Според последните извештаи, најмалку 79 луѓе загинале, а 155 се повредени при уривање на покрив на ноќен клуб во главниот град на Доминиканската Република.

Меѓу загинатите е и популарен пејач, гувернерот на провинцијата и поранешен професионален бејзбол играч Октавио Дотел, соопштија властите.

Спасувачките екипи, користејќи тешка опрема, цел ден се обидуваат да извлечат преживеани од урнатините. Хуан Мануел Мендез, шеф на оперативниот центар за итни случаи на Доминиканската Република, претходно во вторникот изјави дека сè уште не го знае точниот број на луѓе во клубот во моментот на колапсот.

❗️🇩🇴 – A roof collapse at a nightclub in the Dominican Republic has left at least 13 people dead and 93 others hospitalized, according to local reports.

The tragic incident, which occurred in a popular entertainment venue. Authorities are investigating the cause of the… pic.twitter.com/ZoR3Oq12wb

— 🔥🗞The Informant (@theinformant_x) April 8, 2025

Локалните медиуми претходно проценија дека во моментот на трагедијата во клубот Џет сет биле присутни меѓу 500 и 1.000 луѓе. Несреќата се случила во вторникот околу 45 минути по полноќ за време на концертот на популарниот доминикански пејач Руби Перез, кој е меѓу загинатите, според неговиот менаџер и членовите на семејството во близина на местото на настанот. На настанот присуствуваа политичари, спортисти и други истакнати личности.

Меѓу жртвите е Нелси Круз, гувернерка на северната провинција Монте Кристи, изјави претседателот Луис Абинадер. Круз беше сестра на поранешниот бејзбол играч Нелсон Круз, седумкратен MLB All-Star.

Во колапсот загинаа и поранешните МЛБ играчи, Октавио Дотел и Тони Бланко, потврдија локалните власти. Дотел почина на пат кон локалната болница откако беше извлечен од урнатините, изјави портпаролот на националното министерство за спорт.

Дотел (51) го имаше своето деби за Њујорк Мец во 1999 година и играше за повеќе од десетина тимови до 2013 година.

Утрово стапија на сила рекордните американски царини за кинески увоз, кои ќе достигнат дури 104 отсто за многу производи.

Некои производи, како што се автомобили, чипс, челик и алуминиум, сè уште ќе подлежат на пониски царини, но повеќето други увозни категории од Кина ќе бидат предмет на целосни царини.

Засега Пекинг не покажува знаци на попуштање и најавува нови контрамерки против американскиот увоз. Но, некои аналитичари веруваат дека овие царини може сериозно да влијаат на кинеската економија и да ја принудат да претрпи структурни промени.

Дан Ванг од консултантската компанија Eurasia Group истакнува дека секоја царина над 35 отсто ќе ги избрише сите профити на кинеските компании кои извезуваат во САД или Југоисточна Азија.

„Се што е над тоа ниво е симболично“, рече Ванг, цитирајќи бројки од индустријата.

Таа, исто така, предупреди дека Кина би можела да ја пропушти целта за годишен раст од околу 5 отсто доколку економијата се затвори за меѓународната трговија.

„Растот ќе биде значително помал бидејќи извозот и надворешната побарувачка придонесоа од 20 до 50 отсто во вкупниот економски раст по пандемијата“, додаде таа.

Тим Вотерер од брокерската куќа КЦМ Трејд се согласува дека царините од 104 отсто нема да бидат одржливи за Кина на долг рок, со оглед на нејзината извозно ориентирана економија.

„Краткорочно тие можат да се справат, но на долг рок тоа бара структурни промени – како потпирање на домашната потрошувачка“, рече Вотерер.

Кандидатот на американскиот претседател Доналд Трамп за директор на НАСА, Џеред Ајзакмeн, рече дека вселенската агенција ќе даде приоритет на испраќање американски астронаути на Марс.

„Наш приоритет ќе биде испраќање американски астронаути на Марс. На тој пат, неизбежно ќе ги развиеме способностите потребни за враќање на Месечината и да ги утврдиме придобивките од постојаното присуство на површината на Месечината“, рече Ајзакмeн во писмената изјава подготвена за сослушување пред Комитетот за трговија, наука и транспорт на американскиот Сенат.

Ројтерс во понеделникот објави дека Ајзакмeн, зборувајќи со сенаторите минатата недела, ја истакнал важноста да се вратат луѓето на Месечината пред Кина да го стори тоа. Неговите зборови донекаде ја намалија загриженоста дека програмата на НАСА за Месечина, вредна повеќе милијарди долари, може да биде загрозена со префрлање на фокусот на Марс.

Програмата „Артемис“ на НАСА, која има за цел да ги врати луѓето на Месечината, беше лансирана за време на првиот претседателски мандат на Трамп како начин да се тестираат технологиите потребни за мисии на Марс со подолг дострел.

Неговиот став за програмата „Артемис“ се очекува да биде жестоко дебатиран за време на сослушувањето во Сенатот.

НАСА веќе инвестираше милијарди долари во програмата за враќање на Месечината, соработувајќи со американските сојузници и бројни приватни компании, вклучително и „Спејс Икс“ на Илон Маск, кој ја гледа Месечината како иден пазар.

Сепак, во неговиот втор претседателски мандат, Трамп се повеќе јавно го истакнува Марс како врвна цел. Маск, кој лобираше за номинацијата на Исакман, смета дека вниманието се оттргнува од патот кон Црвената планета.

Ајзакмeн нагласи дека повеќето американски вселенски програми ги надминуваат предвидените буџети и доцнат со роковите.

„Тоа е обесхрабрувачки бидејќи луѓето денес гледаат кон ѕвездите и се прашуваат што има таму, а не што ќе биде таму за неколку децении“, наведува тој.