Европа
НАТО договара план за Украина во случај Трамп да победи на изборите
Министрите за надворешни работи на НАТО денеска се состануваат за да разговараат за тоа како да се постави воената помош за Украина на долгорочна одржлива основа, вклучително и предлог за петгодишен пакет од 100 милијарди евра кој ќе обезбеди поддршка за Киев доколку Доналд Трамп се врати во Белата куќа.
Предлогот на генералниот секретар Јенс Столтенберг ќе и даде на западната алијанса поголема улога во координирањето на снабдувањето со оружје, муниција и опрема за Украина, велат дипломатите. Планот ќе биде разгледан на дводневната средба во Брисел по повод одбележувањето на 75-годишнината од НАТО и подготовката за самитот во Вашингтон во јули.
Состанокот ќе покаже колку се спремни европските сојузници да ги поддржат воените напори на Киев против Русија во време кога во американскиот Конгрес е блокиран пакетот воена помош од 60 милијарди долари. Според плановите, НАТО ќе ја преземе координацијата од Рамштајн групата, ад хок коалиција предводена од САД во случај Трамп да ја прекине воената помош за Украина доколку повторно стане претседател на САД.
НАТО како организација досега се фокусираше на обезбедување неборбена поддршка за Украина со цел да се избегне ескалација на тензиите со Русија, додека нејзините членки му обезбедија на Киев милијарди долари оружје на билатерална основа.
НАТО зазеде став дека Украина не може да се приклучи на алијансата додека трае војната со Русија, но дека ќе стане членка во одреден момент во иднина. Дипломатите предупредуваат дека разговорите за предлогот се во рана фаза и дека не е јасно дали пакетот за воена помош од 100 милијарди евра ќе биде прифатен и како ќе се финансира.
Одлуките во НАТО се носат со консензус на 32 членки. Средбата се одржува во време кога алијансата бара наследник на Столтенберг, кој ја извршуваше функцијата генерален секретар речиси десет години. Холандскиот премиер Марк Руте е поддржан од 90 отсто од земјите-членки, вклучувајќи ги САД, Франција, Велика Британија и Германија.
Сепак, Унгарија му се спротивставува поради неговите критики на премиерот Виктор Орбан и, од неодамна, на романскиот претседател Клаус Јоханис. Некои дипломати се надеваа дека наследникот на Столтенберг ќе биде избран веќе на состанокот во Брисел, но подоцна рекоа дека ќе биде потребно повеќе време. Други, сепак, се уверени дека Руте на крајот ќе биде назначен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Словачкиот министер за одбрана: Премиерот опериран по втор пат, пациентот е стабилен, земјата е стабилна
Словачкиот премиер Роберт Фицо беше опериран по втор пат по атентатот во средата, кога се здоби со прострелни рани во стомакот и „е во стабилна состојба со навестувања за напредок, исто како што Словачка е стабилна“, изјави вицепремиерот и министер за одбрана, Роберт Калињак.
„Земјата е стабилна, пациентот е стабилен денеска. Можеме да ги направиме сите работи што треба да ги направиме како влада. А ние имаме свој премиер и тоа на сите ни е јасно“, изјави Калињак за новинарите во болницата каде што е Фицо.
Мирјам Лапуњикова, директорка на болницата Рузвелт во тој град во централна Словачка, најблиската добро опремена болница до Хандлова, каде што 71-годишен Словак во средата испука пет истрели кон премиерот, рече дека денешната операција траела два часа за отстранување некротично ткиво, што е вообичаена постапка при за такви повреди.
„Премиерот останува на интензивна нега, а неговата состојба се уште е многу сериозна. Лекарите се среќаваат и се консултираат секое утро и затоа денеска не можат да кажат дали ќе бидат потребни дополнителни операции“, рече Лапуњикова.
Лекарскиот совет в понеделник ќе одлучи дали и кога ќе можат да го превезат премиерот во Братислава.
Вицепремиерот Калињак се заблагодари за сите понуди за лекување на Фицо во странство и истакна дека Владата има целосна доверба во лекарите во Банска Бистрица.
„Ќе бидат потребни уште неколку дена додека не биде јасно како ќе се развива здравјето на премиерот. Порасположен сум бидејќи гледам напредок. При денешната интервенција се покажа дека главната операција била успешна“, рече Калињак.
Министерот за внатрешни работи Матуш Шутај Ешток денеска изјави дека во 40 случаи полицијата ги открила и гонела оние кои им се заканувале на политичарите со атентат и со говор на омраза на социјалните мрежи.
Лидерот на десноцентристичката опозициска партија Прогресивна Словачка, Михал Шимечка денеска поднесе кривична пријава поради драстични закани кон него и неговото семејство.
„Ги има повеќе. За жал, ова не е ништо ново. Слични закани доби и претседателот на Словачка, а слични закани денеска добиваат и мнозинството политичари, новинари и јавни личности кои го искажуваат својот став. Омразата раѓа омраза“, рече Шимечка.
Лидерот на опозицијата го повтори повикот до сите на словачката политичка сцена да се договорат, барем 100 дена да не се напаѓаат и за тоа време да се договорат за нови правила на политичка комуникација.
Надлежниот обвинител денеска побара притвор за осомничениот за атентатот, обвинет за обид за убиство на заштитено лице мотивирано од одмазда, за што му се заканува казна од 25 години или доживотен затвор.
Судот во сабота ќе го сослуша Јурај Цинтула и ќе одлучи за притворот.
Европа
(Видео) Поплави во Северна Италија по обилните дождови: „Ова е бомба, вакво нешто во Милано не сме виделе 170 години“
Невремето и обилните дождови предизвикаа поплави во многу делови на северна Италија, а особено беа погодени градовите Падова и Виченца, пишува Би-Би-Си.
Службите за итни случаи користат гумени чамци за да ги спасат луѓето од нивните домови.
Гувернерот на Венето ги опиша временските услови во текот на ноќта како „водена бомба“.
Југот на Италија се соочува со топлотен бран невообичаен за овој период од годината, а на Сицилија се забележани температури до 35 Целзиусови степени.
#maltempo le strade diventano fiumi…#Veneto provincia di Verona pic.twitter.com/SPnjUfq1Zh
— Santone ✨🌙 (@santone1973) May 16, 2024
Професорот Марко Марани, експерт за ефектите од климатските промени од Универзитетот во Падова, за весникот „Кориере дел Венето“ изјави дека „екстремните настани стануваат се почести и ќе се интензивираат со зголемувањето на глобалното затоплување“.
In sei ore 230 millimetri di pioggia. È allerta rossa in #Veneto colpito dal maltempo che già ha flagellato #Milano e la #Brianza. Temporali intensi hanno provocato il crollo di due ponti a #Malo, nel vicentino. Scantinati e sottopassi allagati, numerosi black out elettrici. pic.twitter.com/PxhZ1kAR7B
— Tg1 (@Tg1Rai) May 16, 2024
Локалните жители велат дека таков интензитет на дожд не е забележан во мај, повеќе од 170 години.
Бреговите на реката Мусон деи Саси во областа Падова попуштија поради силниот дожд во раните утрински часови во петокот, што предизвика поплави.
Luca Zaia dichiara lo Stato di Emergenza in Veneto. Le forti piogge hanno rotto un argine a Rustega, frazione di Camposampiero, in provincia di Padova. Allagate campagne e anche alcune case 👉 https://t.co/HWPmUurm9X#meteoeradar #alluvione #emergenza #veneto pic.twitter.com/IbGwftrjqo
— Meteo & Radar (@meteoeradar) May 17, 2024
Товарен воз во Борго Мантовано во провинцијата Ломбардија беше превртен од налетите на ветрот со брзина од 150 до 200 километри на час.
Локалниот лидер Алберто Борсари на социјалните мрежи напиша дека „многу улици и подруми се поплавени“ и дека ситуацијата е „навистина тешка“.
„За среќа, никој не е повреден“, додаде тој.
До 130 милиметри дожд за еден ден падна во Милано, што предизвика поројни поплави. Очевидци велат дека таков интензитет на дожд не бил забележан во мај повеќе од 170 години.
Властите за цивилна заштита прогласија црвена тревога во Венето до 14 часот, особено меѓу Виченца и Верона, каде што реките надобија по 70 милиметри дожд за 30 минути.
Едно лице е исчезнато во реонот на градот Комо по уривањето на мал мост.
Во исто време, многу сушни услови беа забележани на островот Сардинија, кој веќе се соочува со уште една лоша сезона за локалните земјоделци на пченица, кои очекуваат половина од нивниот нормален род поради недостиг на вода, пишува локалниот весник L’Unione Sarda.
Ограничувања за користење на водата се очекуваат и во областа подоцна во текот на летото.
Професорот Марани рече дека „има силни научни докази“ дека екстремните временски услови стануваат се почести, додавајќи дека пресметките за одбрана од поплави „треба да се ревидираат за да се разбере реалниот ризик со кој се соочуваме“.
„Климатските промени мора да бидат ставени под контрола“, додаде тој.
Во април, Европската климатска агенција Коперник и Светската метеоролошка организација ја истакнаа потребата за заштита од поплави, како и итна акција за борба против ефектите од климатските промени.
Европа
Словачкиот премиер повторно опериран: последните информации за состојбата на Роберт Фицо два дена по атентатот
Словачкиот премиер Роберт Фицо, кој во средата беше тешко ранет во обид за атентат, имаше уште една операција.
Ова го потврди министерот за одбрана Роберт Калињак пред болницата во Банска Бистрица, каде што премиерот е од средата по атентатот.
Операцијата траеше околу два часа, а лекарите се обидоа „да ја поместат состојбата на пациентот на позитивна прогноза“, рече Калињак.
Тој додаде дека „ситуацијата е сè уште многу сериозна, но премиерот е свесен“.
„Првите четири дена по пукањето се најсложени“, рече Калињак за состојбата на премиерот.
Тој додаде дека „е порасположен бидејќи гледа напредок“.
Според него, денешната операција покажала дека првата била добро направена.
Словачка доби неколку понуди од повеќе земји за лекување на премиерот.
„Сите ние, вклучително и премиерот, имаме апсолутна доверба во капацитетите на Факултетската болница во Банска Бистрица“, рече министерот за одбрана.
Тој додаде дека не се сомнева оти премиерот е во добри раце и неговото лекување ќе продолжи во Словачка.
Директорката на болницата во Бањска Бистрица, Миријам Лапуникова, најави дека болницата има сѐ што е потребно за лекување на премиерот. Таа најави дека на располагање е и кардиолошки тим.
Таа додаде и дека секој ден накратко ќе ја информира јавноста за здравствената состојба на премиерот.