во спринтот само продолжи во истиот ритам во кој е практично од почетокот на тркачкиот викенд.
Мартин го забележа третиот триумф сезонава во спринт трките. Во целта влезе со предност од две секунд пред Марк Маркез, кој по лошите квалификации и одличниот старт стигна до втората позиција. На третото скалило на подиумот беше Маверик Вињалес на Априлија, и двајцата имаа корист од излетувањето на возачот на ВР46 тимот, Марко Бецеки.
Актуелниот шампион Франческо Бањаја се повлече во третиот круг поради дефект, кој следеше по лошиот старт, кога падна на 15-та позиција.
Зад најдобрите тројца се пласираа: Енеа Бастианини на Дукати, Алеиш Еспаргаро (Априлија), Педро Акоста од ГасГас, седми беше вториот возач на тимот VВР46, Фабио ди Џанантонио, пред Џек Милер од КТМ Рејсинг, додека последниот поен му припадна на Раул Фернандез ги брани боите на Трекхаус. Миленикот на домашната публика Фабио Квартаро беше 10-ти, како прв надвор од поени.
По ваквиот исход, Мартин има 28 бода предност пред Енеа Бастианини во генералниот поредок, додека Бањаја има бор помалку од тимскиот колега.