Европа
Русија: Кина го предложи досега најразумниот мировен план за конфликтот во Украина
Кина го предложи досега најразумниот мировен план за конфликтот во Украина, изјави рускиот министер за надворешни работи, Сергеј Лавров.
Пред повеќе од една година Пекинг предложи план од 12 точки со општи принципи за ставање крај на конфликтот, но без да објасни како тие ќе бидат спроведени. Во тоа време предлогот наиде на млаки реакции од Русија и Украина, а САД тврдеа дека Кина се претставува како миротворец, но го отсликува рускиот лажен наратив и не ја осудува нејзината инвазија.
„Најважно за нас е кинескиот документ да се заснова на анализа на причините за тоа што се случува и потребата да се елиминираат овие причини. Тоа е логично структурирано, од општото до специфичното“, ги пренесува зборовите на Лавров руската новинска агенција РИА.
„Тој план беше критикуван дека е премногу нејасен, но тоа е разумен план што големата кинеска цивилизација го предложи за дискусија“, додаде тој.
Рускиот министер за надворешни работи набргу треба да се сретне со својот кинески колега, а претседателот Владимир Путин минатиот месец изјави дека размислува за посета на Кина како негова прва посета на странство во својот шестгодишен мандат.
Русија тврди дека е подготвена да преговара со Украина, но нагласува дека овие разговори мора да се засноваат на новите реалности на теренот, каде што руските сили контролираат нешто помалку од една петтина од територијата на Украина, а Москва тврди дека четири освоени региони се нејзини. Украинскиот претседател Володимир Зеленски го предложи својот план, кој вклучува прекин на непријателствата и целосно повлекување на руската армија од окупираната територија.
Пофалувањето на планот на Кина ѝ овозможува на Москва да се покаже подготвена за преговори, а во исто време да ја напаѓа иницијативата на Зеленски, пишува „Ројтерс“. Швајцарија најави дека ќе биде домаќин на конференцијата врз основа на предлогот на украинскиот претседател, но Русија ја нарече бесмислена и рече дека е осудена на пропаст без учество на Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.
Европа
Атентаторот што го застрела Фицо се соочува со доживотен затвор: полицијата му го пребарала автомобилот
Јурај Цинтула (71), кој вчера трипати го застрела словачкиот премиер Роберт Фицо, е обвинет за обид за убиство со умисла поради одмазда против заштитено лице, објавија словачките медиуми.
Според порталот „ТВ новине“, на Цинтула му се заканува казна од 25 години затвор до доживотен затвор. Истражител од Националната агенција за криминал го обвинил за убиство со умисла, а тој ја поминал ноќта во ќелија.
⚠️Robert Fico shooter says he 'disagreed with government policies' — local media
📢 He did not do this alone. He was sent to do this by the globalists pic.twitter.com/u79vPVStcP
— The Dibster (@richarddibX) May 15, 2024
Цинтула, кој инаку е во пензија, испукал пет куршуми кон премиерот Роберто Фико, од кои три го погодиле.
Полицијата веднаш го уапсила напаѓачот, а бил претресен и неговиот автомобил, во кој бил пронајден телефон.
Се сомнева дека мотивот за убиството е несогласување со политиката на актуелната власт и измените што се направени или најавувани.
Доколку вината се докаже, за ова дело му се заканува казна затвор од 25 години до доживотен затвор.
Како што пренесува „ТВ Маркиза“, напаѓачот во полиција изјавил дека нападот го планирал неколку дена порано. Планирал да го повреди премиерот, но рекол дека не сака да го убие. Тој легално поседувал оружје повеќе од 30 години.
Фицо со хеликоптер бил префрлен во болница, каде што бил опериран повеќе од пет часа.
Европа
Деветмесечно момче од Велика Британија се задави од шпагети во градинка: мајката ја предупредила воспитувачката дека не може да јаде цврста храна
Мајката на деветмесечното момче од Велика Британија, кое почина кога се задави од храна во градинка, се обидела да го предупреди персоналот дека не може да јаде цврста храна.
Малиот Оливер Стипер почина во болница шест дена откога се задави од храна во градинка во Кент. Според британските медиуми, работничката во градинката истовремено хранела четири деца со болоњезе-тестенини кога малиот Оливер се задавил.
Оливер имал само два предни заба поради што дома јадел пасирана храна, пренесува „Скај њуз“.
Работниците во градинката ги уверувале неговите родители дека цврстата храна може да се испасира пред да му биде дадена и тие претпоставиле дека тоа ќе биде направено затоа што тој „не можел правилно да џвака“, беше кажано на судот.
Мајката пред судот рекла дека има намера да ги потсети вработените во градинката дека цврстата храна не му одговара, пренесува „Скај њуз“.
Размислувала веднаш да испрати имејл во градинката, но не сакала да биде напорна.
„Во градинка му дадоа овошна салата, јасно беше дека не е пасирана. Реков дека ќе разговарам со вработените следната недела“, изјави мајката во судот.
Подоцна едно утро, таа добила повик од дневниот престој и ѝ кажале дека син ѝ учествувал во инцидент и дека се задавил од храна.
Кога пристигнала во градинката, видела болничар како трча со син ѝ во рацете додека вршел компресија на градите.
Оливер бил пренесен во болница, но скенирањето на мозокот покажало дека нема да преживее, а момчето починало шест дена подоцна.
Полицијата во Кент истражувала што се случило, но не било преземено ништо.
Родителите решиле да го праќаат Оливер во градинка само неколку дена во неделата бидејќи таа била на 20 минути од нивната куќа и изгледала како семејна градинка.
Судењето продолжува.