Спорт
КПР ја отпушти маскотата: Флертуваше со навивачките, не навиваше за тимот
Славниот лондонски фудбалски клуб Квинс Парк Ренџерс ја отпушти својата маскота, мачката Џуд, бидејќи бил „премногу флертувал со жените на трибините“ и игнорирал бројни предупредувања да престане, пишува „Сан“.
Џуд е официјална маскота на клубот од 2008 година, именувана по мачката која живее на стадионот.
Истата личност во изминатите неколку години ја играше улогата на Џуд за време на натпреварите, но сега клубот ќе мора да бара нов актер кој ќе го облече костимот на мачката во бело-синиот дрес.
„Неколку луѓе се пожалија дека им се пушта на жените и не навива за тимот. Доби неколку опомени, но не можеше да се воздржи. Клубот немаше избор“, изјави за „Сан“, неименуван извор од клубот.
КПР последен пат играше во Премиер лигата во сезоната 2015/16, а оттогаш нивниот најдобар пласман во Чемпионшип беше деветтото место. Минатата сезона едвај се спаси од испаѓање, а во актуелната сезона моментално се наоѓа на 16. место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Пораз на Шкендија во дербито – Гостивар ја презеде челната позиција на табелата
Фото, видео/ facebook.com/KFGGostivari
Гостивар ја победи Шкендија во дербито на 7.коло со 3:1. Со овој триумф екипата од Гостивар ја презеде челната пизиција на табелата во Првата македонска фудбалска лига (ПМФЛ). Гостивар и Работнички се уште се без пораз од почетокот на сеозната. Работнички во оваа рунда одигра без голови против Пелистер во Битола.
Ајдоган во 22.минута го постигна првиот гол за Гостивар, а предноста ја зголеми Симововски по две минути игра во второто полувреме. Најдобриот стрелец во историјата на ПМФЛ, Ибрами го намали резултатото во 87.минута. Пет минути подоцна Алдаир од пенал стави тоќка на натпреварот.
Резултати, ПМФЛ 7.коло:
Пелистер-Работнички 0:0
АП Брера-Тиквеш 0:0
Шкупи-Беса 1:1
Воска спорт-Струга ТЛ 1:1
Гостивар-Шкендија 3:1
Табела:
Спорт
„Нема шанса Осимен да си замине во јануари“
Потпретседателот на Галатасарај, Ибрахим Хатипоглу изјави дека Виктор Осимен нема да го напушти клубот во јануари, по шпекулациите дека во зимскиот преоден рок ќе се пресели во Јувентус. Осимен дојде во Галатасарај на позајмица од Наполи.
Галатасарај оваа сезона на Осимен ќе му плати шест милиони евра, а откупната клаузула во неговиот договор е намалена од 130 на 75 милиони евра, објавија италијанските медиуми.
Нигерискиот фудбалер го продолжи договорот со Наполи на уште една година пред да се пресели во Галатасарај.
„Нема шанси Осимен да замине во јануари. Всушност, планираме Осимен да игра за нас и следната сезона“, изјави Хатипоглу за турските медиуми.
Италијанските медиуми објавија дека Јувентус е меѓу италијанските клубови заинтересирани за Осимен.
Веб-страницата „Калчомеркато“ наведе дека директорот на Јувентус, Кристијано Џунтоли има добри односи со менаџерот на нигерискиот фудбалер Роберт Календа, па 25-годишниот напаѓач може да биде опција за Јувентус на крајот од сезоната, особено ако Душан Влаховиќ не се истакне до крајот на сезоната.
Спорт
Црвена звезда против Интер без најдобриот играч
Лоша вест за Црвена звезда два дена по големата победа над вечниот ривал Партизан (4:0). Две до три недели, црвено-белите ќе бидат без најдобриот играч, Мирко Иваниќ.
Иваниќ нема да биде во тимот за натпреварот прптив Интер во Милано, во Лигата на шампионите. Иваниќ се повреди проив Партизан, теренот го напушти во 70.минута.
Клубот соопшти дека тој би требало да се врати по репрезентаивната пауза, односно да биде во тимот на 18.октомомври кога Црвена звезда ќе го пречека раднички од Ниш.