Регион
Во Хрватска се одржуваат парламентарни избори
Денеска, во Хрватска се одржуваат редовни парламентарни избори, на кои право на глас имаат околу 3,7 милиони гласачи.
Повеќе од 6.500 избирачки места беа отворени во 7 часот, на кои може да се гласа до 19 часот, до кога е во сила изборниот молк.
Во 19 часот ќе бидат објавени резултатите од првите анкети, а во 21 часот Државната изборна комисија ќе ги објави првите изборни резултати, кои ќе се ажурираат на секои 15 минути, пренесува „Индекс.хр“.
Ова, анализира медиумот, се најнеизвесните парламентарни избори од прогласувањето на независноста на Хрватска во 1991 година.
Хрватскиот претседател Зоран Милановиќ неочекувано најави дека ќе биде кандидат за премиер на опозициската Социјалдемократска партија (СДП), од која замина во февруари 2020 година.
Негов главен ривал, со кој отворено се судри речиси за сите внатрешни и надворешни политички прашања, е поранешниот премиер и лидер на Хрватската демократска заедница (ХДЗ), Андреј Пленковиќ. Тој и неговата партија сакаат да добијат трет мандат на изборите за формирање влада.
ХДЗ во голема мера доминира со владата откога Хрватска стекна независност од поранешна Југославија во 1991 година. Таа стана членка на НАТО во 2009 година, ѝ се приклучи на Европската Унија во 2013 година, а од 2023 година е членка на еврозоната, членка на монетарната унија на ЕУ.
Предизборните анкети објавени на водечките медиуми во Хрватска предвидуваа дека ХДЗ ќе биде релативен победник, што му дава поголема шанса на Пленковиќ да формира влада, но ниту една партија нема да може да го направи тоа самостојно, па владата ќе зависи од постизборни коалиции, според тамошните анализи.
Од изборите, кои изгледаа многу предвидливо пред неколку месеци, со влегувањето во изборната трка на Милановиќ, познат по острата реторика и стил, предизборниот период го одбележаа остри полемики.
Уставниот суд му забрани на Милановиќ да се кандидира за пратеник на листата на СДП бидејќи не поднел оставка од функцијата претседател, па делумно учествувал во кампањата.
Иако поради забраната не учествуваше на предизборните митинзи на СДП, Милановиќ во речиси секојдневните изјави за новинарите и објавите на социјалните мрежи ја критикува ХДЗ за низа корупциски скандали, ги повика граѓаните да гласаат за која било партија, освен за ХДЗ и Пленковиќ, и најави дека како кандидат на СДП, чиј претседател некогаш беше, ќе формира влада на национален спас.
Во понеделникот, последниот ден од кампањата, Милановиќ и Пленковиќ го продолжија вербалниот конфликт, кој трае со години.
Пленковиќ истакна дека Милановиќ „ја турка Хрватска во рускиот свет“ алудирајќи на неговото противење на обуката на украинските војници во Хрватска, а Милановиќ го нарече премиерот „кум на криминалот во Хрватска“ и „херојски зајак“.
На завршната прес-конференција на ХДЗ во Загреб премиерот рече дека очекува голема поддршка на изборите и убедлива победа на неговата партија поради резултатите што ги постигнале во изминатите осум години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ за гласањето на Резолуцијата за Сребреница: Ќе има разочарувачки вести за ставовите на некои земји за кои не очекувавме „да ни забијат нож во грб“
Претседателот на Србија, Александар Вучиќ денеска најави дека при гласањето на Резолуцијата за геноцидот во Сребреница ќе има „разочарувачки вести“ во однос на позициите на некои земји.
„Ги добивме податоците, секако дека ќе има разочарувачки вести во однос на ставовите на некои земји за кои не очекувавме „да ни забијат нож во грб“, но очекувавме голем притисок и знаевме дека ќе има промени во ставовите. Цело време молчеа, но застанаа на страната на оние кои се големи и силни“, изјави Вучиќ на новинарите во обраќањето од Њујорк.
Тој изјави и дека верува оти „многумина кои ќе гласаат за Резолуцијата за геноцидот во Сребреница утре ќе кажат дека таа е за доброто на Србија“.
„Ќе ја повторат празната приказна дека не е колективна вина на српскиот народ“, рече претседателот на Србија.
Вучиќ рече дека ќе има „и такви кои ќе го издржат притисокот“.
„Парадоксално е што седницата на Генералното собрание на Обединетите нации ќе ја отворат Германците, повторно ќе ни судат, ќе одговорам и ќе возвратам на секој удар, а ќе имаме доволно пријатели кои ќе се појават во четврток навечер“, изјави Вучиќ.
Регион
(Видео) Силно невреме ја зафати Србија: жена загина во Сомбор
Силно невреме го погоди Сомбор околу 17 часот, а на социјалните мрежи кружат фотографии од соборени дрвја во овој град.
Исто така, како што соопшти српското МВР, една жена настрадала кога дрво паднало врз автомобилот во кој се наоѓала.
Поројни дождови и град ги погодија и Нови Пазар, Ивањица, Чачак.
Силно невреме денеска околу 15 часот го зафати Нови Пазар и околината, предизвикувајќи прекин на електричната енергија во неколку населени места, јавува Танјуг.
Fallen branches and trees at northwestern Serbia due to convective wind gusts on this evening, in Kucura near town Vrbas (first photo), and in town Sombor (2nd and 3rd photo).
Source – Facebook page: https://t.co/wDYT1MhWyc pic.twitter.com/7CB9lfJcJL
— Milos Milic (@skomimaster) May 21, 2024
Силен дожд и град со големина на ореви паѓаа со часови без престан, пренесуваат српските медиуми.
Поради обилните врнежи, на улиците се појавија големи количества вода, што го отежна движењето на автомобилите.
Регион
Врани напаѓаат луѓе во Србија
Најмалку две врани нападнале девојче во Ниш. Бегајќи од птиците паднала во грмушките покрај пешачката патека. Таа врескала и се обидела да се одбрани мавтајќи со хартијата во раката.
Тамошните медиуми пишуваат дека ова не е прв напад на врана во Србија оваа година. Тие пишуваат дека врани нападнале и постар човек додека преминувал на пешачки премин.
Нападите во овој период од годината не се невообичаени бидејќи враните напаѓаат во близина на гнезда, а како што се наведува во видеото кое се шири на социјалните мрежи, една врана испаднала од гнездото и затоа се свртеле кон луѓето.
Според експертите, птиците од семејството на врани (Corvidae) се меѓу најинтелигентните суштества на Земјата. Иако имаат многу помал мозок од мајмуните и делфините, тие поседуваат исклучително високи когнитивни способности. Тестовите покажале дека знаат да решат сложени проблеми во седум или повеќе чекори. Покрај тоа, една студија објавена во 2016 година во списанието „Nature“ покажа дека тие имаат способност наречена теорија на умот. Тоа е способноста да се разбере дека другите суштества имаат ум, кој до неодамна се сметаше за исклучиво човечки потенцијал. Дури и децата под три години немаат целосно развиена теорија на умот.
Ако сакате да избегнете напади на врани во сезоната кога тие се особено возбудени, експертите препорачуваат неколку правила.
„Иако може да изгледа дека врани напаѓаат без причина, тоа не е точно. Напаѓаат само кога имаат добри причини за тоа, а најважни се младенчињата или агресивното однесување кон нив. Треба да знаете дека враните многу добро ги паметат лицата дури и неколку години. Затоа, најдобро е да не ги вознемируваме и да не се однесуваме агресивно, бидејќи агресијата може да се врати со задоцнување.
Враните и нивните потомци од претходните години будно внимаваат на младите кои сè уште не созреале. Затоа, во сезоната од мај до почетокот на јули, најдобро е да се избегнуваат нивните места за гнездење, особено младите.
Враните се исклучително интелигентни и добро ги паметат лицата – со години. Мажот што го доживуваат како агресор ќе биде препознаен по долго време, дури и ако се облекува сосема поинаку. Згора на тоа, бидејќи тие имаат способност да комуницираат и да поучуваат, тие ќе шират информации до другите членови на јатото, врз основа на кои агресорот ќе стане непожелна личност за секого.
Сезоната на зголемена агресивност на врани завршува на почетокот на јули. Враните исто така можат да ги перцепираат децата како натрапници, па родителите треба да бидат особено внимателни. Имено, децата можат да предизвикаат напад на врани со нивното возбудено однесување, трчање и мавтање со рацете“, предупредуваат експертите.
(Видео) Поплавувања и штети од пороен дожд и град во Куманово, Старо Нагоричане и Липково, се очекува зголемување на водостојот на Лепенец
Центарот за управување со кризи информира дека заради локалните врнежи на дожд има пријави за поплавувања и штети од град...
Осомничениот за двојното убиство Љупчо Палевски – Палчо, спроведен во Кривичниот суд: одреден му е притвор од 30 дена
Осомничениот за двојното убиство во Скопје и Велес од ноември минатата година, Љ.П. кој на 15.05.2024 година беше екстрадиран од...
30-дневен притвор за судијата Наќе Георгиев
Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење организиран криминал...
Одземање на пасошот и мерки за претпазливост за Иџет Мемети, бара Обвинителството
Јавниот обвинител од Основното јавно обвинителство за гонење на организиран криминал и корупција до судијата на претходна постапка при Основниот...
Иљази им забрани на докторите од Токсикологија да даваат изјави за медиумите
Економската директорка на Клиниката за токсикологија, Бесија Иљази, им забрани на вработените на Клиниката за токсикологија да даваат медиумиски изјави...
Повеќе од 100 отсто зголемен бројот на претставки за дискриминација во 2023 година, Комисијата се жали на ограничен буџет и малкумина вработени
Комисијата за спречување и заштита од дискриминација минатата година добила двојно повеќе претставки во однос на 2022 година. Денес, Комисијата...
Загина маж во Кичевско: со возилото излетал од патот
Вчера во 13.00 часот во ОВР Кичево било пријавено дека на магистралниот пат А2, кај с.Трапчин Дол, кичевско, патничко возило...
Тело на маж извлечено од Вардар кај Камениот мост – засега не е познат неговиот идентитет
Вчера, околу 20 часот, тело на машко лице било забележано од водите на реката Вардар во Скопје. Според изјавите на...
Одземен имунитетот на судијата Наќе Георгиев, Обвинителството отвори истрага и против Мемети, но за него не се бара притвор
Обвинителството отвори истрага за врховниот судија Наќе Георгиев и за членот на Советот на јавните обвинители, Иџет Мемети, кои се...
МВР утврди неправилности: забавниот парк со панорамско тркало во Карпош ќе биде отстранет
Постапувајќи по допрен глас дека во Скопје, на подрачјето на општина Карпош, поточно пред спортскиот центар „Борис Трајковски“, без соодветни...
Франција го поддржува Хаг во повикот за налог за апсење на Нетанјаху
Министерството за надворешни работи на Франција соопшти дека ја поддржува независноста на Меѓународниот кривичен суд и неговата борба против неказнивоста...
Претрес и кај Иџет Мемети во случајот со барањето поткуп
Синоќа, по наредба на судија на претходна постапка, извршен е претрес во домот на членот на Советот на јавните обвинители,...
Најмоќната серија земјотреси во последните 40 години: јужна Италија за пет часа регистрира 150 потреси
Речиси 150 земјотреси, најсилни во последните 40 години, се регистрирани вчеравечер и утринава на полињата Флегра во близина на Неапол...
Едно лице загина во напад со украинско беспилотно летало во регионот на Белгород
Една жена загина, а три лица се повредени во напад со дрон на Вооружените сили на Украина врз автомобил во...
Најмалку 10 лица повредени од удар на гром во Дрезден
Најмалку десет лица се повредени, од кои четворица потешко, во удар на гром за време на краткото, но силно невреме...
Во Полска уапсени девет лица за акти на саботажа во име на Русија
Полскиот премиер Доналд Туск соопшти дека полицијата уапсила девет лица кои извршиле саботажа во Полска за услугите на Русија. „Во...
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп. „Денеска 20 мај, лишен од слобода е судија од...
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската...
За пари, син со нож му се заканувал на таткото во Велешко
Основното јавно обвинителство Велес поведе постапка против лице од селото Раштани за кое постои сомнение дека сторило кривично дело загрозување...
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени...
