Спорт
Џоан Лапорта ги вжешти страстите пред дуелот ПСЖ-Барселона
Претседателот на Барселона, Џоан Лапорта не пропушти да го зачини вечерашниот спектакл во кој неговиот клуб ќе му гостува на Пари Сен Жермен во Лигата на шампионите.
„Ние веруваме во нашите можности. Задоволство е да имаш вакви играчи, не би ги менувал за ниту еден од играчите на ПСЖ!“, изјави Лапорта за клупската интернет страница и дополни.
„Не сме биле во четвртфиналето многу години, многу сме возбудени, ќе биде одличен натпревар. Гледам играчите се во многу добра состојба, максимално мотивирани, фокусирани и обединети со Чави и стручниот штаб. Тоа не тера да веруваме во нив, бидејќи гледам дека веруваат во своите шанси. Фудбалерите на Барса се свесни што би значело доколку клубот се пласира во полуфиналето. Гледам дека и тренерот е убеден во тоа“.
Не е тајна дека односите меѓу ПСЖ и Барселона не се пријателски. Лошите односи започнаа во 2017 година кога ПСЖ за рекордни 222 милиони евра го донесе Нејмар од Барселона. Потоа и Лео Меси заврши на „Паркот на принцовите“, а минатото лето, Барселона не можеше финасиски да одговри на понудата која ПСЖ ја испрати до Усман Дембеле, па и тој заврши во Париз.
Претходно беше обелоденето и дека претседателот на Париз, Насер Ал-Келаифи, не присуствувал на вчерашната традиционална вечера меѓу двете раководства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бекеле по 12 години повторно на Олимписките игри
Кенениса Бекеле, големата атлетска ѕвезда, ќе учествува на Олимписките игри во Париз, 12 години по неговиот последен настап на најголемиот светски спортски настан.
Бекеле, кој има 41 година, последен пат настапи на Олимписките игри во Лондон во 2012 година, кога заврши на четвртото место на трката на 10 километри.
Тој ги пропушти Рио де Жанеиро (2016) и Токио (2022) и сега е дел од 10-члениот атлетски тим на Етиопија за Париз.
Во главниот град на Франција ќе трча маратон на кој во последно време бележи одлични резултати. Тој во декември го освои четвртото место во Валенсија, додека неодамна беше втор во Лондон.
Бекеле освои три олимписки злата и едно сребро. Во Атина во 2004 година победи на 10 километри и беше втор на 5 километри, додека четири години подоцна во Пекинг славеше и на 5 и на 10 километри.
Олимпискиот маратон за мажи е закажан за 10 август.
Спорт
(Видео) Индијана избори мајсторка против Њујорк
Кошаркарите на Индијана славеа против Њујорк (116:103) и со тоа го обезбедија мајсторка во „Медисон Сквер Гарден“.
Екипите продолжија да го бранат домашниот терен, па така и во шестиот меч од полуфиналната серија на Истокот, гостинот загуби.
Најзаслужни за триумфот на Индијана беа Паскал Сијакам со 25 поени, седум скока и пет асистенции и Мајлс Тарнер со 17 поени, осум скока и три асистенции.
Тајрис Халибартон (+9ас), Ти Џеј Меконел и Ендру Небхард постигнаа по 15.
На другата страна се истакнаа Џејлен Брансон кој постигна 31 и Донте ДиВинченцо кој постигна 17 поени.
Првото двоцифрено водство „Пејсерс“ го остварија на крајот од првото полувреме и со исклучок на почетокот на вториот дел не го испуштија.
Разликата во последната четвртина се искачи на +23.
Решавачкиот седми натпревар е закажан за в недела од 21.30 часот во Њујорк.
Победникот, во финалето ќе игра против Бостон Селтикс, кој ги елиминираше Кливленд Кавалирс.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.