Спорт
Јокиќ, Дончиќ и Шеј во трка за МВП-наградата
НБА лигата ги објави имињата на кандидатите кои се во конкуренција за индивидуалните награди .
За најпрестижната награда, МВП на регуларниот дел од сезоната, во конкуренција се кошаркарот на Денвер, Никола Јокиќ, кој според статистиката и голем број од аналитичарите и медиумите има најголеми шанси да ја добие наградата. Опоненти на Јокиќ му се најдобриот стрелец во лигата, Лука Дончиќ од Далас и Шеј Гилџис- Александар од Оклахома сити Тандер.
Доколку ја добие наградата, Јокиќ ќе стане деветтиот играч со три или повеќе признанија МВП, тој ќе им се придружи на Карим Абдул-Џабар (шест), Мајкл Џордан и Бил Расел (пет), Вилт Чембрлен и Леброн Џејмс (четири), односно Мозес Мелон, Лери Бирд и Меџик Џонсон (три).
Од друга страна, Дончиќ и Гилџис-Александар за прв пат во кариерата би ја добиле оваа награда.
Покрај кандидатите за најкорисен играч на сезоната, НБА ги објави имињата на кандидатите во уште шест категории.
Виктор Вембањама од Сан Антонио, минатогодишниот прв пик на драфтот е главен фаворит за наградата дебитант на годината, а конкуренти му се Чет Холмгрен од Оклахома сити Тандер и Брендон Милер од Шарлот Хорнетс.
Бем Адебајо од Мајами, Руди Гобер од Минесота и Виктор Вембањама се во конкуренција за најдобар дефанзивец во лигата, додека Тајрис Макси од Филаделфија, Алперен Шенгун од Хјустон и Коби Вајт од Чикаго се кандидати наградата наречена „Играч кој најмногу напредувал“.
Кандидати за најдобар шести кошаркар во лигата се Малик Монк од Сакраменто Кингс, Боби Портис Јуниор од Милвоки Бакс и Наз Рид од Минесота Тимбервулвс, а за наградата „клач“, односно „мајсторот во завршницата“, Стеф Кари од Голден Стејт, Демар Дерозан од Чикаго и Гилџес-Александар од Оклахома .
Конечно, во трката за наградатаза тренер на годината се Марк Дегнолт од Оклахома, Крис Финч од Минесота и Џамал Мозли од Орландо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Халанд влезе во историјата на Норвешка, па објави дека ќе стане татко
Ерлинг Халанд ја потврди својата блескава форма оваа сезона со историскиот подвиг во норвешката репрезентација. Тој постигна два гола во победата над Словенија 3:0, во Лигата на нации.
Во 36. настап за репрезентацијата Халанд го постигна 34.гол и стана најдобар стрелец во историјата на Норвешка. Халнад го собори рекордот на Јорген Јове од 1937 година.
Но, вистинската прослава следуваше по натпреварот. Халанд се врати на тревникот на стадионот во Осло, ја стави топката под дресот во пределот на стомакот и палецот во устата и позираше пред фотографите. Тој веднаш ја објави сликата на социјалните мрежи со емоџи од мало дете и порака „наскоро“.
Тоа беше позитивен шок за неговите соиграчи и норвешката јавност. Секако, вака објави дека тој и неговата девојка Изабел Хаугсенг Јохансен, која беше на стадионот чекаат дете.
Спорт
(Видео) Инцидент во Евролигата – Брајант го гризна Биберовиќ
Дербито на Истанбул во Евролигата, во салата на Ефес им припадна на кошаркарите на Фенербахче (93:69).
Натпреварот го обележа инцидентот во третата четвртина меѓу Елајџа Брајант (Ефес) и Тарик Биберовиќ (Фенербахче).
Фенер беше во напад, Елајџа Брајант се обиде да го запре Тарик Биберовиќ, а потоа и двајцата завршија на паркетот. Кошаркарите тргнаа физички да се пресметаат, соиграчите успеаја да ги раздвојат, а судиите ги исклучија двајцата.
Сепак, ТВ камерите не успеаја да го овековечат најдоброто од она што се случуваше.
Дури по крајот на натпреварот, благодарение на фотографија, беше целосно јасно што се случи, Брајант најверојатно го гризнал Биберовиќ.
Değerli Fenerbahçe Camiasına..
Bugün oynanan Anadolu Efes – Fenerbahçe Beko Euroleague 2. Hafta mücadelesinde, rakip oyuncu Elijah Bryant’ın, oyuncumuz Tarık Biberovic’e yerde bulunurken gerçekleştirmiş olduğu saldırı, basketbolun rakebet ve fair-play ruhuna tamamen aykırıdır,… pic.twitter.com/IlBK6rjGb1
— 1907 Basketbol (@1907Basketbol1) October 10, 2024
ulan tarık ellerine sağlık 😂😂 https://t.co/B5oilGopi5 pic.twitter.com/KtR4t11uXF
— seher (@bekobahcem) October 10, 2024
Спорт
(Видео) Шок на Вембли: Два гола на Павлидис, Грција ја победи Англија
Грција го направи најголемото изненадување во досегашниот тек од Лигата на нации. Грците ја победија Англија на „Вембли“ со 2.1 во третото коло, во Групата 2. Ова е прв пораз на Англија на „Велмбли“ по четири години.
Грците до најголемата победа во последните 20 години, од финалето на ЕУРО 2004 во Португалија, ги предводеше Василис Павлидис.
Напаѓачот на Бенфика го постигна првиот гол во во 49. минута, тој постигна уште еден во 83.минута, но голот беше поништен поради офсајд.
Белингем во 88.минута изедначи на 1:1, но Англија сепак не успеа да го избегне поразот. Во 94.минута Павлидис го постави конечниот резултат.
Грција со максимални девет бода ја предводи Групата 2, Англија има шест.