Европа
(Видео) Извлечено телото на четвртиот загинат во експлозијата во италијанската хидроцентрала
![](https://makfax.com.mk/wp-content/uploads/2024/04/hidro-830x0.jpg)
Италијанската полиција денеска соопшти дека е пронајдено и извлечено телото на уште една жртва, која загина во експлозијата во хидроцентралата кај Болоња, што се случи во вторникот.
Со тоа бројот на жртвите се искачи на четири, пренесува АНСА.
Претходно, беше соопштено дека уште пет лица се повредени во експлозијата што се случи во електраната „Енел“ за време на работи на одржување кога се урна дел од деветкатната подземна градба.
❌#Bologna, #esplosione nel primo pomeriggio di #oggi in una centrale idroelettrica semi-sommersa a Bargi, nei pressi del lago di Suviana: soccorsi 3 operai feriti, #vigilidelfuoco impegnati nelle operazioni di ricerca di possibili dispersi. Intervento in corso [#9aprile 16:30] pic.twitter.com/EsT20o16lM
— Vigili del Fuoco (@vigilidelfuoco) April 9, 2024
Откако турбината експлодира на осмиот кат под површината, избувна пожар, а најнискиот подземен слој беше целосно поплавен.
Во меѓувреме, локалното обвинителство почна истрага за инцидентот.
Серијата неодамнешни несреќи во Италија предизвикаа загриженост кај синдикатите за безбедноста на работниците на работното место, а двата најголеми синдиката во земјата веќе најавија планови за одржување четиричасовен штрајк во Италија.
Во февруари пет работници загинаа, а тројца беа тешко повредени при изградба на супермаркет во Фиренца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Огромна количина оружје пристигнува во Украина од Америка
![](https://makfax.com.mk/wp-content/uploads/2024/07/raketi-ukraina.jpg)
Соединетите Држави ќе испратат на Украина нов пакет воена помош во вредност од дури 2,3 милијарди долари, потврди денеска американскиот секретар за одбрана Лојд Остин. Пакетот ќе вклучува клучни системи за противвоздушна одбрана, како и противтенковско оружје. Тоа е еден од највредните пакети за воена помош од почетокот на војната.
Потврдата за новиот пакет воена помош доаѓа во време кога ослабените и побројни украински сили се обидуваат да ја задржат руската офанзива, при што Русите во последно време често освојуваат села во источна Украина.
„САД наскоро ќе објават пакет воена помош во вредност од над 2,3 милијарди долари“, рече Остин на почетокот на средбата со неговиот украински колега Рустем Умеров.
„Пакетот ќе вклучува противвоздушни одбранбени системи за пресретнување на ракети, противтенковско оружје и разновидна критично потребна муниција. Сето ова ќе дојде од американските резерви“, рече Остин.
„Новиот пакет помош ќе им овозможи на САД да испратат повеќе противвоздушни ракети Патриот и НАСАМС, кои ќе бидат испратени по итна постапка“, додаде тој.
Умеров му се заблагодари на Остин за помошта, велејќи дека „благодарение на помошта на сојузниците, ќе ја запреме Русија и нејзината агресија“.
Америка е клучен сојузник на Украина во одбраната од руската агресија која трае речиси 2,5 години. Од почетокот на војната, САД испратија оружје и друга воена опрема во вредност од 51 милијарда долари.
Европа
Шумски пожар во популарно турско одморалиште: „Продолжуваме со воздушна и копнена интервенција“
![](https://makfax.com.mk/wp-content/uploads/2024/07/pozarnikari-shuma1.jpg)
Шумски пожар избувна во неделата во областа Лара во турското летувалиште Анталија, каде што се наоѓа хотелски комплекс, соопшти градоначалникот на градот, Мухитин Бејек.
„Продолжуваме со воздушната и копнената интервенција за гаснење на пожарот што избувна во шумската област во регионот Лара“, изјави тој на социјалната мрежа „Икс“.
Бејек додаде дека властите се во состојба на готовност поради зголемениот ризик од шумски пожари истакнувајќи дека моментната температура во Анталија е 36 степени. Претходно денеска, беше објавено дека големи шумски пожари ги зафатија турските провинции Чанаккале, Измир и Ајдин.
Во провинцијата Чанаккале пожар зафати земјоделско земјиште во регионот Езине. Спасувачите морале да ги евакуираат жителите на неколку села. Шумски пожари ги зафатија областите во близина на градовите Бурса, Едрене, Баликесир, Караман и Караманмарас.
Европа
(Видео) Украинците објавија невидени снимки од преземањето на Змискиот Остров
![](https://makfax.com.mk/wp-content/uploads/2024/07/zmiski-ostrov-prezemanje.jpg)
Досега невидени снимки објавени вчера од Украинската служба за безбедност (СБУ) покажува како киевските сили пред две години зазеле клучен пункт во Црното Море. Украинските сили, заедно со агентите на СБУ, „спроведоа уникатна и исклучително важна операција“ на Змискиот Остров во јуни 2022 година, се вели во објавата на СБУ во „Телеграм“.
Московските воени авиони го гаѓаа Змискиот Остров во првите часови од инвазијата, која почна на 24 февруари 2022 година. Украинските војници стационирани на островот добија култен статус кога одговорија со пцости на барањето да се предадат.
Судирите меѓу руските и украинските војници за Змискиот Остров повторно се најдоа на насловните страници во јуни истата година. Украинците ја презедоа контролата на островот, а Русите најавија дека ќе се повлечат од островот.
Звільнення о. Зміїний: унікальні кадри воїнів СБУ
У червні 2022 року спецпризначенці ЦСО «А» СБУ разом із бойовими побратимами з ГУР МОУ та ЗСУ провели унікальну та надзвичайно важливу операцію.
Пам’ятаємо Героїв України, які віддали свої життя у цій битві.
1/3 pic.twitter.com/qtDOT8nNLg
— СБ України (@ServiceSsu) June 30, 2024
„Руските вооружени сили ги завршија задачите на Змискиот Остров и се повлекоа“, изјави тогаш портпаролот на руското Министерство за одбрана.
Видеото на СБУ покажува како украинските војници се приближуваат до Змискиот Остров и пукаат во цели. Камерите покажуваат и војници како слетуваат на островот и се пробиваат низ срушените згради додека пукаат со оружје, пишува „Њузвик“.
Операцијата „се состои од неколку фази“, соопшти СБУ. Тие додадоа дека повторното заземање на Змискиот Остров „било од стратешко значење бидејќи оттогаш почнало постепеното движење на непријателот од Црното Море“.
Кирило Буданов, шеф на украинската воена разузнавачка агенција (ГУР), претходно го опиша Змискиот Остров како стратешки клучен од цивилни, комерцијални и воени причини. „Оној што го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина“, рече Буданов во средината на мај 2022 година.
Островот се наоѓа во близина на Романија во северозападниот дел на Црното Море. За време на војната, Украина ја ослабе руската Црноморска флота, која делумно оперира од руската база Севастопол, на западниот раб на анектираниот полуостров Крим.
Извештаите сугерираат дека Кремљ планира нова воена база во пристаништето Очамчире во Абхазија, отцепен регион на Грузија. Ова би ги ставило руските бродови уште подалеку од украинскиот брег. Западното разузнавање процени дека Русија веќе ја ограничила својата активност во северозападниот дел на Црното Море преместувајќи ги своите бродови уште на исток во својата база во Новоросијск.