Спорт
„Арсенал нема повеќе шанси за титулата“
Фудбалерите на Арсенал не се прославија во 32. коло од Премиер лигата.
„Топчиите“ на домашен терен загубија од Астон Вила со 2:0 и на Манчестер сити им ја препуштија лидерската позиција на табелата.
Легендата на Арсенал, Пол Мерсон по ова коло, во кое пораз покрај Арсенал забележа и Ливерпул е сигурен дека трката за титулата е завршена.
„Манчестер сити изврши притисок кој Ливерпул и Арсенал не можеа да го издржат. Но, Кристал Палас и Астон Вила беа апсолутно фантастични“.
„Арсенал нема повеќе шанси за титулата, јас сум 100 отсто убеден“, изјави Мерсон за „Скај Спортс“.
Мерсон го критикуваше менаџерот Микел Артета за неколкуте промени во тимот во однос на дуелот против Баерн во Лигата на шампионите. Олександар Зинченко, Габриел Жесус и Леандро Тросар ги заменија Јакуб Кивиор, Жоржњо и Габриел Мартинели. Каи Хаверц играше повеќе во редот за врска.
„Реков пред натпреварот дека не ми се допаѓа тимот што го избра Артета. Продолжете да играте со истиот победнички тим секоја недела. Артета тоа го направи и лани против Саутемптон (3:3 дома) кога, на пример, го изостави Жоржињо. Притисокот влијае на сите. Тука ви е потребен Пеп Гвардиола кој останува ладен кога се решеваат работите“, истакна Мерсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.