Спорт
(Фото) Медведев дивееше поради судиска одлука, па испадна од Монте Карло

Русинот Даниил Медведев го заврши настапот во Монте Карло. Во осминафиналето тој беше елиминиран од сонародникот Карен Хачанов со 6:3, 7:5.
И во осминафиналето, слично како и во претходниот меч против Гаел Монфис, Медведев имаше жолчна расправија со судијата.
Медведев на мечот против Гаел Монфис му се развика на судијата и му се извини по дуелот, а против Хачанов полуде во вториот сет, поради лоша одлука на судијата при резултат 5:5.
Тоа целосно го изнервира Медведев, кој направи дупла сервис грешка, а потоа го фрли рекетот.
Следуваше жесток разговор со супервизорот, поради што беше казнет со одземање на еден поен.
„Кој треба да реагира? Вчера топката беше надвор од теренот и беше прогласена за добра. Оваа топка беше надвор. Кој ќе преземе одговорност? Не е моја одговорност да ги судам натпреварите. На судијата не му требаат наочари бидејќи секако ништо не може да види“, викаше Медведев.
Before losing to Khachanov, we got another Medvedev meltdown. Another bad line call he says at 5-5, *15-30.
He hits an awful double fault to be broken, and chucks his racket against the backboard.
“Who will take action?! The referee doesn’t need those glasses because he can’t… pic.twitter.com/Hu9TnniPm6
— Olly 🎾🇬🇧 (@Olly_Tennis_) April 11, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал со дебитант на голот против Валенсија

Карло Анчелоти во текот на целата сезона има проблеми со повредини фудбалери, најмногу во дефанзивната линија, па на ред дојдоа и голманите.
Тибо Куртоа и Андреј Луњин нема да можат да настапат викендов гол поради повредите, па на Анчелоти не му преостанува ништо друго освен да му овозможи деби на младиот Фран Гонзалес.
Куртоа се уште не е целосно опоравен од повредата на коленото, но се очекува да биде подготвен за првиот четвртфинален натпревар од Лигата на шампионите со Арсенал.
Луњин има проблем со мускулот, се повреди во текот на натпреварот со Реал Сосиедад во Купот, но сепак остана на голот до крајот на натпреварот.
Младиот Гонзалес неодамна беше европски младински шампион со Шпанија и му се предвидува светла иднина.
Гонзалес оваа сезона настапуваше и за вториот тим на Реал Мадрид. Запиша 16 настапи, а на другите натпревари седеше на клупата на првиот тим.
Натпреварот помеѓу Реал и Валенсија е закажан за в сабота од 16 часот и 15 минути.
Спорт
За плата каква што имаат Сака и Едегор Вилијамс би се преселил во Арсенал

Нико Вилијамс, поради клаузулата која стои во неговиот договор е на мета на голем број европски гиганти, а неговиот менаџер разговарал со челниците на Арсенал.
Крилниот напаѓач на Атлетик Билбао, минатото лето имаше одлично Европско првенство, ја освои титулата со Шпанија. Сето тоа го постави помладиот од браќата Вилијамс како еден од најбараните играчи на пазарот, а неговото заминување од баскискиот клуб е се поизвесно.
Арсенал оваа сезона нема да ја освои титулата во Премиер лигата, а во следната сезона Вилијамс би можел да го замени Мартинели на левата страна. Сепак, за тоа ќе треба да одвои сериозна сума.
Атлетик Билбао ќе сака некаде околу 60 милиони евра обештетување на лето, а Вилијамс сака иста плата како најголемите ѕвезди на Арсенал. Во моментов највисоки плати имаат Мартин Едегор, Деклан Рајс, Букајо Сака и Каи Хаверц, кои земаат околу 15 милиони евра годишно. Толкава плата бара и НикоВилијамс.
Имено, менаџерите на Вилијамс побарале неделна плата од 250.000 фунти, прашање е дали Арсенал ќе прифати, но дефинитивно е дека им е многу потребен играч со квалитет на Вилијамс.
Спорт
Тонали во Јувентус? Може за 75 милиони евра
Сандро Тонали е на врвот на приоритетите на Јувентус за летниот преоден рок, но Њукасл нема намера да го продаде за помалку од 75 милиони евра, пренесува „Газета дело Спорт“.
Тонали покажа класа оваа сезона, одигра 36 натпревари, со четири гола и две асистенции, тој е еден од најважните играчи во тимот на Еди Хау. Њукасл неодамна го освои Лига купот на Англија.
Според италијанскиот медиум Еди Хау нема намера да го продаде Тонали бидејќи е под договор до јуни 2028 година.
Сепак, Јувентус сака да го реновира составот, ќе ослободи значителни средства доколку го продаде Душан Влаховиќ.
Њукасл го купи Тонали од Милан во јули 2023 година, но речиси во целост ја пропушти дебитанската сезона, бидејќи играчот беше суспендиран поради нелегално обложување на фудбалски натпревари. Тонали одигра 12 натпревари пред да биде суспендиран на 10 месеци во средината на октомври.