Македонија
(Видео) Митева: Поради односот на СДС и Бисера Стојчевска кон Универзалната, таа изгоре, да кажат кој е изведувач и надзор, какви материјали се вградени

Секој ден со СДС и ДУИ на власт губи Македонија, губи Скопје, губи народот дел од своето. Поради неодговорноста на Димитар Ковачевски и Бисера Костадиновска Стојчевска кон Универзална сала, денес таа беше опфатена со огромен пожар. Симболот на постземјотресно Скопје 7 години е оставен на забот на времето, претворен во градежна руина, истакна на денешната прес-конференција Марија Митева, портпаролка на ВМРО-ДПМНЕ.
„Подолг период наназад прашуваме кога е распишана набавката за реконструкција на Универзална сала, зошто на сајтот на Бирото за јавни набавки таква набавка од страна на министерството нема. Прашавме кој е избран за изведувач и на кој начин? Кој е надзор и, исто така, како е избран надзорот, но одговори не добиваме. Но затоа, веќе, вчера дознавме дека градежните фирми во Македонија реагираат на условите кои Министерството за култура ги бара од изведувачот, а салата сепак се гради.
Па оттука прашуваме како Ковачевски и Бисера Костадиновска градат, а изведувач нема?“, прашува Митева.
Според неа, штетата која СДС ја направена по Универзална сала е непроценлива.
Додаде дека Ковачевски и Стојчевска по промената на власта ќе одговараат за нивниот однос кон симболот на Скопје.
„Во Универзална сала подолг период власта веќе презема градежни активности, и затоа тие мора да одговорат какви материјали вградиле во изминатиов период и кој бил изведувач? Дали се вградени огноотпорни материјали или како примерот со Тетовската модуларна болница е вградувано што им се видело поевтино? Затоа што Универзална сала 50 години стои како симбол на Скопје и во моментот кога оваа криминална власт ја доведува до руина и вградува материјали со цел реновирање истата, таа гори.
Ковачевски и Стојчевска мора да одговорат на сите овие прашања, но и дали Универзална сала има осигурување?
Очекуваме одговори, но треба да знаат дека ќе има и одговорност“, нагласи Митева.
Очекува како што рече, СДС да им се извинат на скопјани, „зошто не само што не успеаја да ја сочуваат постојната форма на Универзална сала, туку и со нивниот однос кон неа дозволија таа да изгори“.
„Ова мора да се промени. Односот кон нашето заедничко мора да биде со поголема одговорност. Граѓаните имаат шанса за промени. А, тие промените се поддршка на изборите за Македонија повторно во рацете на граѓаните“, рече Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски и Филипче договориле формирање на работни групи

Премиерот Христијан Мицкоски и лидерот на СДСМ, Венко Филипче, на состанокот во Владата договориле формирање на работни групи за спроведување на реформската агенда.
Филипче кој ја оцени средбата како добра и конструктивна, вели дека се работи за зконите во делот на правосудството, енергетиката и некои работи околу стратешките движења во здравството, додека позициите за ЕУ интеграциите им се разликуваат.
Нова средба не е договорена, но Филипче очекува сите политички партии да разговараат на овие теми.
Следен логичен чекор, според првиот човек на СДСМ, е лидерска средба.
Македонија
МВР интензивно работи на законските измени за побезбеден сообраќај, рече Тошковски

Министерот за внатрешни работи Панче Тошковски денеска учествуваше на јавната дебата „Безбедноста на пешаците – одговорност на сите нас“ во Центарот за обука на МВР – Идризово, во организација на Републичкиот совет за безбедност на сообраќајот на патиштата и Факултетот за безбедност – Скопје, .
Тошковски нагласи дека мора професионално да се пристапи кон соодветна измена на законската регулатива која во еден дел за жал не е соодветна со потребите коишто ги имаме сите како граѓани.
„Само минатата година имаме околу 30 жртви пешаци и околу 140 жртви во сообраќајни незгоди ширум државата што се бројки многу над европскиот просек. Човековиот живот нема цена. Правилата на игра коишто ќе ги ставиме на хартија ќе мора доследно да ги почитуваме сите и преку правно процесирање низ институциите секој еден ќе сноси одговорност при нивно кршење, непочитување или неприменување.“, потенцираше Тошковски.
Министерот уште еднаш нагласи дека МВР интензивно работи на законски измени коишто би требало да имплементираат еден круцијален проект кој би требало да доведе до побезбедни улици, побезбеден сообраќај и побезбедни граѓани.
„Со имплементација на проектот „Безбеден град“ во Скопје, Куманово и Тетово а потоа и на територија на цела држава, верувам дека во иднина ќе спасиме многу човечки животи коишто сме го губеле во минатото.“, нагласи на крај министерот Тошковски.
Македонија
Гаши, Меџити и Фетаи се сретнаа со албанскиот претседател, Бајрам Бегај

Вицепремиерот задолжен за политики на добро владеење, Арбен Фетаи, денес во Скопје, заедно со претседателот на Собранието, Африм Гаши, и првиот заменик-претседател на Владата, Изет Меџити, имаше средба со претседателот на Албанија, Бајрам Бегај.
За време на средбата се разговараше за зајакнување на соработката меѓу Албанија и Северна Македонија во рамките на процесот на интеграција во Европската Унија, како и за други прашања од заемен интерес.
„Главните теми на разговорот беа Коридорот VIII, безбедноста, претстојната посета на претседателот Бегај на Северна Македонија и најновите политички случувања во нашата земја“, напиша Фетаи на својот профил на Фејсбук.
Тој оцени дека соработката меѓу Северна Македонија и Албанија е клучна за стабилноста и просперитетот на регионот.