Спорт
(Видео) Астон Вила спаси „глава“ против Брентфорд, Вест Хем со гол од корнер го победија Вулверхемптон
Во саботата од 16 часот се одиграа пет натпревари во 31. коло во Премиер лигата. Астон Вила од 2:0, се најде во ситуација да спасува еден бод, Лутон и Вест Хем славеа со пресврт, а минимални победи забележаа Евертон и Њукасл.
Астон Вила и Брентфорд во спектакуларен натпревар ги поделија бодовите (3:3) Вила водеше со 2:0, па на крајот спаси бод во 81.минута.
Првото полувреме им припадна на домашните, кои поведоа преку Оли Воркинс во 39. минута. На 2:0 зголеми Роџерс во 46. минута.
Следуваа 20 одлични минути за гостите. Во 59. минута Занка намали на 2:1, во 61. минута веќе беше 2:2 со голот на Мбуема, а во 68. минута Виса погоди за 2:3.
Воткинс на крајот донесе бод за Вила во 81. минута. Воткин е втор стрелец во Премиер лигата со 18 голови, еден помалку од Халанд.
Вест Хем победија со 2:1 кај Вулверхемптон. Натпреварот го обележа спектакуларниот гол на Вирд-Праус. Играчот на Вест Хем во 85.минута постигна гол директно од корнер.
Претходно, Сарабија ги доведе „Волците“ во водство од пенал, а Вест Хем изедначи преку Пакета во 63. минута.
Евертон забележа значајна победа во борбата за опстанок. „Карамелите“ го победи Барнли со 1:0. единственоот гол го постигна Калверт-Лунин на истекот на првото полувреме. Напаѓачот на Евертон го искорсити подарокот на голманот Муриќ.
Еден гол го реши победникот на натпреварот Фулам-Њукасл. Трите бода на гостите им ги донесе Гимараеш во 81.минута.
Лутон победи против Бурнмаут во последните моменти од натпреварот.
Борнмут поведе преку Таверние во 52. минута, а одговорот на домаќинот дојде преку Кларк во 73. и Морис во 90. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.
Спорт
(Видео) Германија победи во Зеница, Холандија освои бод во Будимпешта
Германија и Холандија се издвоија на првите две места на табелата и тие ќе ја водат битката за првото место во Групата 3, во А-дивизијата во Лигата на нации. Вечерва Германците победија во Зеница, а Холандија извлече реми во Будимпешта.
Германија ја победи Босна и Херцеговина со 2:1. Двата гола во првото полувреме за Германија ги постигна напаѓачот на Штутгарт Ундав. Покрај овие два, Германците постигнаа уште три гола кои ги поништо ВАР собата.
Голот за БиХ е дело на Един Џеко во 72.минута.
Унгарија не успеа да ја победи Холандија и покрај тоа што во финишот на натпреваро го одигра со играч повеќе.
Салаи во 32.минута погоди за унгарско водство. Холанѓаните во 79.минута останаа без Ван Дајк, кој беше исклучен поради два жолти картони. Четири минути подцна Дамфрис ги постави конечните 1:1
Германија ја предводи групата со седум бода, Холандија има пет, Унгарија 2, а БиХ еден бод.