Спорт
Фенербахче против Галатасарај ќе игра со девет јуниори, а потоа ќе го прекине натпреварот
Фенербахче продолжува со протестите против Фудбалскиот сојуз на Турција, поради што реши да го бојкотира финалниот натпревар од Суперкупот против Галатасарај, кој ќе се одигра в недела.
Фенербахче на необичен начин ќе го бокотира натпреварот. В недела на теренот ќе истрча јуниорскиот тим.
Да потсетиме, Фенербахче на почетокот на неделата ја разгледуваше можноста да истапи од лигата, но на крајот челниците се откажаа од таа идеја. Причината за ова беше нападот врз играчите на гостувањето кај Трабзонспор.
Што се однесува до Суперкупот, Фенербахче побара мечот да се одложи за друг термин и да се делегираат странски судии, но во клубот не добиле одговор од Фудбалскиот сојуз на Турција.
„Испративме писмо до Фудбалскиот сојуз на Турција во кое баравме да се одложи натпреварот или да се назначат странски судии, но бидејќи не добивме одговор ќе играме со јуниори. Освен тоа, решивме да не учествуваме во следните две сезони во Купот на Турција“, изјави потпретседателот на клубот Ерол Билечик.
Според неофицијалните информации кои ги соопшти турски „Фанатик“, Фенербахче планира на дозволен начин да го прекина натпреварот. Имено, клубот во записникот ќе пријави само девет фудбалери, а потоа тројца ќе го напуштат теренот поради „повреди“, па судијата нема да има друга опција освен да го прекине натпреварот поради недоволниот број играчи во тимот на Фенербахче и Галатасарај со службен резултат ќе го добие натпреварот.
Се уште не може со сигурност да се каже дека тоа ќе биде така, но очигледно е дека Фенербахче не планира да ги испрати сениорите во финалето на Суперкупот. Тие на социјалните мрежи споделија фотографии од последниот тренинг и го најавија следниот натпревар против Олимпијакос, во четврток во четвртфиналето на Конференциската лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Црвена звезда против Интер без најдобриот играч
Лоша вест за Црвена звезда два дена по големата победа над вечниот ривал Партизан (4:0). Две до три недели, црвено-белите ќе бидат без најдобриот играч, Мирко Иваниќ.
Иваниќ нема да биде во тимот за натпреварот прптив Интер во Милано, во Лигата на шампионите. Иваниќ се повреди проив Партизан, теренот го напушти во 70.минута.
Клубот соопшти дека тој би требало да се врати по репрезентаивната пауза, односно да биде во тимот на 18.октомомври кога Црвена звезда ќе го пречека раднички од Ниш.
Спорт
(Видео) Фенербахче им забрани на кошаркарите да играат за Турција додека селектор е Атаман
Кошаркарскиот клуб Фенербахче им забрани на играчите да играат за турската репрезентација, се додека селектор е Ергин Атаман.
Причината се гестикулациите на Ергин Атаман на вчерашниот пријателски натпревар меѓу Панатинаикос и Галатасарај.
Тој со раце ги покажа бројките три и еден, алудирајќи на резултатот од фудбалскиот натпревар меѓу Галатасарај и Фенербахче (3:1) одигран во саботата.
„Целта на овој човек е јасна, со неговиот карактер, став и стил, а она што го направи пред милиони гледачи е во целосна спротивност со неговиот идентитет како селектор на репрезентацијата. Репрезентацијата е наша репрезентација. Секој кој е дел од тимот мора да биде свесен за ситуацијата и да биде одговорен. Овој потег е големо непочитување кон нашата заедница, кон угледот на селекторот, па дури и кон нашата земја.
Ја информираме јавноста дека одлучивме да не испраќаме спортисти во машката репрезентација за време на неговиот мандат на оваа позиција, за што се потребни квалитети како што се респектабилност и непристрасност!“, се вели меѓу другото во соопштението на Фенербахче.
Атаман се извини, но очигкедно е дека од Фенербахче извинувањето не го прифатиле.
Milli takımın Koç u isen her takıma eşit mesafede olmalısın eğer olamıyorsan milli takım da görev almamalısın .
Milli takım babanın çiftliği değil derhal o görevden istifa et Ergin Ataman #ErginAtaman pic.twitter.com/JA0edWlJyz— bulut cerrah (@haber4621) September 25, 2024
Спорт
Реал три недели без Мбапе
Францускиот фудбалер Килијан Мбапе поради повреда ќе биде надвор од терените во следните три недели.
Мбапе се повреди на натпреварот против Алавес на стадионот „Сантијаго Бернабеу“, поради што мораше да ја напушти играта во 80. минута.
Ова ќе биде голем удар за тимот на Карло Анчелоти, кој во наредниот период пред себе има неколку тешки натпревари.
Најпрво како дел од Ла Лига, во следното коло Реал ќе му гостува градскиот ривал Атлетико Мадрид, а потоа ќе ги одмери силите во второто коло од Лигата на шампионите против Лил.
Мбапе од оваа сезона е член на тимот на Реал Мадрид, а по осум кола во Ла Лига постигна шест гола со еден повеќе во Суперкупот на Европа и еден во Лигата на шампионите.