Унгарскиот премиер Виктор Орбан застана во одбрана на поранешниот американски претседател Доналд Трамп откако стана првиот претседател на САД осуден за кривично дело.

„Знам дека претседателот Доналд Трамп е чесен човек. Како претседател, тој секогаш ја ставаше Америка на прво место, имаше почит низ целиот свет и тој го користеше тој почит за да изгради мир“, напиша Орбан на X. „Народот нека ја донесе својата пресуда овој ноември!“, напиша Орбан.

Поротата во Њујорк го прогласи Трамп за виновен по сите 34 точки од обвинението за плаќање на порно ѕвезда да молчи. Тоа е прв пат во историјата на САД актуелен или поранешен претседател на САД да биде прогласен за кривично виновен.

Орбан беше единствениот шеф на влада на земја од ЕУ што отворено го поддржа Трамп уште пред да биде избран за претседател во 2016 година.

Во посетата што ги изненади и САД и ЕУ, Орбан отпатува во луксузно одморалиште во Флорида во март за да се сретне со Трамп.

Доналд Трамп рече дека ќе поднесе жалба на пресудата.

Говорејќи во фоајето на Трамп Тауер во Менхетен, каде што првпат ја објави својата претседателска кандидатура во 2015 година, Трамп ги повтори своите поплаки дека судењето е обид да се спречи неговото враќање во Белата куќа и предупреди дека тоа покажува дека ниту еден Американец не е безбеден од мотивиран прогон.

Кремљ оцени дека пресудата против Трамп покажала дека во САД се користат сите легални и незаконски средства за справување со политичките ривали.

Турција одбива да дозволи НАТО да учествува во војната во Украина, изјави денеска турскиот министер за надворешни работи Хакан Фидан по неформалниот состанок на министрите за надворешни работи на Алијансата во Прага.

„Го поддржуваме продолжувањето на помошта за Украина и капацитетот на Украина да обезбеди одвраќање, но не сакаме НАТО да учествува во таа војна“, рече турскиот министер за надворешни работи.

За Турција едно е да се поддржи Украина да го гарантира нејзиниот територијален интегритет и да ги ослободи нејзините територии, но друго е да го вклучи НАТО во војната. Според министерот Фидан, тоа ризикува да доведе до регионално проширување на конфликти и поголеми кризи.

Турција успеа да ги одржи врските и со Русија и со Украина од почетокот на конфликтот во февруари 2022 година.

Турција го изрази овој став во време кога неколку земји од НАТО, вклучително и САД, ја овластија Украина да го користи оружјето што и го дадоа за цели во Русија доколку се брани од напади. Американскиот претседател Џо Бајден и даде зелено светло на Украина да гаѓа цели на руска територија, во регионот Харков, под одредени услови.

Доналд Трамп изјави дека ќе поднесе жалба на пресудата со која стана првиот американски претседател осуден за кривично дело, иако ќе мора да почека до изрекувањето на пресудата на 11 јули за да го преземе тој чекор.

Говорејќи во фоајето на Трамп Тауер на Менхетен, каде што првпат ја објави својата кандидатура за претседател во 2015 година, Трамп ги повтори своите поплаки дека судењето е обид да се спречи неговото враќање во Белата куќа и предупреди дека тоа покажува дека ниту еден Американец не е безбеден од политички мотивиран прогон.

„Ако тие можат да ми го направат тоа мене, тие можат да го направат тоа секому“, рече Трамп во својот 33-минутен говор.

Републиканскиот кандидат за претседателските избори во 2024 година не сакаше да одговори на новинарските прашања.

По два дена расправа, поротата во Њујорк го прогласи Трамп за виновен по сите 34 точки од обвинението за фалсификување документи за прикривање на плаќањата на порно ѕвездата Сторми Даниелс во последните денови од неговата претседателска кампања во 2016 година.

Трамп сè уште се соочува со три други кривични обвиненија, а за сите се изјасни за невин и вели дека се политички мотивирани.

Реакциите за пресудата беа остро поделени партиски. Демократските пратеници ја пофалија пресудата, додека многу републиканци ги прифатија тврдењата на Трамп дека обвинителството е политички мотивирано да го спречи да се врати на власт.

Претседателот на Претставничкиот дом Мајк Џонсон изјави дека републиканците ќе застанат со Трамп и дека тој предвидува дека Врховниот суд на САД ќе ја поништи пресудата.

„Претседателот Трамп повеќе не е само поединец“, рече тој во радио емисијата на Хју Хјуит. „Тој е симбол на борбата против корупцијата на нашиот систем. Некои од поддржувачите на Трамп преку интернет повикаа на бунт, револуција и насилна одмазда.

Националните анкети покажуваат дека Трамп е во тесна трка со Бајден, а четвртина од анкетираните републиканци рекоа во априлската анкета на Ројтерс-Ипсос дека нема да гласаат за него доколку поротата го прогласи за виновен.