Спорт
(Видео) Баерн се изрезили во Хајденхајм, Леверкузен наредниот викенд може да ја обезбеди титулата
Два бода ги делат фидбалерите на Баер Леверкузен од првата титула во клупската историја во Бундес лигата. Попладнево, Баер победи кај Унион Берлин, а Баерн Минхен загуби на гостувањето во Ханденхајм. Разликата меѓу Баер и Баерн сега е 16 поени. Тимот од Леверкузен наредниот викенд може да ја прослави шампионската титула.
Новите шампиони на Германија, успешно го минаа тешкото гостување во Берлин. Унион во 45+3 минута останаа со фудбалер помалку, црвен картон доби Госенс, а пет минути подоцна Флоријан Вирц го постигна единствениот гол.
Баерн уште еднаш ги разочара своите навивачи, загуби кај дебитантот во Бундес лигата, Ханденхајм и си направи лоша увертира пред дуелот со Арсенал во Лигата на шампионите.
Мизеријата на Баерн е уште поголема бидејќи со головите на Кејн и Гнабри, по првиот дел имаше предност од 0:2.
Во вториот дел Ханденхајм експресно изедначи со головите на Сеса и Клајндинст во 50. и 51.минута, а во 83.минута Клајндинст со својот втор гол ги нокаутира Баварците.
Лајпциг забележа убедлива победа во Фрајбург 4:1. Македонскиот репрезентативец Елмас играше од 83.минута кога влезе место Шешко. Два од четири гола за Лајпциг ги постигна Опенда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.
Спорт
(Видео) Германија победи во Зеница, Холандија освои бод во Будимпешта
Германија и Холандија се издвоија на првите две места на табелата и тие ќе ја водат битката за првото место во Групата 3, во А-дивизијата во Лигата на нации. Вечерва Германците победија во Зеница, а Холандија извлече реми во Будимпешта.
Германија ја победи Босна и Херцеговина со 2:1. Двата гола во првото полувреме за Германија ги постигна напаѓачот на Штутгарт Ундав. Покрај овие два, Германците постигнаа уште три гола кои ги поништо ВАР собата.
Голот за БиХ е дело на Един Џеко во 72.минута.
Унгарија не успеа да ја победи Холандија и покрај тоа што во финишот на натпреваро го одигра со играч повеќе.
Салаи во 32.минута погоди за унгарско водство. Холанѓаните во 79.минута останаа без Ван Дајк, кој беше исклучен поради два жолти картони. Четири минути подцна Дамфрис ги постави конечните 1:1
Германија ја предводи групата со седум бода, Холандија има пет, Унгарија 2, а БиХ еден бод.