Спорт
(Видео) Денвер и Минесота победија пред меѓусебниот дуел за првото место на Западот
Денвер Нагетс и Минесота Тимбервулвс забележаа победи пред меѓусебниот дуел (12.април 4 часот), кој веројатно ќе реши која екипа ќе го освои првото место во Западната конференција.
Актуелните шампиони Денвер Нагетс, гостуваа во Солт Лејк Сити. Без проблем ги победија Јута Џез 111:95.
Никола Јокиќ забележа 28 поени, 13 скокови и седум асистенции. Ист број на поени со два скока, по четири асистенции и украдени топки и три блокади иамше Џамал Мареј, кој се врати во тимот откако ги пропушти претходните седум натпревари.
Минесота на домашен терен надополни негатива од 21 поен и на крајот ги победи Вашингтон Визардс со 130:121. Ентони Едвардс со рекордни во кариерата 51 поен ги предводеше „Шумските волци“, Руди Гобер забележа 19 поени и 16 скокови, а Никел Александер-Вокер 23 поени.
Минесота се уште е без Карл-Ентони Таунс, без него во тимот имаат 12 победи и пет порази.
распоредот на Денвер и Минесота до крајот на сезоната:
Денвер (55-24): (дома) Минесота, (гости) Сан Антонио, (гости) Мемфис
Минесота (55-24): (гости) Денвер, (дома) Атланта, (дома) Феникс
Покрај асот на Минесота, Едвардс, изминатата ноќ се истакнаа: Шеј Гилџис-Александер кој постигна 40 поени во победата на Оклахома над Сакраменто од 112:105, во Чикаго Џејлен Брансон со 45 поени го предводеше Њујорк до победата 117:128, Лука Дончиќ забележа трипл-дабл од 39 поени, 12 скока и 10 асистенции во победата на Далас Маверикс од 104:130 во Шарлот, а Фред Ванвлит со 37 поени беше најдобра кај Хјустон Рокетс во победата над Орландо со 118:106.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Францuзите поради Ембид останале без Мајк Џејмс
Французите во пресрет на Олимписките игри поради Џоел Ембид останале без Мајк Џејмс. Кошаркарскиот сојуз долго време го чекаше Ембид, кој доби пасош, но на крајот реши да игра за САД. Чекајќи го Ембид им пропадна можноста да го нагажират најдобриот стрелец во историјата на Евролигата.
Кошаркарскиот сојуз на Франција потврди дека бекот на Монако сакал да игра за „триколорите“.
Како што пренесува „Лекип“, претставници на Џејмс се обратиле до КС на Франција со прашањето дали може да игра за Франција.
Французите ја разгледувале можноста, но процесот беше одложен поради верувањето дека Џоел Ембид ќе ја избере Франција, а не Америка.
Откако Ембид ја донесе одлуката, Французите немаа време да реагираат, па на најголемиот спортски настан ќе настапат со домашни кошаркари.
Во меѓувреме, тренерот Винсент Коле го објави списокот за Олимписките игри на кој се:
Ендру Албиси, Метју Стразел, Тео Маледон, Килијан Хејс, Френк Нтиликина, Нандо де Коло, Еван Фурние, Билал Кулибали, Николас Батум, Исаја Кординие, Ели Окобо, Усман Диенг, Надир Ифи, Гершон Јабуселе, Руди Гобер, Виктор Вембањама, Матијас Лесор, Џејлен Хорд.
Спорт
Тухел, дефинитивно, заминува од Баерн
Томас Тухел дефинитивно ќе го напушти Баерн на крајот од сезоната. Клубот преговараше со тренерот откако неколкуте кандидати одбија да го преземат Баерн.
Баерн со месеци безуспешно бара нов тренер, испратија понуди до Чаби Алонсо, Јулијан Нагелсман и Ралф Рагник, но сите рекоа „Не“.
Поради ова, чените луѓе на Баерн влего во преговори со Тухел.
Сепак, како што потврди на денешната прес-конференција, неговата мисија во Минхен е при крај. Очигледно двете страни не успеале да постигнат договор.
Меѓу другото, тренерот побарал повеќегодишен договор, а не да биде преодно решенија за следната сезона.
„Ова е мојата последна прес-конференција на клупата на Баерн. Точно е дека имаше разговори меѓу нас, но не беше постигнат договор“, изјави Тухел.
Германецот веројатно ќе се врати во Премиер лигата, според шпекулациите тој е најсериозниот кандидат да го замени Ерик тен Хаг на клупата на Манчестер Јунајтед.
Спорт
Премиер лигата ќе се игра само во Англија: Горди сме што се разликуваме
ФИФА покрена иницијатива да дозволи натпреварите од националните првенства да се играат на неутрален терен. Пред се, ова се однесува на натпреварите на популарните клубови кои би оделе за големи пари и би играле натпревари во САД и Азија.
Првиот човек на шпанската Примера, Хавиер Тебас веќе најави дека шпанските клубови ќе ја прифатат оваа иницијатива, но во Премиер лигата немаат намера да се впуштат во ваква авантура.
„Играњето надвор од нашата земја не е во план. Не размислуваме на таа тема. Она што го слушаме од нашите играчи е дека се игра многу фудбал и дека се зголемува бројот на натпревари. Премиер лигата не го промени својот формат. Она што се промени во текот на изминатите неколку децении е обемот на меѓународни натпревари“, рече Мастерс, додавајќи
„Ние во Англија сме горди што сме различни. Имаме уште две куп натпреварувања. Сè уште веруваме дека наше е да одлучиме како ќе изгледа нашето натпреварување и колку клубови ќе имаме во лигата. Ако ја дополните чашата која е пона се ќе се истури, заврши Мастерс.