Спорт
ФК Сараево остана без три бода, двајца функционери добија привремена суспензија
Фудбалскиот сојуз на Босна и Херцеговина (ФС БиХ) во средата му изрече казна на фудбалскиот клуб Сараево поради прекин на реваншот од четвртфиналниот натпревар од Купот на БиХ против Борац од Бања Лука.
Фудбалерите на Сараево, во реваншот, го напуштија теренот на почетокот на судиското надополнување, кога Борац водеше со 1:2.
Натпреварот не продолжи и беше регистриран со службен резултат во корист на Борац.
Очекувано, казната за Сараево, која не е прва сезонава, е исклучително строга, особено откако ден по натпреварот кубот го обвини ФС БиХ за криминални активности и местење натпревари.
Дисциплинската комисија на ФС БиХ го казни Сараево со одземање на три бода во Премиер лигата на БиХ.
Покрај тоа, претседателот на клубот Исмир Мирвиќ е суспендиран од фудбалот на една година, спортскиот директор на Сараево Сенијад Ибричиќ е суспендиран на шест месеци, додека тренерот Симон Рожман е осуден на условна казна.
Дополнително, Сараево ќе мора да плати 22.000 конвертибилни марки (околу 11.000 евра) поради употреба на пиротехнички средства и лоша организација на натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Анчелоти: Се жалат за офсајдот? Ние се жалиме за поништениот гол на Начо
Тренерот на Реал Мадрид, Карло Анчалоти им одгови на ривалите од Баерн, кои имаат поплаки на судењето. Во 13.минута од судискоот надополнување, Де Лихт постигна гол за 2.2, но неколку секунди претходно помошникот на судијата Марчињак го крена знаменцето, поради што главниот судија ја прекина играта.
Баварците се лути, сметаат дека според правилата судијата требало да пушти акцијата да заврши па потоа да бара помош од ВАР собата. Од таборот на Баерн тврдат дека по мечот добиле извинување од помошникот на Марчињак.
„Полемиката околу офсајдот лесно може да се објасни. Можеби не беше офсајд, но се слушна свирчето на судијата и ние застанавме. Тоа е тоа“, изјави тренерот на Мадрид и дополни:
„Во Баерн се жалат на офсајдот? Добро, тогаш се жалиме за поништениот гол на Начо. Мислиме дека Кимих глумеше“, изјави Анчелоти.
Спорт
(Видео) Милер: Ова ми се случи во 2017 година кога Роналдо ни даде два гола од офсајд
Баерн испадна од Реал во полуфиналето, но прашање една ситуација долго ќе се прераскажува и ќе биде тема на расправи во фудбалските кругови. Во 13.минута од судиското надополнување на времето, Де Лихт постигна гол за 2:2, кој беше поништен бидејќи неколку секунди претходно се слушна свирчето на судијата Марчињак.
Суитуацијата во која беше Де Лихт е дискутабилна, гранична, но во моментот кога топката беше упатена помошникот на Марчињак го крена знаменцето, сигнализираше офсајд.
Залудни потоа беа протестите на фудбалерите на Баерн, Марчињак не можеше да се консултира со ВАР собата бидејќи играта беше прекината пред да биде постигнат голот.
„Не сакам да кажам дека Реал Мадрид секогаш ги има судиите на своја страна, но тоа ја направи разликата денес“, рече Де Лихт и додаде:
„Мислам дека сите ги знаеме правилата. Доколку ситуацијата не е јасна, не смеете да ја прекинувате акцијата! Тоа е правилото! Сметам дека тоа е малку срамно. И голот на Хоселу беше на работ на офсајд и им беше дозволено да ја продолжат акцијата, зошто тогаш не ни дозволија да ја продолжиме акцијата?“, гласно прашува холандскиот фудбалер.
„Тоа беше луда судиска одлука. Не знам што му помина низ главата“, изјави Томас Милер.
„За жал, ова се случува многу често во Мадрид. Тоа веќе ми се случи во 2017 година кога Кристијано Роналдо постигна два гола од офсајд, но тогаш немаше ВАР“, дополни легендарниот играч на Баерн.
Од Баерн тврдат дека помошникот на Марчињак, Томаш Лискиевиќ им се извинил по натпреварот за направената грешка.
„Тој свирна, што значи дека ВАР не можеше да интервенира бидејќи тоа се случи пред голот. Судијата рече дека е негова вина. Не паѓаме на такви глупости. Сите видовме германското финале. Сите освен полските судии. Тој ја призна грешката и се извини, но што да правиме со неговото извинување?”, рече спортискиот директор на Баерн, маркс Еберл.
„Што мислам за „Сантијаго Бернабеу“? Да речеме дека има голем ефект врз судиите“, изјави по натпреварот тренерот на Баерн Томас Тухел и додаде:
„На крајот дури и постигнавме гол за продолженија, но не уништи катастрофална одлука на линискиот и главниот судија. На крајот се чувствувам изневерен. По натпреварот помошниот судија ни кажа дека му е жал поради одлуката што ја донел, но тоа не ни помага многу во овој момент.“
Спорт
(Видео) Брансон посилен од повредата – Њујорк има 2:0 против Индијана
Њујорк Никс го одбранија домашниот терен, славеа против Индијана Пејсерс со 130:121 и во полофиналната серија поведоа со 2:0. Брилијантната трета четвртина, која Никс ја добија со 36:18 им го трасираше патот до победата.
Џејлен Брансон, ја прекина низата од четири натпревари со 40+ поени, но повторно го предводеше тимот до победата. Мечот го заврши со 29 поени, 24 постигна во второто полувреме откако поради поврда на ногата не играше во вториот период.
Пред точно 54 години, Вилис Рид исто така со повреда излезе на теренот и ги предводеше Никс до првата титула во историјата, а сега Брансон ја пропушти целата втора четвртина додека Пејсерс изградија двоцифрена предност.
„МВП, МВП“, скандираа навивачите во „Медисон Сквер Гарден“.
„Тој е воин“, рече соиграчот Донте ДиВинченцо, „Не се сомневав дека ќе се врати. Што и да му се случи, тој се враќа“.
Оу-Џи Ануноби постигна 28 поени (плеј-оф рекорд), ист број на поени уфрли ДиВинченцо, Џош Харт имаше 19 поени, 15 скока и седум, Ајзеа Хартенштајн додаде 14 поени (5-7 од поле), 12 скока и осум асистенции.
Пејсерси го завршија натпреварот без тренерот Рик Карлајл, кој доби втора техничка грешка во финишот.
За Пејсерси одличен меч одигра Тајрис Халибартон, запиша 34 поени, шест скока и девет асистенции. Оби Топин додаде 20 поени (7-10 од поле), Ти- Џеј Меконел имаше 10 поени и 12 асистенции, а потфрли Мајлс Тарнер со само шест (3-11 од поле).
Индијана ќе биде домаќин на натпреварот број 3 во сабота од 1 часот .