Спорт
Колкави се платите на судиите во Европа?
Британски „Атлетик“, во опширен текст објави колкави се палтите на фудбалските судии во најсилните пет национални шампионати.
Во Европа, најмногу заработуваат судиите во шпанската Примера. Судиите во елитните редови на шпанскиот фудбал имаат загарантирана „сезонска“ плата од 150.000 евра. Плус 4.900 евра за водење на натпреварот. ВАР судиите по натпревар заработуваат по 2.500 евра.
Покрај тоа, судиите заработуваат и од реклами затоа што на нивните дресови стои логото на компанијата „Вурт“. Според тој спонзорски договор, судиите добиваат околу 25.000 евра годишно. Значи, ако еден судија, суди 20 натпревари во Примера во една сезона, на крајот ќе заработи вкупно околу 273.000 евра.
На второ место е Бундеслигата. Фиксната плата на арбитрите се движи од минимум 60.000 до максимални 80.000 евра годишно. Просечнотоа е околу 70.000 евра за поискусен судија. Помалку отколку во Шпанија, но и таксите за натпревари се повисоки.
Главниот судија заработува 5.500 евра по натпревар во Бундеслигата, додека ВАР судиите добиваат 2.000. Просечен судија во Бундеслигата може да заработи околу 180.000 евра по сезона.
Најбогатата европска лига, англиската Премиер лига се наоѓа на третото место.
Главните судии во елитниот ранг на англискиот фудбал имаат фиксна плата од минимални 85.000 евра до максимални 170.000 евра. Во зависност од рангот на судијата. Но заработуваат „само“ 1.300 евра по натпревар или 1.000 евра во случајот со ВАР судиите. Ако главниот судија би судел 20 натпревари во Премиер лигата, на крајот од сезоната би бил побогат за околу 151.000 евра.
Треба да се напомене дека најдобрите судии заработуваат и од делењето на правдата во европските купови. Од Лигата на шампионите до Конференциската лига, нема фиксна такса. Судијата заработува 200 евра од ангажман (од денот на тргнување до враќање), уште 200 евра дневница за трошоци (превоз, хотел, паркинг…) и паричен надомест за судење на самиот натпревар.
Тука УЕФА ги дели судиите и помошниците во две категории: прва (оние кои земаат помали плати) и елитни (оние кои земаат повисоки плати). За оваа втора категорија таксите се: 5.000 евра за натпревар до осминафиналето и 6.000 евра за натпревари од четвртфиналето до финалето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барела на принудна пауза
Играчот од средниот ред на Интер, Николо Барела ќе го пропушти саботниот натпревар против Удинезе поради повреда, соопшти клубот.
Барела (27) го повредил бутниот мускул на десната нога, во неделата против Милан. Интер објави дека следната недела ќе биде подложен на уште еден лекарски преглед.
Според италијанските медиуми, Барела ќе го пропушти натпреварот од Лигата на шампионите против Црвена звезда, а потоа и натпреварот од седмото коло во Серија А против актуелниот лидер Торино.
Спорт
Марсеј е кандидат за домаќин на финалето на ЛШ во 2027 година
Градот Марсеј понуди да биде домаќин на финалето на Лигата на шампионите во 2027 година, откако Европската фудбалска унија (УЕФА) одлучи да ја повлече организацијата од стадионот „Сан Сиро“ во Милано.
„А зошто да не се игра во Марсеј, на најубавиот стадион во Франција: Велодром“, напиша на платформата „X“, претставникот на градските власти на Марсеј, Себастиен Гибраел, само неколку часа по одлуката на УЕФА.
Според него, властите на Марсеј заедно со градоначалникот Беноа Пајан ќе ја поддржат кандидатурата на Марсеј да биде домаќин на финалето на Лигата на шампионите во 2027 година.
УЕФА во вторникот вечерта објави дека „Сан Сиро“ (стадионот на кој играат Милан и Интер) ја загубил организацијата на финалниот меч, бидејќи градот Милан не можел да гарантира дека стадионот и неговата околина ќе бидат подготвени за натпреварот, поради реновирање.
Од УЕФА изјавија и дека имаат за цел, до јуни да го одредат домаќинот. Следните две финалиња од Лигата на шампионите ќе се играат во Минхен и Будимпешта.
„Сан Сиро“, стадион со капацитет од околу 75.000 седишта, четири пати бил домаќин на најважниот натпревар на европскиот клубски фудбал (1965, 1970, 2001 и 2016 година).
Спорт
Рафаел Варан му кажа збогум на фудбалот
Она што го најавија италијанските медиуми, експресно доби потврда. Францускиот фудбалер Рафаел Варан (31) реши да стави крај на кариерата.
По серијата повреди на стартот од својот мандат во Комо, стоперот преку објава на социјалната мрежа „Инстаграм“ објави дека е време за крај.
„Велат дека на сите добри работи им доаѓа крајот. Во текот на кариерата имав многу предизвици пред мене и секогаш успеава да им се спротивставам. Речиси сите требаше да бидат невозможни. Создадов спомени кои ќе траат цел живот. Кога ќе погледнам наназад, со голема гордост и со чувство на исполнетост објавувам дека се повлекувам од играта што сите ја сакаме. Илјада пати паднав и станав и сега е време да застанам и да ги оставам копачките“, напиша меѓу другото Варан.
Варан летово пристигна од Манчестер јунајтед како големо засилување за тимот на Сеск Фабрегас. Тој потпиша договор на 2+1 година, а на крајот одигра само 23 минути во купот.
Кариерата ја започна во Ленс, од каде во 2011 година се пресели во Реал Мадрид, со кој го постигна најголемиот успех во кариерата.
Десет годино беше во Мадрид, четири пати ја освои Лигата на шампионите, три пати титулата шпански првак, како и трофеите од шпанскиот и европскиот Суперкуп. Четири пати беше клупски светски шампион, а со репрезентацијата го освои Светското првенство во 2018 година. Три години подоцна со „триколорите“ го освои трофејот во Лигата на нации.
За Франција одигра 93 натпревари и постигна пет гола.