Спорт
(Видео) Јунајтед испушти предност од 3:0, па на пенали го елиминира Ковентри
Фудбалерите на Манчестер јунајтед (не) заслужено се пласираа во финалето на ФА купот. Во второто полуфинале, Јунајтед на пенали го победи Ковентри (осмопласиран во Чемпионшип) со 4:3. Во регуларниот дел од натпреварот Јунајтед испушти предност од 3:0, а во 120.минута милиметарски офсајд го спаси од елиминација.
Избраниците на Ерик Тен Хаг доминираа во играта во првото полувреме и благодарение на тоа заминаа на пауза со два гола предност.
Скот Мектоминеј им донесе предност на „ѓаволите“ со гол во 23. минута, а вофинишот на првото полувреме вториот гол го постигна Хари Мегваер по корнерот на Бруно Фернандес.
Во 58. минута капитенот на Јунајтед сам ја затресе мрежата за 3:0.
Дефицитот на Ковентри го намали поранешниот играч на Евертон, Елис Симс во 71. минута. О’Хара го постигна вториот гол за тимот на Марк Робинс осум минути подоцна.
Ковентри можеше да израмни, но Онана тоа го спречи тоа со неверојатна одбрана. Во судиското надополнување, беше досуден пенал за Ковентри откако топката го погоди Ван Бисака во таката. Пеналот го реализираше американскиот напаѓач Хаџи Рајт.
Бруно Фернандеш за малку ќе донесе ново водство на клубот со најмногу трофеи во историјата на ова натпреварување, но неговиот проектил ја погоди стативата, во првото продолжение.
Стрелецот на израмнувачкиот гол Рајт имаше шанса во 112. минута, но неговиот удар заврши крај голот, потоа Симс ја погоди гредата.
Во 120.минута Троп постигна гол, кој подоцна ВАР го поништи поради милиетарски офсајд.
Во пенал серијата Колинс го одбрани првиот пенал, шутираше Касемиро, а потоа во четвртата серија Онана го одбрани ударот на О’Хара, а во петтата ударот на Шиф заврши над холот.
Финалето е закажано за 25 мај, а Јунајтед ќе се сретне со Манчестер Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024