Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Кејт Винслет не сака да има социјални мрежи: „Зарем тоа не е само пречка?“
Холивудската актерка, Кејт Винслет не ги користи социјалните мрежи и не планира.
Кога ја прашале дали би се придружила на некоја од популарните апликации, особено затоа што таа често станува вирална, Кејт изјавила за Entertainment Tonight: „Мислам дека не. Зарем тоа не е само пречка? Како искрено да ги погледнам моите деца и да им кажам дека не сум сигурна дали е добра идеја ако и самата имам“, изјави актерката.
Таа не сака нејзините деца да имаат социјални мрежи
Имено, Кејт не дозволува нејзините деца Миа (24), Џо (21) и Беар (11) да имаат социјални мрежи. Згора на тоа, таа вели дека тоа е забрането во нејзиното домаќинство.
Кејт на оваа тема зборуваше и во 2015 година, кога беше објавен нејзиниот филм за ко-основачот на Apple, Стив Џобс. Тогаш рекла дека не ја бива со технологијата, но дека не е строга со децата кога е во прашање интернетот.
„Не сум строга, но мора да имаш правила. Ние секако ги имаме, да“, рече таа.
Забава
Пивото без алкохол станува сè попопуларно, дури и на Октоберфест
Пивото без алкохол стана сè попопуларно во последниве години, дури и на Октоберфест.
Во Минхен на 21 септември свечено беше отворен традиционалниот фестивал Октоберфест, 189-ти по ред, а до 6 октомври ќе продефилираат милиони љубители на пивото. Сепак, годинава цените на пиво ги уриваат сите рекорди, поради што голем број посетители отворено протестираат.
Цената на половина литар пиво чини од 13,60 до 15,30 евра, па многу пивопијци ќе мора умерено да го пијат омилениот пијалок за да не останат со празни џебови.
Настанот започна со градоначалникот на Минхен, Дитер Рајтер, кој традиционално го чука првото буре пиво, со што го означи 189-от почеток на фестивалот.
Забава
Девојката на Мик Џегер за нивната разлика во години: Не размислувам за тоа
Партнерката на Мик Џегер Мелани Хемрик не се грижи за нивната разлика во годините.
Во интервју за The Sunday Times, 37-годишната Мелани одговори на критиките во врска со разликата во годините меѓу неа и Џегер (81). „Не размислувам за тоа. Секој има свое мислење“, рече таа.
„Ако размислувате за мислењата на другите луѓе, без разлика каде сте во животот, ќе имате проблем“, додаде таа.
На крајот открила дека е среќна и не се грижи за ништо друго.
„Дали сум среќна? Да. Дали луѓето во мојот живот се среќни? Да. Дали повредувам некого? Не. Во ред, гледајте си ја вашата работа“, рече таа.
Таа откри дека таа и Џегер живеат на две места: изнајмена куќа во Њујорк и замок на реката Лоара во Франција, каде што нивниот син Деверо оди на училиште.