Свет
(Видео) Поплави во Русија, илјадници луѓе мораа да ги напуштат своите домови, цели села ги проголтаа излеаните реки
Русија соопшти дека ситуацијата е „многу, многу напната“, бидејќи поплавите продолжија да се зголемуваат во градот Оренбург и околните области.
– Големи количества вода пристигнуваат во нови региони – предупреди портпаролот на Кремљ, Дмитриј Песков.
Нивото на водата во реката Урал во близина на Оренбург се искачи на над 10 метри, објави новинската агенција РИА, многу над точката на прекин.
Поплавите се опишани како најлошите што го погодиле регионот во последните 80 години.
Илјадници луѓе се принудени да ги напуштат своите домови во јужна Русија, а официјални лица во соседен Казахстан велат дека бројот на евакуирани таму се искачи на 97.000. Цели села ги проголтаа излеаните реки.
Околу 2.000 домови се поплавени во Оренбург, каде нивото на водата го надмина критичното ниво од 9,3 метри и се уште расте. Градот има население од 550.000 жители и се наоѓа на околу 1.500 километри (930 милји) југоисточно од Москва.
A religious person might think God has sent this flood as punishment for Russia brutal actions in Ukraine,
Who knows they could be right ?pic.twitter.com/9Qbyz4BxM8— Paddy Irish (@PaddyIrish14) April 10, 2024
– Засега прогнозата не е поволна. Нивото на водата продолжува да расте – рече Песков, додавајќи дека „големо количество“ вода од поплавите наскоро ќе стигне до блиските региони Курган и Тјумен.
Песков додаде дека ситуацијата „се разбира бара најенергични напори на владините претставници на сите нивоа да им помогнат на луѓето“.
Тој рече дека претседателот Владимир Путин нема намера да ја посети зоната на поплави и рече дека рускиот лидер наместо тоа „добива информации и ја координира работата на сите гранки на власта“.
Минатата недела, неколку реки, вклучувајќи ја и реката Урал, трета по големина во Европа, се излеаја од коритата откако наглото топење на снегот и мразот предизвикаа нивно отекување.
Huge floods have hit the Orenburg region of Russia. Water levels have risen 81cm over the last 24 hours and over 7,700 people have been evacuated. #russia #flood #Orenburg #climatechange pic.twitter.com/6n1iYfBTUv
— CGTN Europe (@CGTNEurope) April 10, 2024
Градот Орск, на околу 300 километри низводно од Оренбург, беше поплавен кога водата го проби насипот на браната. Тамошните власти велат дека ситуацијата сега е стабилна.
Реката Урал тече низ Орск во Казахстан, а потоа во Каспиското Море. Поплавите се закануваат на неколку области на северот на Казахстан, а многу брани и акумулации се прелеваат.
Регионалниот лидер Гауез Нурмухамбетов предупреди дека „огромен проток“ на вода се движи кон градот Петропавловск, со население од 200.000 жители.
– Уште еднаш, нагласувам, огромен! – рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марта Кос: Проширувањето е значајно и за Словенија и за Европската Унија
Марта Кос, словенечката кандидатка за еврокомесар денеска изјави дека проширувањето е синоним за ЕУ.
„За мене, проширувањето е синоним за ЕУ, а ЕУ е синоним за мир. Понатаму, мирот претставува стабилност, безбедност, иднина, поврзаност и инклузија“, додаде Кос, претставувајќи ја својата кандидатура за еврокомесар пред Комисијата на националното собрание за ЕУ.
Таа укажа на важноста на портфолиото на проширување и за Словенија и за ЕУ и додаде дека е убедена дека нејзините вештини ќе бидат најочигледни во оваа област.
Кос пред Комитетот, чие мислење не е обврзувачко, изјави дека исполнува три клучни услови за еврокомесар: компетентност, посветеност на ЕУ и независност.
„Вредностите и целите на ЕУ се свети за мене“, рече таа, пренесува агенцијата „СТА“.
Таа посочи дека успешната интеграција на Словенија во ЕУ може да послужи како вреден пример за другите земји од Западен Балкан кои се стремат да се приклучат.
Според неа, напредокот на Словенија и ЕУ е меѓусебно поврзан со напредокот и развојот на нејзините соседи.
Кос повика и на поблиска соработка со Националното собрание и предложи годишно обраќање до парламентот, кое ќе следи по говорот на претседателката на Европската комисија, Урсула фон дер Лајен, за состојбата на Унијата во Европскиот парламент, пренесува Танјуг.
Свет
Нетанјаху вети дека ќе ги врати жителите на северот во нивните домови
Израелскиот премиер Бенјамин Нетанјаху вети дека ќе ги врати во своите домови десетиците илјади жители евакуирани од северната погранична област со Либан.
„Реков претходно, ќе ги вратиме жителите на северот во нивните домови безбедно и токму тоа ќе го направиме“, објави Нетанјаху во кратката видео порака.
Тој не ги спомна експлозиите насочени кон Хезболах во Либан во изминатите два дена, пренесоа агенциите.
Во меѓувреме, бројот на жртвите од денешните најнови експлозии на комуникациски уреди низ Либан се зголеми од девет на 14, а повеќе од 450 луѓе се ранети, соопшти либанското Министерство за здравство.
Началникот на израелската армија, генерал-полковник Херзи Халеви изјави подоцна оваа вечер дека Израел подготвил дополнителни планови против Хезболах и е подготвен да нападне.
Израел има „многу повеќе опции“ кои се уште не се искористени во борбата против Хезболах, објави „Тајмс оф Израел“.
„Имаме многу можности кои се уште не се активирани, видовме некои од овие работи и ми се чини дека сме добро подготвени и се подготвуваме да ги реализираме овие планови“, рече Халеви и додаде дека во секоја фаза цената за Хезболах треба да биде висока, пренесе медиумот.
Свет
Уште една жртва од поплавите во Чешка, Полска и Унгарија ги зајакнуваат насипите околу реките
Чешката Република соопшти дека бројот на жртвите од катастрофалните поплави во земјата, кои ја погодија централна Европа, се искачи на четири, додека во Полска и Унгарија волонтери и персонал за итни случаи брзаат да ги зајакнат заштитните насипи околу реките, бидејќи нивото на водата почна да расте, пренесува Ројтерс.
Најлошите поплави што ја погодија централна Европа во најмалку две децении оставија зад себе трага на уништување што се протега од Романија до Полска, оставајќи затрупани градови во кал и урнатини, уништени мостови и потонати автомобили.
Домаќинствата и владите на погодените земји се соочуваат со штети кои можат да се измерат во милијарди долари, пренесува медиумот.
Со пријавена нова жртва во Чешка, бројот на загинати во Европа од поплавите се искачи на 23.
Според официјалните податоци, по седум лица загинале во Романија и Полска, а уште пет во Австрија.
Новооткриената жртва во Чешка, 70-годишна старица од село, била пронајдена на 20 метри од нејзината куќа. Таа била евакуирана во саботата, но следниот ден го напуштила центарот за евакуација за да се врати дома, објави чешката телевизија.
Во таа земја водата главно се повлекува, но нивото на водата се уште е на својот врв во некои делови на јужна Бохемија.
Во Вроцлав, Полска, голем број луѓе редат вреќи со песок од рака на рака за да се зацврстат бреговите на реката Одра. На југ од таму, тоа го прават полските војници. Највисок водостој во Вроцлав се очекува утре.
Во Унгарија, властите отворија брана во северозападниот дел на земјата за да ја пренасочат водата од реката Лејте во еден резервоар и да ги заштитат градовите.
Во Будимпешта, Дунав се очекува да се искачи на највисокото ниво – над 8,5 метри, во петок или сабота.
Во исто време, силно невреме и се заканува на Италија.
Предупредувања за силен дожд, ветрови и поплави се издадени во поголемиот дел од Италија, јавува Би-Би-Си.
Веќе се објавени извештаи за поплави во Пескара во централна Италија, додека италијанската метеоролошка служба предупредува дека невремето ќе го погоди северниот брег на регионот Емилија-Ромања.
На поплави во наредните денови предупредуваат и властите во Хрватска, Унгарија, Словачка и Полска, јавува Танјуг.