Спорт
Суперкомпјутерот „знае“ кој ќе ја освои Премиер лигата
Манчестер сити и Арсенал вчера одиграа 0:0 во дербито од 30. коло на Премиер лигата. Неколку часа претходно Ливерпул го победи Брајтон со 2:1 и се издвои на челната позиција со два бода повеќе од Арсенал и три од актуелните шампиони Манчестер сити.
Поради бодовната предност, но и распоредот до крајот на сезоната, Ливерпул има најголеми шанси прв да ја мине целта.
Така мисли суперкомпјутерот „Опта Статс“, компанија специјализирана за проекции и статистичка обработка на најсилните европски лиги. По вчерашните натпревари, 10.000 пати бил симулиран финишот на сезоната во Премиер лигата и првпат оваа сезона фаворит за титулата не е Манчестер сити.
Симулациите покажале дека во дури 47,7 отсто од случаите титулата ја освојува Ливерпул, што е за 12,4 отсто повеќе отколку пред 30. коло. Шансите на Манчестер сити изнесуваат 33,5 отсто, што е помалку од 12,4 отсто, додека Арсенал и понатаму има 18,8 отсто шанси да ја освои титулата.
Да потсетиме, Сити освои пет од последните шест титули, а во 2020 година шампион беше Ливерпул на кој му беше прва титула по 30 години. Арсенал последен пат беше шампион пред 20 години.
🚨NEW FAVOURITE FOR THE PREMIER LEAGUE TITLE ALERT🚨
That's right. For the first time this season, the Opta supercomputer doesn't think Man City are the favourites to win the league.
Liverpool are now in the driving seat ⬇️https://t.co/n7fyu3g9Ht pic.twitter.com/thtEATt1V8
— Opta Analyst (@OptaAnalyst) March 31, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.
Спорт
(Видео) Германија победи во Зеница, Холандија освои бод во Будимпешта
Германија и Холандија се издвоија на првите две места на табелата и тие ќе ја водат битката за првото место во Групата 3, во А-дивизијата во Лигата на нации. Вечерва Германците победија во Зеница, а Холандија извлече реми во Будимпешта.
Германија ја победи Босна и Херцеговина со 2:1. Двата гола во првото полувреме за Германија ги постигна напаѓачот на Штутгарт Ундав. Покрај овие два, Германците постигнаа уште три гола кои ги поништо ВАР собата.
Голот за БиХ е дело на Един Џеко во 72.минута.
Унгарија не успеа да ја победи Холандија и покрај тоа што во финишот на натпреваро го одигра со играч повеќе.
Салаи во 32.минута погоди за унгарско водство. Холанѓаните во 79.минута останаа без Ван Дајк, кој беше исклучен поради два жолти картони. Четири минути подцна Дамфрис ги постави конечните 1:1
Германија ја предводи групата со седум бода, Холандија има пет, Унгарија 2, а БиХ еден бод.