Спорт
(Видео) Украина преку Исланд обезбеди место на ЕП

Репрезентацијата на Украина избори пласман на ЕУРО 2024 откако го победи Исланд со 2:1. На ЕП, Укаина ќе игра во групата Е, со селекциите на Белгија, Словачка и Романија.
Украина слично како и во полуфиналето против Босна и Херцеговина, успеа да победи со пресврт.
Исланд водеше со 1:0 по првото полувреме. Во 30.минута стрелец беше играчот на Џенова, Гудмунсон. Тоа беше негов четврти гол во овие два плејоф натпревари, по хет-трикот против Израел во полуфиналето.
Украинците можеа да израмнат во 37. минута кога Георги Судаков влезе во шеснаесетникот и шутираше дијагонално од десната страна во поблискиот агол, но голманот Валдимарсон успеа да ја избие топката во корнер.
Само две минути подоцна мрежата на Јаремчук погоди по центаршут од десната страна, но по ВАР проверка голот беше поништен поради офсајд.
Украина изедначи во 54.минута со голот на Циганков.
Следуваше помирен период од натпреварот, кога Украинците ја имаа иницијативата, но без сериозни шанси за гол. На другата страна, Исланѓаните опасно се заканија преку Торстеинсон во 77. минута. Од левата страна одлично шутираше во горниот лев агол, но голманот Лунин одлично одбрани.
Неполни две минути подоцна нова голема опасност пред голот на Украина, но ударот на Гудмундсон заврши покрај десната статива.
Казната за нереализираните шанси Исланѓаните ги стигна во 84. минута, кога Мудрик од работ на шеснаесетникот го погоди десниот долниот десен агол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Прв пораз за ПСЖ во Лига 1 – Ница освои три бода во Париз

Старо-новите шампиони на Франција, фудбалерите на ПСЖ, во 31.коло го доживеаја првиот пораз оваа сезона во Лига 1. „Светците“ во минатото коло ја одбранија титулата, па овој пораз на домашен терен и не е изненадување.
Тимот од Азурниот Брег направи изненадување во 31. коло, победи во Париз со 3:1.
Тренерот на ПСЖ Луис Енрике на „Паркот на принцовите“ го изведе најсилниот состав.
Морган Сансон ја доведе Ница во водство во 34. минута, а пред паузата домашните одговорија преку Фабијан Руиз.
Сансон повторно постигна гол веднаш на почетокот од второто полувреме, во 46. минута, а Јусуф Ндаџишимије најави големо изненадување во 70. минута.
ПСЖ нападна на крајот, но Марчин Булка се истакна, завршувајќи го натпреварот со двоцифрен број интервенции.
Парижаните се први со 78 бода, додека Ница ги задржува шансите за пласман во Лигата на шампионите и моментално е четврта со 54 бода.
Спорт
Олимпијакос го одбрани домашниот терен од Реал

Кошаркарите на Олимпијакос ја остварија втората победа во четвртфиналната серија од Евролигата против Реал Мадрид. Тимот од Пиреја победи со 77:71 (15:25, 23:13, 19:16, 20:17), па на Реал ќе му треба чудо за да се пласира на завршниот турнир.
Реал, за разлика од првиот меч, имаше шанси да направи брејк. Играчите на чус Матео водеа со 13 поени разлика во првиот период, кој го добија со 25.15. Олимпијакос се врати во натпреварот во втората четвртина, на полувреме резултатото беше 38:38.
Реал подобро влезе во третата четвртина, стекна предност од седум поени и тука застана. Олимпијакос од финишот на третата и првите четири минути во последната четвртина со серија 19:2, од -7 дојде до +10.
И повторно Реал успеа да фати приклучот, зонската одбрана им направи проблеми на домашните кошаркари, а реал предводен од Марио Хезоња се доближи на 67:64 на две минути до крајот.
Овој налет го одбија Алекс Питерс и Најџел Вилијамс-Гос со две тројки. Олимпијакос стекна предност од девет поени и тука беше крајот заРеал.
Стандардно, најефикасен кај Олимпијакос беше Саша Везенков со 22 поени, Еван Фурние одигра одлично и постигна 17 поени (9/10 од линијата за слободни фрлања). Единствен расположен кај Реал беше Хезоња со 22 поени и осум скока.
Следниот натпревар на програмата е во среда во Мадрид.
Спорт
Монако ја победи Барселона, победа го дели од настап на завршниот турнир

Кошаркарите на Монако поведоа со 2:0 во плејоф серијата против Барселона. Во вториот натпревар, кошаркарите на Монако победија со 92:79.
Ова беше уште еден дуел меѓу овие два тима, кој Монако го доби во своја корист и сега се само на една победа од пласман во новиот фајналфор од Евролигата.
Ова беше натпревар на Мамаду Жаите, кој го одигра можеби својот најдобар натпревар во Евролигата. Без промашување постигна 20 поени. Алфа Диало имаше еден поен повеќе, додека Џордан Лојд постигна 13 поени. Стразел постигна двоцифрен број поени со 12, додека Ели Окобо го заврши натпреварот со 11 поени и осум асистенции.
Мајк Џејмс не беше на негово ниво, постигна само пет поени.
Кај Барселона, Џабари Паркер имаше 16 поени и девет скока, додека Кевин Пантер постигна четири тројки и вкупно 14 поени.
И навистина, овој исход и овој резултат во серијата по два натпревари е неверојатен, бидејќи Барселона победи во двата натпревари во лигашкиот дел од Евролигата.
Во среда во Блауграна, Барселона ќе биде домаќин во третиот натпревар. .